អន្តរជាតិ
នាយករដ្ឋមន្ត្រីម៉ាឡេស៊ីថា គ្មានការចាំបាច់ត្រូវបោះឆ្នោតមុនអាណត្តិឡើយ
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីម៉ាឡេស៊ី Najib Razak បានទាត់ចោលការអំពាវនាវឲ្យមានការបោះឆ្នោតមុនអាណត្តិ ខណៈវិបត្តិនយោបាយក្នុងស្រុកនៅតែបន្ត ដោយសារការធ្វើបាតុកម្មទាមទារឲ្យលោកចុះចេញពីតំណែង។ លោក Najib កំពុងរួមរឹតដោយរឿងអាស្រូវពុករលួយនៅក្នុងមូលនិធិរដ្ឋ 1MDB ហើយគណបក្សប្រឆាំង និងអតីតនាយករដ្ឋមន្ត្រី មហាធៀ មហាម៉េដ ក៏ស្នើឲ្យលោកចុះចេញដែរ។
លោក Najib Razak នៅថ្ងៃទី២៧ ខែវិច្ឆិកានេះ បាននិយាយថា វាមិនមែនជារឿងចាំបាច់ដែលត្រូវធ្វើការបោះឆ្នោតមុនអាណត្តិនៅឆ្នាំក្រោយឡើយ ដ្បិតកាលៈទេសៈមិនមានភាពអំណោយផលទេ។ នាយករដ្ឋមន្ត្រី Najib Razak ហាក់សម្ពាធខ្លាំងនាពេលចុងក្រោយនេះ ដោយសារការតវ៉ាពីសំណាក់បាតុករ ដែលទាមទារឲ្យលាលែងពីតំណែង។ នៅមុននេះលោកទំនងចង់ចរចាជាមួយក្រុមប្រឆាំង តែខាងក្រុមប្រឆាំងមិនមានជំហរដូចគ្នាឡើយ។
ការបោះឆ្នោតអាណត្តិក្រោយនឹងត្រួវធ្វើឡើងក្នុងឆ្នាំ២០១៨ ។ ប៉ុន្តែមន្ត្រីរដ្ឋាភិបាលម៉ាឡេស៊ីបាននិយាយថា នាយករដ្ឋមន្ត្រី Najib ចង់បានការបោះឆ្នោតមុនអាណត្តិ ដែលទំនងជានៅពាក់កណ្ដាលឆ្នាំ២០១៧។ យ៉ាងណាក្ដី លោក Najib បានទាត់ចោលព័ត៌មានទាំងនោះ ដោយលើកឡើងថា គ្មានភាពចាំបាច់ត្រូវបោះឆ្នោតមុនអាណត្តិឡើយ ហើយសង្គមម៉ាឡេស៊ីសព្វថ្ងៃ ក៏មិនអំណោយផលដែរ។
ក្នុងបទសម្ភាសន៍ជាមួយសារព័ត៌មាន The Star ដែលចេញផ្សាយនៅថ្ងៃទី២៧ ខែវិច្ឆិកា នាយករដ្ឋមន្ត្រី Najib បានឆ្លើយនឹងសំណួរពាក់ព័ន្ធនឹងការបោះឆ្នោតមុនអាណត្តិ ថា វាដូចជាមិនចាំបាច់ឡើយ ការបោះឆ្នោតអាចធ្វើនៅពេលក្រោយក៏បាន។ លោកបន្តថា ក្នុងស្ថានភាពសេដ្ឋកិច្ចសព្វថ្ងៃ ការបោះឆ្នោតអាចក្លាយជាបញ្ហា ដ្បិតសេដ្ឋកិច្ចពិភពលោក មិនមានកំណើនឡើយ ហើយវានឹងនៅតែដូច្នេះនៅឆ្នាំក្រោយៗទៀត។
នាយករដ្ឋមន្ត្រី Najib កំពុងប្រឈមមុខការទាមទារឲ្យចុះចេញដោយសារតែរឿងអាស្រូវពុករលួយពាក់ព័ន្ធនឹងមូលនិធិ 1MDB ។ យ៉ាងណាក្ដី លោកតែងបដិសេធជាប់ពាក់ព័ន្ធនឹងរឿងអាស្រូវនេះ ព្រមទាំងបានកម្ចាត់ក្រុមអ្នករិះគន់រូបលោកផងដែរ។ មន្ត្រីជាន់ខ្ពស់រដ្ឋាភិបាល ក៏ដូចជាបក្សកាន់អំណាចរបស់លោកជាច្រើន ត្រូវបានបណ្ដេញចេញពីបក្ស និងបញ្ចប់តំណែងជាដើម។
អតីតនាយករដ្ឋមន្ត្រី មហាធៀ មហាម៉ាដ ជាអ្នករិះគន់លោក Najib ខ្លាំងជាងគេ បើទោះជាធ្លាប់ធ្វើការជាមួយគ្នាក៏ដោយ។ លោក មហាធៀ ក៏បានបង្កើតគណបក្សនយោបាយថ្មី ដើម្បីប្រឆាំងរដ្ឋាភិបាល លោក Najib ក្នុងការបោះឆ្នោតអាណត្តក្រោយ។ លោកក៏បានសហការជាមួយបណ្ដាក្រុមប្រឆាំងដទៃទៀត ដើម្បីប្រមូលផ្ដុំកម្លាំងក្នុងការផ្ដួលលោកនាយករដ្ឋមន្ត្រី Najib ផងដែរ៕
លោក Najib Razak នៅថ្ងៃទី២៧ ខែវិច្ឆិកានេះ បាននិយាយថា វាមិនមែនជារឿងចាំបាច់ដែលត្រូវធ្វើការបោះឆ្នោតមុនអាណត្តិនៅឆ្នាំក្រោយឡើយ ដ្បិតកាលៈទេសៈមិនមានភាពអំណោយផលទេ។ នាយករដ្ឋមន្ត្រី Najib Razak ហាក់សម្ពាធខ្លាំងនាពេលចុងក្រោយនេះ ដោយសារការតវ៉ាពីសំណាក់បាតុករ ដែលទាមទារឲ្យលាលែងពីតំណែង។ នៅមុននេះលោកទំនងចង់ចរចាជាមួយក្រុមប្រឆាំង តែខាងក្រុមប្រឆាំងមិនមានជំហរដូចគ្នាឡើយ។
ការបោះឆ្នោតអាណត្តិក្រោយនឹងត្រួវធ្វើឡើងក្នុងឆ្នាំ២០១៨ ។ ប៉ុន្តែមន្ត្រីរដ្ឋាភិបាលម៉ាឡេស៊ីបាននិយាយថា នាយករដ្ឋមន្ត្រី Najib ចង់បានការបោះឆ្នោតមុនអាណត្តិ ដែលទំនងជានៅពាក់កណ្ដាលឆ្នាំ២០១៧។ យ៉ាងណាក្ដី លោក Najib បានទាត់ចោលព័ត៌មានទាំងនោះ ដោយលើកឡើងថា គ្មានភាពចាំបាច់ត្រូវបោះឆ្នោតមុនអាណត្តិឡើយ ហើយសង្គមម៉ាឡេស៊ីសព្វថ្ងៃ ក៏មិនអំណោយផលដែរ។
ក្នុងបទសម្ភាសន៍ជាមួយសារព័ត៌មាន The Star ដែលចេញផ្សាយនៅថ្ងៃទី២៧ ខែវិច្ឆិកា នាយករដ្ឋមន្ត្រី Najib បានឆ្លើយនឹងសំណួរពាក់ព័ន្ធនឹងការបោះឆ្នោតមុនអាណត្តិ ថា វាដូចជាមិនចាំបាច់ឡើយ ការបោះឆ្នោតអាចធ្វើនៅពេលក្រោយក៏បាន។ លោកបន្តថា ក្នុងស្ថានភាពសេដ្ឋកិច្ចសព្វថ្ងៃ ការបោះឆ្នោតអាចក្លាយជាបញ្ហា ដ្បិតសេដ្ឋកិច្ចពិភពលោក មិនមានកំណើនឡើយ ហើយវានឹងនៅតែដូច្នេះនៅឆ្នាំក្រោយៗទៀត។
នាយករដ្ឋមន្ត្រី Najib កំពុងប្រឈមមុខការទាមទារឲ្យចុះចេញដោយសារតែរឿងអាស្រូវពុករលួយពាក់ព័ន្ធនឹងមូលនិធិ 1MDB ។ យ៉ាងណាក្ដី លោកតែងបដិសេធជាប់ពាក់ព័ន្ធនឹងរឿងអាស្រូវនេះ ព្រមទាំងបានកម្ចាត់ក្រុមអ្នករិះគន់រូបលោកផងដែរ។ មន្ត្រីជាន់ខ្ពស់រដ្ឋាភិបាល ក៏ដូចជាបក្សកាន់អំណាចរបស់លោកជាច្រើន ត្រូវបានបណ្ដេញចេញពីបក្ស និងបញ្ចប់តំណែងជាដើម។
អតីតនាយករដ្ឋមន្ត្រី មហាធៀ មហាម៉ាដ ជាអ្នករិះគន់លោក Najib ខ្លាំងជាងគេ បើទោះជាធ្លាប់ធ្វើការជាមួយគ្នាក៏ដោយ។ លោក មហាធៀ ក៏បានបង្កើតគណបក្សនយោបាយថ្មី ដើម្បីប្រឆាំងរដ្ឋាភិបាល លោក Najib ក្នុងការបោះឆ្នោតអាណត្តក្រោយ។ លោកក៏បានសហការជាមួយបណ្ដាក្រុមប្រឆាំងដទៃទៀត ដើម្បីប្រមូលផ្ដុំកម្លាំងក្នុងការផ្ដួលលោកនាយករដ្ឋមន្ត្រី Najib ផងដែរ៕
Tag:
ម៉ាឡេស៊ី
Najib Razak
© រក្សាសិទ្ធិដោយ thmeythmey.com
