អន្តរជាតិ
នយោបាយអន្តរជាតិ
ប្រជាជនកូរ៉េខាងត្បុងធ្វើបាតុកម្មទាមទារឲ្យលោកស្រី ប៉ាក ហ្គឺនហេ ចុះចេញពីតំណែង (រូបភាព Xinhua)
×![]()
ដោយ: តន ចាន់រិទ្ធារ៉ា
រឿងអាស្រូវរបស់ប្រធានាធិបតី ប៉ាក ហ្គឺនហេ បានរាលដាលចូលដល់វិស័យចម្រៀង K-pop ដ៏ល្បីរបស់កូរ៉េខាងត្បូង។ អ្នកចាត់ការផ្នែកវីដេអូចម្រៀងមួយរូប ត្រូវបានកាត់ទោស ក្រោយរកឃើញជាប់ពាក់ព័ន្ធនឹងសំណុំពុករលួយ ដែលធ្វើឲ្យកើតវិបត្តិនយោបាយក្នុងស្រុក និងរង្គើកៅអីប្រធានាធិបតី ប៉ាក ហ្គឺនហេ ដែលកំពុងប្រឈមមុខនឹងការទាមទារឲ្យលាលែងពីតំណែង។
រដ្ឋអាជ្ញាកូរ៉េខាងត្បូងបានរកឃើញថា លោក Cha Eun-Taek ដែលជាអ្នកចាត់ការលេចធ្លោក្នុងវិស័យចម្រៀង K-pop បានប្រើប្រាស់ទំនាក់ទំនងសម្ងាត់ជាមួយលោកស្រី Choi Soon-Sil ជាមនុស្សជំនិតរបស់ប្រធានាធិបតី ប៉ាក ហ្គឺនហេ ដើម្បីទទួលបានគម្រោងពីក្រុមហ៊ុនរដ្ឋ និងឯកជន។ លោក Cha Eun-Taek ត្រូវបានកាត់ទោសពីបទរំលោភអំណាច ការបង្ខិតបង្ខំ និងការលួចបន្លំ។
អ្នកចាត់ការក្នុងវិស័យចម្រៀងដ៏ល្បីល្បាញរូបនេះ ជាបុគ្គលសាធរណចុងក្រោយគេ ដែលត្រូវបានកាត់ទោស ចំពោះការជាប់ពាក់ព័ន្ធនឹងរឿងអាស្រូវដ៏ធំនេះ។ លោកស្រី ស្រី Choi Soon-Sil ក៏ត្រូវកាត់ទោសលើករណីជាច្រើន ជាពិសេសការលូកដៃចូលកិច្ចការរដ្ឋ និងការប្រើប្រាស់ទំនាក់ទំនងជាមួយប្រធានាធិបតី ប៉ាក ហ្គឺនហេ ដើម្បីទាមទារប្រាក់សន្ធឹកសន្ធាប់ពីក្រុមហ៊ុនធំៗរបស់ប្រទេសរួមទាំងក្រុមហ៊ុន Samsung ផងដែរ។
បើតាមទីភ្នាក់ងារព័ត៌មាន AFP រដ្ឋអាជ្ញាកូរ៉េខាងត្បូងបញ្ជាក់ទៀតថា ប្រធានាធិបតី ប៉ាក ហ្គឺនហេ ថែមទាំងបានបញ្ជូនទីប្រឹក្សាសេដ្ឋកិច្ចរបស់ខ្លួនដាក់សម្ពាធលើមន្ត្រីនិងក្រុមហ៊ុននានា ដើម្បីធានាថា លោក Cha Eun-Taek ទទួលបានកិច្ចសន្យាផងដែរ។ មកទល់ពេលនេះ ទីប្រឹក្សាជាច្រើនរូបរបស់លោកស្រី ត្រូវនាំខ្លួនសួរនាំ និងត្រូវបានកាត់ទោសមួយចំនួនហើយដែរ។
ដោយឡែកលោកស្រី ប៉ាក ហ្គឺនហេ វិញ រដ្ឋអាជ្ញា មិនទាន់អាចធ្វើអ្វីបាននៅឡើយ ដ្បិតលោកស្រីនៅជាប្រធានាធិបតីក្នុងតំណែង។ ម្ដងជាពីរដង លោកស្រីបានពន្យារពេលចូលខ្លួនទៅកាន់ការិយាល័យរដ្ឋអាជ្ញា ដើម្បីសាកសួរលើតួនាទីលោកស្រីក្នុងសំណុំរឿងក្ដៅគគុកនេះ បើទោះជាលោកស្រីធ្លាប់អះអាងចូលខ្លួនតាមការកោះហៅក៏ដោយ។ ហើយតុលាការក៏មិនអាចកាត់ទោសលោកស្រីលើករណីនេះបានដែរ។
យ៉ាងណាក្ដី ក្រុមបាតុការរាប់ច្រើនជាងមួយលាននាក់ បានតវ៉ានៅទូទាំងប្រទេសដើម្បីទាមទារឲ្យលោកស្រី ប៉ាក ហ្គឺនហេ លាលែងដោយខ្លួនឯង។ ចំណែកក្រុមបក្សប្រឆាំង ក៏កំពុងស្វែងរកសំឡេងគាំទ្រពីបក្សកាន់អំណាច ដើម្បីចាប់ផ្ដើមដំណើរការទម្លាក់លោកស្រី ប៉ាក ផងដែរ។ ប៉ុន្តែលោកស្រីប្រធានាធិបតី ប៉ាក ហ្គឺនហេ នៅតែជម្នះការទាមទារទាំងនោះ និងព្រមលាលែងពីតំណែងឡើយ៕
រដ្ឋអាជ្ញាកូរ៉េខាងត្បូងបានរកឃើញថា លោក Cha Eun-Taek ដែលជាអ្នកចាត់ការលេចធ្លោក្នុងវិស័យចម្រៀង K-pop បានប្រើប្រាស់ទំនាក់ទំនងសម្ងាត់ជាមួយលោកស្រី Choi Soon-Sil ជាមនុស្សជំនិតរបស់ប្រធានាធិបតី ប៉ាក ហ្គឺនហេ ដើម្បីទទួលបានគម្រោងពីក្រុមហ៊ុនរដ្ឋ និងឯកជន។ លោក Cha Eun-Taek ត្រូវបានកាត់ទោសពីបទរំលោភអំណាច ការបង្ខិតបង្ខំ និងការលួចបន្លំ។
អ្នកចាត់ការក្នុងវិស័យចម្រៀងដ៏ល្បីល្បាញរូបនេះ ជាបុគ្គលសាធរណចុងក្រោយគេ ដែលត្រូវបានកាត់ទោស ចំពោះការជាប់ពាក់ព័ន្ធនឹងរឿងអាស្រូវដ៏ធំនេះ។ លោកស្រី ស្រី Choi Soon-Sil ក៏ត្រូវកាត់ទោសលើករណីជាច្រើន ជាពិសេសការលូកដៃចូលកិច្ចការរដ្ឋ និងការប្រើប្រាស់ទំនាក់ទំនងជាមួយប្រធានាធិបតី ប៉ាក ហ្គឺនហេ ដើម្បីទាមទារប្រាក់សន្ធឹកសន្ធាប់ពីក្រុមហ៊ុនធំៗរបស់ប្រទេសរួមទាំងក្រុមហ៊ុន Samsung ផងដែរ។
បើតាមទីភ្នាក់ងារព័ត៌មាន AFP រដ្ឋអាជ្ញាកូរ៉េខាងត្បូងបញ្ជាក់ទៀតថា ប្រធានាធិបតី ប៉ាក ហ្គឺនហេ ថែមទាំងបានបញ្ជូនទីប្រឹក្សាសេដ្ឋកិច្ចរបស់ខ្លួនដាក់សម្ពាធលើមន្ត្រីនិងក្រុមហ៊ុននានា ដើម្បីធានាថា លោក Cha Eun-Taek ទទួលបានកិច្ចសន្យាផងដែរ។ មកទល់ពេលនេះ ទីប្រឹក្សាជាច្រើនរូបរបស់លោកស្រី ត្រូវនាំខ្លួនសួរនាំ និងត្រូវបានកាត់ទោសមួយចំនួនហើយដែរ។
ដោយឡែកលោកស្រី ប៉ាក ហ្គឺនហេ វិញ រដ្ឋអាជ្ញា មិនទាន់អាចធ្វើអ្វីបាននៅឡើយ ដ្បិតលោកស្រីនៅជាប្រធានាធិបតីក្នុងតំណែង។ ម្ដងជាពីរដង លោកស្រីបានពន្យារពេលចូលខ្លួនទៅកាន់ការិយាល័យរដ្ឋអាជ្ញា ដើម្បីសាកសួរលើតួនាទីលោកស្រីក្នុងសំណុំរឿងក្ដៅគគុកនេះ បើទោះជាលោកស្រីធ្លាប់អះអាងចូលខ្លួនតាមការកោះហៅក៏ដោយ។ ហើយតុលាការក៏មិនអាចកាត់ទោសលោកស្រីលើករណីនេះបានដែរ។
យ៉ាងណាក្ដី ក្រុមបាតុការរាប់ច្រើនជាងមួយលាននាក់ បានតវ៉ានៅទូទាំងប្រទេសដើម្បីទាមទារឲ្យលោកស្រី ប៉ាក ហ្គឺនហេ លាលែងដោយខ្លួនឯង។ ចំណែកក្រុមបក្សប្រឆាំង ក៏កំពុងស្វែងរកសំឡេងគាំទ្រពីបក្សកាន់អំណាច ដើម្បីចាប់ផ្ដើមដំណើរការទម្លាក់លោកស្រី ប៉ាក ផងដែរ។ ប៉ុន្តែលោកស្រីប្រធានាធិបតី ប៉ាក ហ្គឺនហេ នៅតែជម្នះការទាមទារទាំងនោះ និងព្រមលាលែងពីតំណែងឡើយ៕
Tag:
K-Pop
ប៉ាក ហ្គឺនហេ
Cha Eun-Taek
Choi Soon-Sil
© រក្សាសិទ្ធិដោយ thmeythmey.com
