អន្តរជាតិ
De Pecol នឹងក្លាយជាមនុស្សទី១ដែលទស្សនាបាន១៩៦ប្រទេសក្នុងរយៈពេលលឿនបំផុត ![](https://image.thmeythmey.com/pictures/2016/11/01/front.jpg)
×![]()
ចាប់ផ្តើមតាំងពីខែកក្កដា ឆ្នាំ២០១៥ កញ្ញា Cassie De Pecol បានដាក់ទិសដៅទស្សនាឲ្យបាន១៩៦ប្រទេសនៅលើពិភពលោក។ រយៈពេល១៥ខែកន្លងមក យុវតីវ័យ២៧ឆ្នាំដែលមកពីក្រុង Connecticut សហរដ្ឋអាមេរិករូបនេះ បានធ្វើដំណើរទេសចរណ៍ទៅកាន់ប្រទេសចំនួន១៨០រួចហើយ ដែលក្នុងនោះ មានកម្ពុជាផងដែរ។
ជាងមួយខែទៀតប៉ុណ្ណោះ កញ្ញា Cassie De Pecol ជនជាតិអាមេរិកវ័យ២៧ឆ្នាំ នឹងក្លាយជាមនុស្សតំបូងដែលបានទស្សនាប្រទេសចំនួន១៩៣ដែលជាសមាជិកអង្គការសហប្រជាជាតិ រួមទាំងកោះតៃវ៉ាន់ កូសូវូ និងប៉ាឡេស្ទីន ។ វាដំណើរទេសចរណ៍ក្នុងរយៈពេលដ៏លឿនបំផុត បើគិតចាប់តាំងពីនាងចាប់ផ្តើមនៅខែកក្កដា ឆ្នាំ២០១៥មក។
ក្នុងរយៈពេល១៥ ខែ De Pecol បានឆ្លងកាត់ដំណើរទេសចរណ៍នៅប្រទេសចំនួន១៨០រួចទៅហើយ។ ដំណើរទេសចរណ៍របស់ De Pecol ធ្វើឡើងក្រោមគម្រោង «Expedition 196» ដោយមានការចូលរួមឧបត្ថម្ភពីក្រុមហ៊ុនជាច្រើន ជាពិសេសសម្រាប់ការចាយវាយលើការធ្វើដំណើរ និងការស្នាក់នៅ។
រយៈពេល១៥ខែ De Pecol បានចំណាយប្រមាណ១៩៨ ០០០ដុល្លារអាមេរិក ដោយឆ្លងកាត់ការហោះហើរចំនួន២៥៤លើក។ បេសកកម្មរបស់ De Pecol គឺក្នុងនាមជាទូតសន្តិភាពរបស់វិទ្យាស្ថានសន្តិភាពអន្តរជាតិ ដែលធ្វើឡើងក្នុងគោលបំណងលើកកម្ពស់បរិស្ថាន សន្តិភាព តាមរយៈវិស័យទេសចរណ៍។ នាងប្រើប្រាស់ Instagram របស់ខ្លួនដើម្បីផ្សព្វផ្សាយពីគោលដៅនានាដែលខ្លួនទៅដល់។
ជាទូទៅ De Pecol ចំណាយពេលស្នាក់នៅពី២ ទៅ៥ថ្ងៃក្នុងប្រទេសនីមួយៗ ដោយកាន់លិខិតឆ្លងដែនចំនួន៤នៅជាប់ជាមួយ។
កាលពីឆ្នាំ២០១៤ លោក Graham Hughes ក្លាយជាមនុស្សទីមួយដែលបានបញ្ចប់ការទស្សនារាល់ប្រទេសទាំងអស់លើពិភពលោកក្នុងរយៈពេលក្រោម៤ឆ្នាំ៕
![](https://image.thmeythmey.com/pictures/2016/11/01/pe1.jpg)
![](https://image.thmeythmey.com/pictures/2016/11/01/pe2.jpg)
© រក្សាសិទ្ធិដោយ thmeythmey.com