អន្តរជាតិ
នយោបាយអន្តរជាតិ
សភាថៃបើកប្រជុំវិសាមញ្ញសប្តាហ៍ក្រោយ ខណៈពិធីសោយរាជ្យកាន់តែជិតមកដល់
×![]()
សភាថៃនឹងបើកិច្ចប្រជុំវិសាមញ្ញមួយនៅសប្តាហ៍ក្រោយ ស្របពេលដែលកាលបរិច្ឆេទនៃការឡើងសោយរាជ្យរបស់ព្រះមហាក្សត្រថ្មីកាន់តែខិតជិតមកដល់ហើយនោះ។ ប្រធានសភាបានស្នើឲ្យសមាជិកសភាទាំងអស់កុំចាកចេញទៅក្រៅប្រទេស ដើម្បីនៅចូលរួមក្នុងកិច្ចប្រជុំនេះ។
ប្រធានរដ្ឋសភាថៃបានប្រកាសនៅថ្ងៃសុក្រនេះថា សភានឹងបើកកិច្ចប្រជុំពិសេសមួយនៅថ្ងៃអង្គារសប្តាហ៍ក្រោយ។ ការប្រកាសរៀបចំកិច្ចប្រជុំកើតឡើង ស្របពេលដែលកាលបរិច្ឆេទនៃការឡើងសោយរាជ្យរបស់ព្រះអង្គម្ចាស់ Maha Vajiralongkorn កាន់តែខិតជិតមកដល់នោះ។
យោងតាមទីភ្នាក់ងារព័ត៌មាន Reuters ការរៀបចំកិច្ចប្រជុំពិសេសនេះធ្វើឡើងតាមការស្នើសុំរបស់នាយករដ្ឋមន្ត្រី ប្រាយុទ្ធ ចន្ទអូចា ទៅកាន់ ប្រធានសភាលោក Pornpetch Wichitcholchai។
ពាក់ព័ន្ធកិច្ចប្រជុំនេះលោក Pornpetch Wichitcholchai បានថ្លែងថា រដ្ឋាភិបាលបានស្នើឲ្យមានកិច្ចប្រជុំនៅសប្តាហ៍ក្រោយមែន ប៉ុន្តែរដ្ឋាភិបាលមិនបានផ្តល់ព័ត៌មានថា កិច្ចប្រជុំនេះនឹងជជែកពីអ្វីពិតប្រាកដឡើយ។
លោក Pornpetch Wichitcholchai បន្តថា៖«ខ្ញុំត្រូវរង់ចាំរដ្ឋាភិបាលរដ្ឋាភិបាលទាក់ទងមកសភាដើម្បីជជែកពីកិច្ចប្រជុំនេះ។ ហើយខ្ញុំបានណែនាំទៅសមាជិកសភាកុំឲ្យចាកចេញទៅបរទេសនៅសប្តាហ៍ក្រោយ»។
ទោះជាមិនមានការបកស្រាយ ឬបញ្ជាក់បន្ថែមរឿងកិច្ចប្រជុំនេះក៏ដោយ នៅថ្ងៃអង្គារខាងមុខគេអាចនឹងប្រកាសផ្លូវការពីការឡើងសោយរាជ្យនេះ ព្រោះបើយោងតាមរដ្ឋធម្មនុញ្ញថៃ សភាត្រូវយាងអ្នកស្នងរាជ្យមកឡើងសោយរាជ្យ។ ពិធីនេះអាចរៀបចំឡើងនៅចន្លោះពីថ្ងៃ ១ទៅថ្ងៃ ២ធ្នូ ព្រោះវានឹងមានរយៈពេល ៥០ថ្ងៃក្រោយពេលព្រះមហាក្សត្រសោយទិវង្គត់។
ជារួម របបរាជានិយមជាសរសរស្តម្ភនៃសន្តិភាព និងស្ថិរភាព ក៏ដូចជាឯកភាពជាតិនៅក្នុងប្រទេសថៃ។ ប៉ុន្តែ រាជ្យបល្ល័ង្គនៅទំនេរនៅឡើយរាប់ចាប់ពីពេលដែលព្រះចៅ ភូមិបុល អាឌុលយ៉ាដេត សោយទិវង្គតនៅថ្ងៃ ១៣តុលាកន្លងទៅនោះ។ ហើយតំណែងរាជានុសិទ្ធិគ្រប់គ្រងដោយលោក Prem Tinsulanonda ជាប្រមុខរដ្ដស្ដីទី ទម្រាំមហាក្សត្រថ្មីឡើងសោយរាជ្យ។
កាលពីខែមុន ទីភ្នាក់ងារព័ត៌មាន Reuters បានផ្សាយថា នៅថ្ងៃទី១ខែធ្នូ ព្រះអង្គម្ចាស់ Vajiralongkorn នឹងឡើងសោយរាជ្យ។ ប៉ុន្តែ ការឡើងគ្រងរាជ្យជាផ្លូវការនឹងត្រូវរៀបចំឡើងនៅឆ្នាំក្រោយ ពោលគឺក្រោយពិធីបូជាសពរបស់ព្រះចៅភូមិបុល អាឌុលយ៉ាដេត៕
ប្រធានរដ្ឋសភាថៃបានប្រកាសនៅថ្ងៃសុក្រនេះថា សភានឹងបើកកិច្ចប្រជុំពិសេសមួយនៅថ្ងៃអង្គារសប្តាហ៍ក្រោយ។ ការប្រកាសរៀបចំកិច្ចប្រជុំកើតឡើង ស្របពេលដែលកាលបរិច្ឆេទនៃការឡើងសោយរាជ្យរបស់ព្រះអង្គម្ចាស់ Maha Vajiralongkorn កាន់តែខិតជិតមកដល់នោះ។
យោងតាមទីភ្នាក់ងារព័ត៌មាន Reuters ការរៀបចំកិច្ចប្រជុំពិសេសនេះធ្វើឡើងតាមការស្នើសុំរបស់នាយករដ្ឋមន្ត្រី ប្រាយុទ្ធ ចន្ទអូចា ទៅកាន់ ប្រធានសភាលោក Pornpetch Wichitcholchai។
ពាក់ព័ន្ធកិច្ចប្រជុំនេះលោក Pornpetch Wichitcholchai បានថ្លែងថា រដ្ឋាភិបាលបានស្នើឲ្យមានកិច្ចប្រជុំនៅសប្តាហ៍ក្រោយមែន ប៉ុន្តែរដ្ឋាភិបាលមិនបានផ្តល់ព័ត៌មានថា កិច្ចប្រជុំនេះនឹងជជែកពីអ្វីពិតប្រាកដឡើយ។
លោក Pornpetch Wichitcholchai បន្តថា៖«ខ្ញុំត្រូវរង់ចាំរដ្ឋាភិបាលរដ្ឋាភិបាលទាក់ទងមកសភាដើម្បីជជែកពីកិច្ចប្រជុំនេះ។ ហើយខ្ញុំបានណែនាំទៅសមាជិកសភាកុំឲ្យចាកចេញទៅបរទេសនៅសប្តាហ៍ក្រោយ»។
ទោះជាមិនមានការបកស្រាយ ឬបញ្ជាក់បន្ថែមរឿងកិច្ចប្រជុំនេះក៏ដោយ នៅថ្ងៃអង្គារខាងមុខគេអាចនឹងប្រកាសផ្លូវការពីការឡើងសោយរាជ្យនេះ ព្រោះបើយោងតាមរដ្ឋធម្មនុញ្ញថៃ សភាត្រូវយាងអ្នកស្នងរាជ្យមកឡើងសោយរាជ្យ។ ពិធីនេះអាចរៀបចំឡើងនៅចន្លោះពីថ្ងៃ ១ទៅថ្ងៃ ២ធ្នូ ព្រោះវានឹងមានរយៈពេល ៥០ថ្ងៃក្រោយពេលព្រះមហាក្សត្រសោយទិវង្គត់។
ជារួម របបរាជានិយមជាសរសរស្តម្ភនៃសន្តិភាព និងស្ថិរភាព ក៏ដូចជាឯកភាពជាតិនៅក្នុងប្រទេសថៃ។ ប៉ុន្តែ រាជ្យបល្ល័ង្គនៅទំនេរនៅឡើយរាប់ចាប់ពីពេលដែលព្រះចៅ ភូមិបុល អាឌុលយ៉ាដេត សោយទិវង្គតនៅថ្ងៃ ១៣តុលាកន្លងទៅនោះ។ ហើយតំណែងរាជានុសិទ្ធិគ្រប់គ្រងដោយលោក Prem Tinsulanonda ជាប្រមុខរដ្ដស្ដីទី ទម្រាំមហាក្សត្រថ្មីឡើងសោយរាជ្យ។
កាលពីខែមុន ទីភ្នាក់ងារព័ត៌មាន Reuters បានផ្សាយថា នៅថ្ងៃទី១ខែធ្នូ ព្រះអង្គម្ចាស់ Vajiralongkorn នឹងឡើងសោយរាជ្យ។ ប៉ុន្តែ ការឡើងគ្រងរាជ្យជាផ្លូវការនឹងត្រូវរៀបចំឡើងនៅឆ្នាំក្រោយ ពោលគឺក្រោយពិធីបូជាសពរបស់ព្រះចៅភូមិបុល អាឌុលយ៉ាដេត៕
Tag:
Maha Vajiralongkorn
ប្រាយុទ្ធ ចន្ទអូចា
Pornpetch Wichitcholchai
© រក្សាសិទ្ធិដោយ thmeythmey.com
