អន្តរជាតិ
រុស្ស៊ី៖ សមាជិក UNSC ចាប់ផ្តើមគាំទ្រការបែងចែករវាងភេរវជន និងក្រុមឧទ្ទាមនៅស៊ីរី
×![]()
ដោយ: ថ្មីៗ
តំណាងអចិន្ត្រៃយ៍របស់រុស្ស៊ីប្រចាំអង្គការសហប្រជាជាតិ អះអាងថាសមាជិកក្រុមប្រឹក្សាសន្តិសុខអង្គការសហប្រជាជាតិចាប់ផ្តើមយល់ច្បាស់ពីសារសំខាន់នៃការបំបែកក្រុមឧទ្ទាមពីក្រុមភេរវជននៅស៊ីរីហើយ។ ហើយបច្ចុប្បន្នរុស្ស៊ីក៏កំពុងជំរុញឲ្យសមាជិកចាត់វិធានការរួមគ្នាប្រឆាំងមនោគមន៍វិជ្ជាជ្រុលនិយមរបស់ក្រុមភេរវជននៅស៊ីរីផងដែរ។
សមាជិកក្រុមប្រឹក្សាសន្តិសុខចាប់ផ្តើមយល់ពីជំហររបស់រុស្ស៊ីក្នុងការបែងចែកឲ្យដាច់គ្នារវាងក្រុមភេរវជននិងក្រុមឧទ្ទាមនៅស៊ីរី។ ហើយវាជាសញ្ញាវិជ្ជមានមួយក្នុងការឈានទៅដោះស្រាយ និងកម្ចាត់ក្រុមភេរវជនឲ្យកាន់តែមានប្រសិទ្ធភាពនោះ។
យោងតាមទីភ្នាក់ងារព័ត៌មានរុស្ស៊ី TASS បេសសកជនពិសេសរបស់រុស្ស៊ីប្រចាំអង្គការសហប្រជាជាតិ Vitaly Churkin បានថ្លែងប្រកបដោយសុទិដ្ឋិនិយមថា សមាជិកក្រុមប្រឹក្សាសន្តិសុខចាប់ផ្តើមយល់ច្បាស់ពីសារសំខាន់នៃការបែងចែករវាងភេរវជននិងក្រុមឧទ្ទាម ហើយ ទោះជាមិនទាន់មានការឯកភាពគ្នាពេញលេញក្នុងការដោះស្រាយបញ្ហាស៊ីរីក៏ដោយ។
លោកថ្លែងថា៖ «វាមិនទាន់មានសំឡេងរួមគ្នាជុំវិញវិបត្តិនៅទីក្រុង Aleppo ក៏ដោយចុះ ខ្ញុំជឿជាក់ថា ការយល់ដឹងពីភាពចាំបាច់ក្នុងការបែងចែកឲ្យដាច់ស្រឡះរវាងភេរវជន និង ក្រុមឧទ្ទាម មានការកើនឡើងក្នុងចំណោមសមាជិកក្រុមប្រឹក្សាសន្តិសុខ»។
អ្នកការទូតរូបនេះពន្យល់ថា វាមិនមែនជាសកម្មភាពដែលធ្វើឡើងដើម្បីបំពេញតម្រូវការរដ្ឋណាមួយទេ ប៉ុន្តែវាជាកាតព្វកិច្ចមួយដែលត្រូវបានកំណត់ដោយដំណោះស្រាយក្រុមប្រឹក្សាសន្តិសុខអង្គការសហប្រជាជាតិ និងក្រុមអន្តរជាតិគាំទ្រស៊ីរីតែប៉ុណ្ណោះ ដែលត្រូវបែងចែកដូច្នេះ។
មកដល់ពេលនេះ រុស្ស៊ី និងអាមេរិក រួមទាំងប្រទេសក្នុងតំបន់ជាច្រើនផងនោះកំពុងជជែកពិភាក្សាលើគម្រោងបែងចែកឲ្យដាច់រវាងក្រុមភេរវជននិងក្រុមប្រឆាំងរដ្ឋាភិបាល។ ប៉ុន្តែ វាមិនទាន់មានការសម្រេចចេញជាលទ្ធផលចុងក្រោយនោះឡើយ។
កន្លងមករុស្ស៊ីតែងតែងរងការចោទប្រកាន់ពីសំណាក់លោកខាងលិចពាក់ព័ន្ធការវាយប្រហារតាមផ្លូវអាកាសរបស់ខ្លួន។ អាមេរិកថា រុស្ស៊ីយកលេសអន្តរាគមន៍នៅស៊ីរីដើម្បីវាយសំពោងក្រុមឧទ្ទាម តែរុស្ស៊ីថា ខ្លួនវាយប្រហារក្រុមភេរវជនប៉ុណ្ណោះ។ រុស្ស៊ីក៏រិះគន់អាមេរិកវិញដែរ ព្រោះអាមេរិកស្ទាក់ស្ទើរក្នុងការចាត់វិធានការប្រឆាំងក្រុមភេរវជននៅក្នុងទឹកដីស៊ីរី។ ដូច្នេះបើមានការបែងចែកច្បាស់រវាងក្រុមឧទ្ទាមនិងក្រុមភេរវជន វានឹងជួយសម្រួលដល់ប្រតិបត្តិការប្រឆាំងភេរវកម្ម។
ក្រៅពីជំរុញឲ្យមានការទទួលស្គាល់ពីភាពចាំបាច់នៃការបែងចែកឲ្យដាច់រវាងភេរវជននិងក្រុមឧទ្ទាមនេះ រុស្ស៊ីក៏បន្តកៀងគោឲ្យមានការពិភាក្សាគ្នាពីសេចក្តីដំណោះស្រាយដែលរុស្ស៊ីស្នើឡើងពាក់ព័ន្ធការប្រឆាំងមនោគមន៍វិជ្ជាជ្រុលនិយមផងដែរ។
លោក Vitaly Churkin បានពន្យល់ថា ដំណោះស្រាយរបស់រុស្ស៊ីគឺផ្តោតសំខាន់លើប្រព័ន្ធឃោសនាការដែលប្រឆាំងការផ្សព្វផ្សាយមនោគមន៍វិជ្ជាជ្រុលនិយម និងរាល់សកម្មភាពទាំងឡាយដែលជំរុញឲ្យមានភេរវកម្មកើតឡើង។ ថ្វីបើក្រុមភេរវជនរដ្ឋឥស្លាម ឬក្រុមដែស្ហថមថយឥទ្ធិពលនៅស៊ីរីនិងអ៊ីរ៉ាក់ក្តី ក្រុមនេះនៅតែអាចអូសទាញក្រុមសកម្មប្រយុទ្ធថ្មីបានយ៉ាងមានប្រសិទ្ធភាពដោយប្រើប្រាស់បច្ចេកវិទ្យាផ្សព្វផ្សាយមនោគមន៍វិជ្ជារបស់ខ្លួន។
តំណាងក្រុងមូស្គូរូបនេះបានបន្តថា ប្រទេសជាសមាជិកគួរយកចិត្តទុកដាក់លើបណ្តាអ៊ិនធឺណែត និងរាល់បណ្តាញសង្គមនានា ព្រោះវាជាទីកន្លែងដែលមនោគមន៍វិជ្ជាជ្រុលនិយមត្រូវបានគេផ្សព្វផ្សាយ។ ហើយភាពទំនើបនៃបច្ចេកវិទ្យាពិភពលោក នេះក៏រឹតតែធ្វើឲ្យការសាយភាយនៃមនោគមន៍វិជ្ជាកាន់តែកើនឡើងខ្លាំងថែមទៀតផង៕
សមាជិកក្រុមប្រឹក្សាសន្តិសុខចាប់ផ្តើមយល់ពីជំហររបស់រុស្ស៊ីក្នុងការបែងចែកឲ្យដាច់គ្នារវាងក្រុមភេរវជននិងក្រុមឧទ្ទាមនៅស៊ីរី។ ហើយវាជាសញ្ញាវិជ្ជមានមួយក្នុងការឈានទៅដោះស្រាយ និងកម្ចាត់ក្រុមភេរវជនឲ្យកាន់តែមានប្រសិទ្ធភាពនោះ។
យោងតាមទីភ្នាក់ងារព័ត៌មានរុស្ស៊ី TASS បេសសកជនពិសេសរបស់រុស្ស៊ីប្រចាំអង្គការសហប្រជាជាតិ Vitaly Churkin បានថ្លែងប្រកបដោយសុទិដ្ឋិនិយមថា សមាជិកក្រុមប្រឹក្សាសន្តិសុខចាប់ផ្តើមយល់ច្បាស់ពីសារសំខាន់នៃការបែងចែករវាងភេរវជននិងក្រុមឧទ្ទាម ហើយ ទោះជាមិនទាន់មានការឯកភាពគ្នាពេញលេញក្នុងការដោះស្រាយបញ្ហាស៊ីរីក៏ដោយ។
លោកថ្លែងថា៖ «វាមិនទាន់មានសំឡេងរួមគ្នាជុំវិញវិបត្តិនៅទីក្រុង Aleppo ក៏ដោយចុះ ខ្ញុំជឿជាក់ថា ការយល់ដឹងពីភាពចាំបាច់ក្នុងការបែងចែកឲ្យដាច់ស្រឡះរវាងភេរវជន និង ក្រុមឧទ្ទាម មានការកើនឡើងក្នុងចំណោមសមាជិកក្រុមប្រឹក្សាសន្តិសុខ»។
អ្នកការទូតរូបនេះពន្យល់ថា វាមិនមែនជាសកម្មភាពដែលធ្វើឡើងដើម្បីបំពេញតម្រូវការរដ្ឋណាមួយទេ ប៉ុន្តែវាជាកាតព្វកិច្ចមួយដែលត្រូវបានកំណត់ដោយដំណោះស្រាយក្រុមប្រឹក្សាសន្តិសុខអង្គការសហប្រជាជាតិ និងក្រុមអន្តរជាតិគាំទ្រស៊ីរីតែប៉ុណ្ណោះ ដែលត្រូវបែងចែកដូច្នេះ។
មកដល់ពេលនេះ រុស្ស៊ី និងអាមេរិក រួមទាំងប្រទេសក្នុងតំបន់ជាច្រើនផងនោះកំពុងជជែកពិភាក្សាលើគម្រោងបែងចែកឲ្យដាច់រវាងក្រុមភេរវជននិងក្រុមប្រឆាំងរដ្ឋាភិបាល។ ប៉ុន្តែ វាមិនទាន់មានការសម្រេចចេញជាលទ្ធផលចុងក្រោយនោះឡើយ។
កន្លងមករុស្ស៊ីតែងតែងរងការចោទប្រកាន់ពីសំណាក់លោកខាងលិចពាក់ព័ន្ធការវាយប្រហារតាមផ្លូវអាកាសរបស់ខ្លួន។ អាមេរិកថា រុស្ស៊ីយកលេសអន្តរាគមន៍នៅស៊ីរីដើម្បីវាយសំពោងក្រុមឧទ្ទាម តែរុស្ស៊ីថា ខ្លួនវាយប្រហារក្រុមភេរវជនប៉ុណ្ណោះ។ រុស្ស៊ីក៏រិះគន់អាមេរិកវិញដែរ ព្រោះអាមេរិកស្ទាក់ស្ទើរក្នុងការចាត់វិធានការប្រឆាំងក្រុមភេរវជននៅក្នុងទឹកដីស៊ីរី។ ដូច្នេះបើមានការបែងចែកច្បាស់រវាងក្រុមឧទ្ទាមនិងក្រុមភេរវជន វានឹងជួយសម្រួលដល់ប្រតិបត្តិការប្រឆាំងភេរវកម្ម។
ក្រៅពីជំរុញឲ្យមានការទទួលស្គាល់ពីភាពចាំបាច់នៃការបែងចែកឲ្យដាច់រវាងភេរវជននិងក្រុមឧទ្ទាមនេះ រុស្ស៊ីក៏បន្តកៀងគោឲ្យមានការពិភាក្សាគ្នាពីសេចក្តីដំណោះស្រាយដែលរុស្ស៊ីស្នើឡើងពាក់ព័ន្ធការប្រឆាំងមនោគមន៍វិជ្ជាជ្រុលនិយមផងដែរ។
លោក Vitaly Churkin បានពន្យល់ថា ដំណោះស្រាយរបស់រុស្ស៊ីគឺផ្តោតសំខាន់លើប្រព័ន្ធឃោសនាការដែលប្រឆាំងការផ្សព្វផ្សាយមនោគមន៍វិជ្ជាជ្រុលនិយម និងរាល់សកម្មភាពទាំងឡាយដែលជំរុញឲ្យមានភេរវកម្មកើតឡើង។ ថ្វីបើក្រុមភេរវជនរដ្ឋឥស្លាម ឬក្រុមដែស្ហថមថយឥទ្ធិពលនៅស៊ីរីនិងអ៊ីរ៉ាក់ក្តី ក្រុមនេះនៅតែអាចអូសទាញក្រុមសកម្មប្រយុទ្ធថ្មីបានយ៉ាងមានប្រសិទ្ធភាពដោយប្រើប្រាស់បច្ចេកវិទ្យាផ្សព្វផ្សាយមនោគមន៍វិជ្ជារបស់ខ្លួន។
តំណាងក្រុងមូស្គូរូបនេះបានបន្តថា ប្រទេសជាសមាជិកគួរយកចិត្តទុកដាក់លើបណ្តាអ៊ិនធឺណែត និងរាល់បណ្តាញសង្គមនានា ព្រោះវាជាទីកន្លែងដែលមនោគមន៍វិជ្ជាជ្រុលនិយមត្រូវបានគេផ្សព្វផ្សាយ។ ហើយភាពទំនើបនៃបច្ចេកវិទ្យាពិភពលោក នេះក៏រឹតតែធ្វើឲ្យការសាយភាយនៃមនោគមន៍វិជ្ជាកាន់តែកើនឡើងខ្លាំងថែមទៀតផង៕
Tag:
Vitaly Churkin
រុស្ស៊ី
ក្រុមប្រឹក្សាសន្តិសុខអង្គការសហប្រជាជាតិ
© រក្សាសិទ្ធិដោយ thmeythmey.com
