អន្តរជាតិ
ចិន ប្រាប់ជប៉ុន ថា «មិនចង់និយាយដដែលថាសកម្មភាពខ្លួននៅសមុទ្រខាងកើតជាសកម្មភាពស្របច្បាប់នោះទេ»
លោកស្រីអ្នកនាំពាក្យក្រសួងការបរទេសចិន Hua Chunying
×![]()
រដ្ឋាភិបាលក្រុងតូក្យូ បានដេកមិនលក់ បក់មិនល្ហើយ ក្រោយនាវាល្បាតក្រុងប៉េកាំង បានបើកឆ្លងកាត់ និងឆ្វែលក្បែរតំបន់រុករកប្រេង និងហ្គាសនៃតំបន់ចម្រូងចម្រាសសមុទ្រខាងកើត ដែលជប៉ុនចាត់ទុកថាស្ថិតក្រោមអធិបតេយ្យរបស់ខ្លួនដែរនោះ។ តែក្រុងប៉េកាំង ក៏បានប្រាប់ទៅក្រុងត្យូក្យូ ថា ចិន មិនចង់និយាយដដែលៗនោះថា សកម្មភាពខ្លួនស្របច្បាប់ ហើយធ្វើឡើងក្នុងតំបន់ដែលគ្មានជម្លោះអ្វីនោះទេ។ 
ឆ្លើយតបនឹងសំណួរអ្នកសារព័ត៌មាន ថាតើចិន ប្រតិកម្មបែបណាចំពោះការតវ៉ារបស់ជប៉ុនជុំវិញសកម្មភាពនាវាល្បាតចិននៅសមុទ្រខាងកើត លោកស្រីអ្នកនាំពាក្យក្រសួងការបរទេសចិន Hua Chunying បានបញ្ជាក់យ៉ាងដូច្នេះថា «យើងបាននិយាយពីជំហររបស់យើងច្រើនដងមកហើយ។ សកម្មភាពរុករកប្រេង និងហ្គាសរបស់ចិន នៅសមុទ្រខាងកើតទាំងអស់ ធ្វើឡើងនៅក្នុងដែនទឹកក្រោមយុត្តាធិការរបស់ចិនសុទ្ធសាធ»។
នាសន្និសីទសារព័ត៌មានប្រចាំថ្ងៃនៅថ្ងៃទី០១ ខែវិច្ឆិកាម្សិលមិញ លោកស្រីអ្នកនាំពាក្យរូបនោះ ក៏បានអះអាងថា ចិន សង្ឃឹមថា ជប៉ុន អាចគោរពសិទ្ធិអធិបតេយ្យ និងយុត្តាធិការរបស់ចិន ជំនួសដោយការធ្វើការអធិប្បាយមិនសមរម្យលើសកម្មភាពស្របច្បាប់របស់ចិននោះ។
សូមជម្រាបផងដែរថា នៅថ្ងៃទី០១ ខែវិច្ឆិកា ដដែលនោះដែរ រដ្ឋមន្ត្រីការបរទេសជប៉ុន លោក Fumio Kishida បានចេញសេចក្តីថ្លែងការណ៍ប្រតិកម្ម និងតវ៉ាចំពោះសកម្មភាពចិននៅសមុទ្រខាងកើត។ សេចក្តីថ្លែងការណ៍ បាននិយាយាថា «វា គឺជារឿងដែលគួរឲ្យសោកស្តាយណាស់ ដែលចិន កំពុងតែបន្តសកម្មភាពនៅក្នុងតំបន់អភិវឌ្ឍន៍ជាឯកតោភាគី បើទោះបីជាជប៉ុន បានតវ៉ាជាច្រើនលើកមកហើយនោះ»។
កន្លងមក ជប៉ុន តែងតែចេញសេចក្តីថ្លែងការណ៍ដោយទទូចឲ្យចិន បញ្ឈប់កម្មវិធីអភិវឌ្ឍធនធាននៅក្បែរតំបន់ដែលជប៉ុន បានស្នើជាតំបន់ក្នុងបន្ទាត់ «ចំណុចកណ្តាល» ដែលបែងចែកតំបន់សេដ្ឋកិច្ចផ្តាច់មុខរវាងប្រទេសទាំងពីរ។
តាមពិតទៅការចេញសេចក្តីថ្លែងការណ៍ប្រឆាំងនឹងសកម្មភាពនៅក្នុងសមុទ្រចិនខាងកើត មិនមែនធ្វើឡើងចេញតែពីភាគីជប៉ុននោះទេ ពោលគឺ ភាគីទាំងពីរ តែងតែថ្លែងប្រតិកម្មដាក់គ្នាទៅវិញទៅមក ដោយចោទថាការបំពាននៅក្នុងអធិបតេយ្យរៀងៗខ្លួន នៅពេលមានភាគីណាមួយ មានសកម្មភាពលើសលួសគ្នាបន្តិចនៅក្នុងតំបន់ជម្លោះសមុទ្រខាងកើតនោះ។ ចិន និងជប៉ុន បានមានភាពចម្រូងចម្រាសក្នុងការទាមទារ និងគ្រប់គ្រងលើតំបន់សមុទ្រខាងកើត ជាពិសេសលើតំបន់ប្រជុំកោះ Senkaku (ហៅដោយជប៉ុន) ឬ Diaoyu(ហៅដោយចិន)ជាយូរមកហើយ។ ភាគីទាំងពីរសុទ្ធសឹងតែអះអាងថា មានសិទ្ធិ អធិបតេយ្យ និងយុត្តធិការនៅក្នុងតំបន់នោះ ដោយយោងតាមភស្តុតាងឯកតោភាគីរៀងៗខ្លួន៕
ឆ្លើយតបនឹងសំណួរអ្នកសារព័ត៌មាន ថាតើចិន ប្រតិកម្មបែបណាចំពោះការតវ៉ារបស់ជប៉ុនជុំវិញសកម្មភាពនាវាល្បាតចិននៅសមុទ្រខាងកើត លោកស្រីអ្នកនាំពាក្យក្រសួងការបរទេសចិន Hua Chunying បានបញ្ជាក់យ៉ាងដូច្នេះថា «យើងបាននិយាយពីជំហររបស់យើងច្រើនដងមកហើយ។ សកម្មភាពរុករកប្រេង និងហ្គាសរបស់ចិន នៅសមុទ្រខាងកើតទាំងអស់ ធ្វើឡើងនៅក្នុងដែនទឹកក្រោមយុត្តាធិការរបស់ចិនសុទ្ធសាធ»។
នាសន្និសីទសារព័ត៌មានប្រចាំថ្ងៃនៅថ្ងៃទី០១ ខែវិច្ឆិកាម្សិលមិញ លោកស្រីអ្នកនាំពាក្យរូបនោះ ក៏បានអះអាងថា ចិន សង្ឃឹមថា ជប៉ុន អាចគោរពសិទ្ធិអធិបតេយ្យ និងយុត្តាធិការរបស់ចិន ជំនួសដោយការធ្វើការអធិប្បាយមិនសមរម្យលើសកម្មភាពស្របច្បាប់របស់ចិននោះ។
សូមជម្រាបផងដែរថា នៅថ្ងៃទី០១ ខែវិច្ឆិកា ដដែលនោះដែរ រដ្ឋមន្ត្រីការបរទេសជប៉ុន លោក Fumio Kishida បានចេញសេចក្តីថ្លែងការណ៍ប្រតិកម្ម និងតវ៉ាចំពោះសកម្មភាពចិននៅសមុទ្រខាងកើត។ សេចក្តីថ្លែងការណ៍ បាននិយាយាថា «វា គឺជារឿងដែលគួរឲ្យសោកស្តាយណាស់ ដែលចិន កំពុងតែបន្តសកម្មភាពនៅក្នុងតំបន់អភិវឌ្ឍន៍ជាឯកតោភាគី បើទោះបីជាជប៉ុន បានតវ៉ាជាច្រើនលើកមកហើយនោះ»។
កន្លងមក ជប៉ុន តែងតែចេញសេចក្តីថ្លែងការណ៍ដោយទទូចឲ្យចិន បញ្ឈប់កម្មវិធីអភិវឌ្ឍធនធាននៅក្បែរតំបន់ដែលជប៉ុន បានស្នើជាតំបន់ក្នុងបន្ទាត់ «ចំណុចកណ្តាល» ដែលបែងចែកតំបន់សេដ្ឋកិច្ចផ្តាច់មុខរវាងប្រទេសទាំងពីរ។
តាមពិតទៅការចេញសេចក្តីថ្លែងការណ៍ប្រឆាំងនឹងសកម្មភាពនៅក្នុងសមុទ្រចិនខាងកើត មិនមែនធ្វើឡើងចេញតែពីភាគីជប៉ុននោះទេ ពោលគឺ ភាគីទាំងពីរ តែងតែថ្លែងប្រតិកម្មដាក់គ្នាទៅវិញទៅមក ដោយចោទថាការបំពាននៅក្នុងអធិបតេយ្យរៀងៗខ្លួន នៅពេលមានភាគីណាមួយ មានសកម្មភាពលើសលួសគ្នាបន្តិចនៅក្នុងតំបន់ជម្លោះសមុទ្រខាងកើតនោះ។ ចិន និងជប៉ុន បានមានភាពចម្រូងចម្រាសក្នុងការទាមទារ និងគ្រប់គ្រងលើតំបន់សមុទ្រខាងកើត ជាពិសេសលើតំបន់ប្រជុំកោះ Senkaku (ហៅដោយជប៉ុន) ឬ Diaoyu(ហៅដោយចិន)ជាយូរមកហើយ។ ភាគីទាំងពីរសុទ្ធសឹងតែអះអាងថា មានសិទ្ធិ អធិបតេយ្យ និងយុត្តធិការនៅក្នុងតំបន់នោះ ដោយយោងតាមភស្តុតាងឯកតោភាគីរៀងៗខ្លួន៕
Tag:
ចិន
ជប៉ុន
© រក្សាសិទ្ធិដោយ thmeythmey.com
