ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អន្តរជាតិ
បុរសម្នាក់ជួយសង្គ្រោះឆ្កែជាច្រើនក្បាលនៅកម្ពុជា ថៃ វៀតណាម កូរ៉េខាងត្បូង ឥណ្ឌូនេស៊ី និងចិន
27, Nov 2016 ,
8:39 pm
រូបភាព
×
ដោយ:
ធីតា
Maggie កំពុងរស់នៅយ៉ាងសប្បាយរីករាយនៅលើទឹកដីសហរដ្ឋអាមេរិក។ កាលពីខែមេសា កន្លងមកទៅ សត្វឆ្កែដែលមានប្រភពពីជាយរាជធានីភ្នំពេញមួយនេះ ស្ទើរតែខ្លាចជាចំណីរបស់មនុស្សទៅហើយ ប៉ុន្តែវាត្រូវបានជួយសង្គ្រោះទាន់ពេលវេលាដោយលោក Marc Ching ស្ថាបនិកមូលនិធិ Animal Hope & Wellness Foundation។
លោក Marc Ching ជនជាតិអាមេរិក ដែលមានឪពុកម្តាយដើមកំណើតកូរ៉េ-ជប៉ុន មានក្តីស្រឡាញ់យ៉ាងធំធេងចំពោះសត្វសុនខ។ ជិត២ឆ្នាំមកហើយ លោកបានធ្វើដំណើរមកកាន់តំបន់ដើម្បីជួយសង្គ្រោះសត្វឆ្កែ ដែលរងនូវទារុណកម្ម និងគ្រោះថ្នាក់ដល់ជីវិត។
ចាប់តាំងពីខែកញ្ញា ឆ្នាំ២០១៥មក លោក Mac Ching បានធ្វើដំណើរតែម្នាក់ឯងមកកាន់តំបន់អាស៊ី ដោយមានប្រទេសចិន វៀតណាម កម្ពុជា ថៃ កូរ៉េខាងត្បូង និងឥណ្ឌូនេស៊ី ដើម្បីស្វែងរកសត្វឆ្កែដែលប្រឈមគ្រោះថ្នាក់ដល់ជីវិត និងផ្តល់នូវការជួយសង្គ្រោះ។
លោក Marc Ching ស្ថាបនិកមូលនិធិ Animal Hope & Wellness Foundation និងជាម្ចាស់ហាងម្ហូបអាហារសត្វ PetStaurant ដែលមានមូលដ្ឋាននៅតំបន់ Sherman Oaks រដ្ឋកាលីហ្វនីញ៉ា បានរៀបរាប់ពីរឿងរ៉ាវដ៏គួរឲ្យអាណិតរបស់សត្វឆ្កែដែលលោកបានដាក់ឈ្មោះថា Maggie។ ឆ្កែត្រូវបានលោកជួយសង្គ្រោះចេញពីទីសត្វឃាតមួយនៅជាយរាជធានីភ្នំពេញ កាលពីខែមេសា កន្លងមក ខណៈដែលត្រូវបានគេចងព្យួរ និងរងការវាយដំយ៉ាងធ្ងន់ធ្ងរ។
តាមរយៈទំព័រហ្វេសប៊ុក Animal Hope & Wellness Foundation លោក Marc Ching បានរៀបរាប់ថា ការជួយសង្គ្រោះសត្វឆ្កែ មិនមែនសំដៅបង្កើតចលនាអ្វីនោះឡើយ ប៉ុន្តែលោកចង់ឲ្យមនុស្សគ្រប់រូបគោរពជីវិតរបស់សត្វ។ ជាមួយគ្នានេះ លោកបានបង្ហោះវីដេអូ ទាក់ទងនឹងសកម្មភាពសង្គ្រោះ Maggie និងសកម្មភាពសប្បាយរីករាយរបស់វានៅលើទឹកដីអាមេរិក។
កាលពីខែកញ្ញា ឆ្នាំ២០១៥ លោកបានធ្វើដំណើរទៅប្រទេសចិន ហើយលោកបានអារម្មណ៍ក្តុកក្តួលយ៉ាងខ្លាំងដោយឃើញមនុស្សនាំគ្នារីករាយក្នុងទិវាសាច់ឆ្កែ «Yulin Festival» ក្នុងខេត្ត Guangzhou។ យោងតាមការផ្សាយរបស់ La Weekly លោក Ching សម្រាកមិនដែលសម្រាកបានស្រួលនោះឡើយ នៅពេលដែលលោកស្រមៃឃើញទិដ្ឋភាពសត្វឆ្កែដែលត្រូវគេធ្វើបាប។
បន្ទាប់មក លោកបានធ្វើដំណើរច្រើនលើកទៀតមកកាន់អាស៊ី ដើម្បីសង្គ្រោះជីវិតសត្វឆ្កែ២៤៩ក្បាល នៅក្នុងខេត្ត Guangzhou ប្រទេសចិន ក្រុង Busan ប្រទេសកូរ៉េខាងត្បូង និងក្រុងហាណូយ ប្រទេសវៀតណាម ប៉ុន្តែមាន៦១ក្បាលប៉ុណ្ណោះដែលនៅមានជីវិត។ នៅប្រទេសកម្ពុជា លោកបានទៅទីសត្តឃាតមួយដែលនៅជាយរាជធានីភ្នំពេញ ដោយមានការសម្លាប់ឆ្កែជាច្រើនក្បាលក្នុងមួយថ្ងៃដើម្បីយកធ្វើជាអាហារ។
លោក Ching បានលើកឡើងថា សកម្មភាពរបស់លោកមិនមែនដើម្បីស្វែងរកប្រាក់ចំណូលអ្វីនោះឡើយ ពីព្រោះអាជីវកម្មរបស់លោកមានដំណើរការល្អខ្លាំងណាស់។ តាមសម្តីដែលដកស្រង់ដោយ carelikeido.com លោក Ching បានអះអាងថា៖ «ខ្ញុំមិនដែលចង់ឲ្យអ្នកណាម្នាក់ស្ងើចនូវអ្វីដែលខ្ញុំធ្វើនោះឡើយ ហើយក៏មិនចង់ឲ្យគេនិយាយបំពុលថា ខ្ញុំធ្វើដើម្បីសុំជំនួយនោះដែរ ពីព្រោះវាជារឿងដែលមិនអាចទៅរួច។ ខ្ញុំខាតបង់លុយរាប់ម៉ឺនដុល្លារអាមេរិកក្នុងមួយឆ្នាំដោយសារតែសកម្មភាពសង្គ្រោះនេះ វាត្រូវការលុយច្រើនណាស់ ប៉ុន្តែខ្ញុំពេញចិត្ត វាមានន័យខ្លាំងណាស់សម្រាប់ខ្ញុំ»។
សម្រាប់ដំណើរមកជួយសង្គ្រោះសត្វឆ្កែតំបន់អាស៊ី លោក Ching ទទួលបានការណែនាំ និងបង្ហាញភាគច្រើនពីអ្នកបកប្រែភាសា និងអ្នកបើករថយន្តឲ្យលោក។ ពួកគេបានចង្អុលបង្ហាញលោកពីទីតាំង និងស្ថានភាពសត្វឆ្កែដែលប្រឈមគ្រោះថ្នាក់ដល់ជីវិត។
ឆ្កែប្រមាណ៥០ក្បាលហើយ ដែលលោកបានរៀបចំឯកសារ និងយកទៅរស់នៅសហរដ្ឋអាមេរិក ជាពិសេសយកវាទៅថែទាំនៅទីស្នាក់ការមូលនិធិ Animal Hope & Wellness Foundation ហើយបន្ទាប់មកស្វែងរកម្ចាស់ថ្មីឲ្យពួកវា។
លោកបានបញ្ជាក់ថា ក្រៅពីជនជាតិអាមេរិក លោកក៏ស្វែងរកអ្នកស្រឡាញ់ឆ្កែនៅកាណាដា និងតំបន់អាស៊ីផងដែរ។ លោកចង់ឃើញសត្វឆ្កែទូទៅទទួលបាននូវក្តីស្រឡាញ់គ្រប់ទីកន្លែង និងគ្រប់ពេលវេលា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?
2 ថ្ងៃ
«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?
1 ថ្ងៃ
តើពាក្យ «សូម, សុំ» មានន័យខុសគ្នាយ៉ាងដូចម្តេច?
10 ម៉ោង
តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?
3 ថ្ងៃ
ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ
4 ថ្ងៃ
អត្ថបទពេញនិយមបន្ថែម