អន្តរជាតិ
×![]()
ប្រមុខរដ្ឋតួកគីបានចេញមុខគំរាមប្រទេសអឺរ៉ុបថា លោកនឹងអាចបញ្ជាឲ្យគេបើករបងព្រំដែនអនុញ្ញាតឲ្យជនភៀសខ្លួនចូលទៅអឺរ៉ុប បើសិនជាអឺរ៉ុបធ្វើហួសហេតុដាក់តួកគី។ តួកគីទំនងជាខឹងអឺរ៉ុបខ្លាំង ក្រោយសភាអឺរ៉ុបបោះឆ្នោតព្យួរការចរចាលើការកំណត់សមាជិកភាពតួកគីក្នុងសហភាពអឺរ៉ុបជាបណ្តោះអាសន្ននោះ។
«តួកគីនឹងបើករបបឲ្យជនភៀសខ្លួនចូលទៅអឺរ៉ុប បើសិនជាអឺរ៉ុបធ្វើហួសហេតុពេក»។ នេះជាសារគំរាមរបស់ប្រធានាធិបតីតួកគី Tayyip Erdoga ផ្ញើទៅកាន់សហភាពអឺរ៉ុបនៅថ្ងៃសុក្រទី ២៥ វិច្ឆិកា។
ថ្លែងនៅទីក្រុង Istanbul លោក Erdogan បានបញ្ជាក់ថា៖ «លោកអ្នកនាំគ្នាស្រែកសន្ធាប់ ពេលដែលជនភៀសខ្លួន ៥ម៉ឺននាក់ទៅដល់ Kapikule ហើយអ្នកឆ្ងល់ថាតើអ្វីនឹងកើតឡើងបើសិនជារបងនៅតាមព្រំដែនត្រូវបានបើកនោះ»។
លោកបន្តថា៖« បើសិនជាអ្នកបន្តធ្វើហួសហេតុជាងនេះទៀតរបបនៅព្រំដែននឹងត្រូវបើក។ ខ្ញុំនិងប្រជាជនខ្ញុំមិនរងគ្រោះដោយសារបញ្ហាជនភៀសខ្លូននេះទេ។កុំភ្លេចថា បស្ចិមលោកត្រូវការតួកគីនោះ»។
ដើមហេតុគឺវាដូច្នេះ។ សារប្រធានាធិបតីតួកគី ធ្វើឡើងក្រោយពេលដែលសមាជិកសភាអឺរ៉ុបនាំគ្នាបោះឆ្នោតព្យួរដំណើរការចរចាកំណត់សមាជិកភាពរបស់តួកគីក្នុងសហភាពអឺរ៉ុប ដោយសម្អាងលើហេតុផលសិទ្ធិមនុស្ស។ ការចូលរួមជាមួយសហភាពអឺរ៉ុបនេះជាអ្វីដែលតួកគីចង់បានតាំងពីយូរ ហើយសម្រាប់តួកគី ការផ្អាកការចរចានេះជាទង្វើមួយដែលលើសលោះនិងមិនអាចទទួលយកបានឡើយ។
តួកគី តែងតែយកជនភៀសខ្លូនមកគំរាមអឺរ៉ុបបែបនេះ ដោយសារខ្លួនយល់ឃើញថា អឺរ៉ុបបានរងទុក្ខ និងជួបរឿងចម្រូងចម្រាសផ្ទៃក្នុងច្រើនដោយសារជនភៀសខ្លួននេះរួចទៅហើយ។ ដូច្នេះការបន្ថែមចំនួនជនភៀសខ្លួនមកទៀត ជារឿងដែលគួរឲ្យភ័យបារម្ភបំផុតរបស់បណ្តាប្រទេសអឺរ៉ុបនេះតែម្តង។ ដូច្នេះហើយ ការពឹងពាក់តួកគីជារឿងដែលអឺរ៉ុបចៀសមិនផុត។
យ៉ាងណាមិញ ការបោះឆ្នោតសម្រេចព្យួរការចរចាសមាជិកភាពតួកគីនៅសភាអឺរ៉ុបនេះមិនមានអនុភាពចាប់បង្ខំឡើយ។ ហើយសមាជិកសភាពអឺរ៉ុបមួយចំនួនមានអាល្លឺម៉ង់ និងបារាំងនៅតែចង់ឲ្យមានការបន្តជជែកពិភាក្សាជាមួយតួកគីទៀត ទោះជាមានការបារម្ភពីបញ្ហាសិទ្ធិមនុស្សនៅតួកគីក្រោយរដ្ឋប្រហារខែកក្កដាក៏ដោយ។
ទាក់ទងនឹងបញ្ហាជនភៀសខ្លួននេះដែរ តួកគីនិងអឺរ៉ុប បានសម្រេចកិច្ចព្រមព្រៀងរួមគ្នាមួយកាលពីខែមិនាកន្លងទៅ ហើយការសម្រេចកិច្ចព្រមព្រៀងនេះធ្វើឡើង ដោយភាគីអឺរ៉ុបសន្យាជួយពន្លឿនការចរចាកំណត់សមាជិកភាពរបស់តួកគីក្នុងសហភាពអឺរ៉ុប ជាថ្នូរជាមួយការគ្រប់គ្រងជនភៀសខ្លួននោះ។ ប៉ុន្តែទោះជាមានកិច្ចព្រមព្រៀងបែបនេះក្តី ប្រទេសមួយចំនួននៅអឺរ៉ុបនៅតែបន្តប្រឈមបញ្ហាជនភៀសខ្លួននេះដែរ
ឧទាហរណ៍ជាក់ស្តែង ជម្លោះហិង្សារវាងជនភៀសខ្លួននៅកោះ Lesbos របស់ក្រិកបណ្តាលឲ្យមានមនុស្សស្លាប់។ ហើយមួយទៀតការប៉ះទង្គិចគ្នារវាងប៉ូលិសនិងជនភៀសខ្លួននៅប៊ុលការី ហើយរដ្ឋាភិបាលប៊ុលការីនេះអះអាងថាខ្លួននឹងបញ្ជូនជនភៀសខ្លួនរាប់រយនាក់ដែលពាក់ព័ន្ធហិង្សានេះទៅកាន់ប្រទេសកំណើតនៅអាហ្វហ្កានីស្ថានវិញនៅខែក្រោយ៕
«តួកគីនឹងបើករបបឲ្យជនភៀសខ្លួនចូលទៅអឺរ៉ុប បើសិនជាអឺរ៉ុបធ្វើហួសហេតុពេក»។ នេះជាសារគំរាមរបស់ប្រធានាធិបតីតួកគី Tayyip Erdoga ផ្ញើទៅកាន់សហភាពអឺរ៉ុបនៅថ្ងៃសុក្រទី ២៥ វិច្ឆិកា។
ថ្លែងនៅទីក្រុង Istanbul លោក Erdogan បានបញ្ជាក់ថា៖ «លោកអ្នកនាំគ្នាស្រែកសន្ធាប់ ពេលដែលជនភៀសខ្លួន ៥ម៉ឺននាក់ទៅដល់ Kapikule ហើយអ្នកឆ្ងល់ថាតើអ្វីនឹងកើតឡើងបើសិនជារបងនៅតាមព្រំដែនត្រូវបានបើកនោះ»។
លោកបន្តថា៖« បើសិនជាអ្នកបន្តធ្វើហួសហេតុជាងនេះទៀតរបបនៅព្រំដែននឹងត្រូវបើក។ ខ្ញុំនិងប្រជាជនខ្ញុំមិនរងគ្រោះដោយសារបញ្ហាជនភៀសខ្លូននេះទេ។កុំភ្លេចថា បស្ចិមលោកត្រូវការតួកគីនោះ»។
ដើមហេតុគឺវាដូច្នេះ។ សារប្រធានាធិបតីតួកគី ធ្វើឡើងក្រោយពេលដែលសមាជិកសភាអឺរ៉ុបនាំគ្នាបោះឆ្នោតព្យួរដំណើរការចរចាកំណត់សមាជិកភាពរបស់តួកគីក្នុងសហភាពអឺរ៉ុប ដោយសម្អាងលើហេតុផលសិទ្ធិមនុស្ស។ ការចូលរួមជាមួយសហភាពអឺរ៉ុបនេះជាអ្វីដែលតួកគីចង់បានតាំងពីយូរ ហើយសម្រាប់តួកគី ការផ្អាកការចរចានេះជាទង្វើមួយដែលលើសលោះនិងមិនអាចទទួលយកបានឡើយ។
តួកគី តែងតែយកជនភៀសខ្លូនមកគំរាមអឺរ៉ុបបែបនេះ ដោយសារខ្លួនយល់ឃើញថា អឺរ៉ុបបានរងទុក្ខ និងជួបរឿងចម្រូងចម្រាសផ្ទៃក្នុងច្រើនដោយសារជនភៀសខ្លួននេះរួចទៅហើយ។ ដូច្នេះការបន្ថែមចំនួនជនភៀសខ្លួនមកទៀត ជារឿងដែលគួរឲ្យភ័យបារម្ភបំផុតរបស់បណ្តាប្រទេសអឺរ៉ុបនេះតែម្តង។ ដូច្នេះហើយ ការពឹងពាក់តួកគីជារឿងដែលអឺរ៉ុបចៀសមិនផុត។
យ៉ាងណាមិញ ការបោះឆ្នោតសម្រេចព្យួរការចរចាសមាជិកភាពតួកគីនៅសភាអឺរ៉ុបនេះមិនមានអនុភាពចាប់បង្ខំឡើយ។ ហើយសមាជិកសភាពអឺរ៉ុបមួយចំនួនមានអាល្លឺម៉ង់ និងបារាំងនៅតែចង់ឲ្យមានការបន្តជជែកពិភាក្សាជាមួយតួកគីទៀត ទោះជាមានការបារម្ភពីបញ្ហាសិទ្ធិមនុស្សនៅតួកគីក្រោយរដ្ឋប្រហារខែកក្កដាក៏ដោយ។
ទាក់ទងនឹងបញ្ហាជនភៀសខ្លួននេះដែរ តួកគីនិងអឺរ៉ុប បានសម្រេចកិច្ចព្រមព្រៀងរួមគ្នាមួយកាលពីខែមិនាកន្លងទៅ ហើយការសម្រេចកិច្ចព្រមព្រៀងនេះធ្វើឡើង ដោយភាគីអឺរ៉ុបសន្យាជួយពន្លឿនការចរចាកំណត់សមាជិកភាពរបស់តួកគីក្នុងសហភាពអឺរ៉ុប ជាថ្នូរជាមួយការគ្រប់គ្រងជនភៀសខ្លួននោះ។ ប៉ុន្តែទោះជាមានកិច្ចព្រមព្រៀងបែបនេះក្តី ប្រទេសមួយចំនួននៅអឺរ៉ុបនៅតែបន្តប្រឈមបញ្ហាជនភៀសខ្លួននេះដែរ
ឧទាហរណ៍ជាក់ស្តែង ជម្លោះហិង្សារវាងជនភៀសខ្លួននៅកោះ Lesbos របស់ក្រិកបណ្តាលឲ្យមានមនុស្សស្លាប់។ ហើយមួយទៀតការប៉ះទង្គិចគ្នារវាងប៉ូលិសនិងជនភៀសខ្លួននៅប៊ុលការី ហើយរដ្ឋាភិបាលប៊ុលការីនេះអះអាងថាខ្លួននឹងបញ្ជូនជនភៀសខ្លួនរាប់រយនាក់ដែលពាក់ព័ន្ធហិង្សានេះទៅកាន់ប្រទេសកំណើតនៅអាហ្វហ្កានីស្ថានវិញនៅខែក្រោយ៕
Tag:
វិបត្តិជនភៀសខ្លួនអឺរ៉ុប
Tayyip Erdoga
តួកគី
© រក្សាសិទ្ធិដោយ thmeythmey.com
