អន្តរជាតិ
×![]()
ដោយ: ថ្មីៗ
ប្រធានរដ្ឋសភាវៀតណាមលោកស្រី Nguyen Thi Kim Ngan អញ្ជើញទៅចូលរួមពិធីបុណ្យសពរបស់មេដឹកនាំបដិវត្តន៍គុយបាលោក ហ្វីដែល កាស្ត្រូ (Fidel Castro) នៅព្រឹកថ្ងៃចន្ទនេះ។ ក្រុមអ្នកនយោបាយនិងសមាជិកបក្សកុម្មុយនីស្តវៀតណាមជាច្រើនផ្សេងទៀតក៏ទៅគោរពវិញ្ញាណក្ខន្ធលោក ហ្វីដែល កាស្ត្រូ នៅស្ថានទូតគុយបាប្រចាំប្រទេសវៀតណាមដែរ។
ក្រសួងការបរទេសវៀតណាមបានចេញសេចក្តីប្រកាសព័ត៌មានមួយបញ្ជាក់ថា ប្រធានរដ្ឋសភាវៀតណាមលោកស្រី Nguyen Thi Kim Ngan ចាកចេញពីវៀតណាមនៅថ្ងៃចន្ទនេះដើម្បីទៅចូលរួមពិធីបុណ្យសពរបស់អតីតប្រមុខរដ្ឋនិងមេដឹកនាំបដិវត្តិន៍គុយបា ហ្វីដែល កាស្ត្រូ ( Fidel Castro)។
យោងតាមសេចក្តីប្រកាសព័ត៌មានក្រសួងការបរទេសវៀតណាម លោកស្រី ប្រធានសភា នេះបានដឹកនាំប្រតិភូជាន់ខ្ពស់វៀតណាមជាច្រើនរូបទៅចូលរួមពីធីបុណ្យនេះផងដែរ។ នៅព្រឹកថ្ងៃចន្ទដដែលនេះ មន្ត្រីជាន់ខ្ពស់រដ្ឋាភិបាលវៀតណាមនិង សមាជិកបក្សកុម្មុយនីស្តវៀតណាមក៏នឹងទៅគោរពវិញ្ញាក្ខន្ធលោក ហ្វីដែល កាស្ត្រូ នៅស្ថានទូតគុយបា នៅទីក្រុងហាណូយផងដែរ។
សូមបញ្ជាក់បន្តិចដែរថា អតីតប្រមុខរដ្ឋគុយបា លោក ហ្វីដែល កាស្ត្រូ បានទទួលមរណភាពនៅយប់ថ្ងៃសុក្រទី ២៥ វិច្ឆិកា ក្នុងអាយុ ៩០ ឆ្នាំ។ ហើយនៅព្រឹកថ្ងៃសៅរ៍ រដ្ឋាភិបាលវៀតណាម បានផ្ញើរលិខិតចូលរួមរម្លែកទុក្ខទៅកាន់ប្រជាជនគុយបាដែរ។ មេដឹកនាំវៀតណាមពិតជាសោកសង្រេងចំពោះការទទួលមរណភាពរបស់លោក ហ្វីដែល កាស្ត្រូ ហើយវៀតណាមក៏លើកឡើងពីវារៈភាពរបស់លោក ហ្វីដែល កាស្ត្រូ ដែលបានបំពេញចំពោះប្រទេសជាតិនិងតំបន់អាមេរិកឡាទីទាំងមូលដែរ។ វៀតណាមថ្លែងថា លោក ហ្វីដែល កាស្ត្រូ ជាមេដឹកនាំដ៏អស្ចារ្យរបស់ប្រជាជនគុយបានិងតំបន់ទាំងមូល ហើយលោកបានប្រឹងប្រែងមិនរួញរាក្នុងការស្វែងរកសន្តិភាព ឯករាជភាព សេរីភាព និងគោរពគោលនយោបាយសង្គមនិយម។
តាមពិតទៅ វៀតណាមនិងគុយបា មានទំនាក់ទំនងល្អនិងជិតស្និទ្ធតាំងពីយូរមកហើយ។ ហើយក្រោយវៀតណាមរួបរួមគ្នាឆ្នាំ ១៩៧៥ ក្រៅពីសហភាពសូវៀត គុយបាក៏បានរួមចំណែកសំខាន់ក្នុងការជួយជ្រោមជ្រែងឲ្យវៀតណាមក្នុងការអភិវឌ្ឍន៍វិស័យសំខាន់ៗមួយចំនួនដែរ។ គុយបា មិនត្រឹមតែជាប្រទេសដែលជាមិត្តជិតស្និទ្ធរបស់វៀតណាមប៉ុណ្ណោះទេ តែគុយបាការជាប្រទេសអនុវត្តគោលនយោបាយនិងមនោគមន៍វិជ្ជាសង្គមនិយមដ៏ជោគជ័យដែលជាប្រទេសគម្រូសម្រាប់វៀតណាម និងប្រទេសកំពុងអភិវឌ្ឍផ្សេងទៀតផងដែរ។ វៀតណាមស្ងើចសរសើរ គុយបា ចំពោះគោលនយោបាយកាត់បន្ថយភាពក្រីក្រ, លើកស្ទួយប្រព័ន្ធអប់រំនិងសុខាភិបាល វប្បធម៌ ក៏ដូចជាច្ចេកវិទ្យាខាងជីវសាស្ត្រជាដើមផង៕
ក្រសួងការបរទេសវៀតណាមបានចេញសេចក្តីប្រកាសព័ត៌មានមួយបញ្ជាក់ថា ប្រធានរដ្ឋសភាវៀតណាមលោកស្រី Nguyen Thi Kim Ngan ចាកចេញពីវៀតណាមនៅថ្ងៃចន្ទនេះដើម្បីទៅចូលរួមពិធីបុណ្យសពរបស់អតីតប្រមុខរដ្ឋនិងមេដឹកនាំបដិវត្តិន៍គុយបា ហ្វីដែល កាស្ត្រូ ( Fidel Castro)។
យោងតាមសេចក្តីប្រកាសព័ត៌មានក្រសួងការបរទេសវៀតណាម លោកស្រី ប្រធានសភា នេះបានដឹកនាំប្រតិភូជាន់ខ្ពស់វៀតណាមជាច្រើនរូបទៅចូលរួមពីធីបុណ្យនេះផងដែរ។ នៅព្រឹកថ្ងៃចន្ទដដែលនេះ មន្ត្រីជាន់ខ្ពស់រដ្ឋាភិបាលវៀតណាមនិង សមាជិកបក្សកុម្មុយនីស្តវៀតណាមក៏នឹងទៅគោរពវិញ្ញាក្ខន្ធលោក ហ្វីដែល កាស្ត្រូ នៅស្ថានទូតគុយបា នៅទីក្រុងហាណូយផងដែរ។
សូមបញ្ជាក់បន្តិចដែរថា អតីតប្រមុខរដ្ឋគុយបា លោក ហ្វីដែល កាស្ត្រូ បានទទួលមរណភាពនៅយប់ថ្ងៃសុក្រទី ២៥ វិច្ឆិកា ក្នុងអាយុ ៩០ ឆ្នាំ។ ហើយនៅព្រឹកថ្ងៃសៅរ៍ រដ្ឋាភិបាលវៀតណាម បានផ្ញើរលិខិតចូលរួមរម្លែកទុក្ខទៅកាន់ប្រជាជនគុយបាដែរ។ មេដឹកនាំវៀតណាមពិតជាសោកសង្រេងចំពោះការទទួលមរណភាពរបស់លោក ហ្វីដែល កាស្ត្រូ ហើយវៀតណាមក៏លើកឡើងពីវារៈភាពរបស់លោក ហ្វីដែល កាស្ត្រូ ដែលបានបំពេញចំពោះប្រទេសជាតិនិងតំបន់អាមេរិកឡាទីទាំងមូលដែរ។ វៀតណាមថ្លែងថា លោក ហ្វីដែល កាស្ត្រូ ជាមេដឹកនាំដ៏អស្ចារ្យរបស់ប្រជាជនគុយបានិងតំបន់ទាំងមូល ហើយលោកបានប្រឹងប្រែងមិនរួញរាក្នុងការស្វែងរកសន្តិភាព ឯករាជភាព សេរីភាព និងគោរពគោលនយោបាយសង្គមនិយម។
តាមពិតទៅ វៀតណាមនិងគុយបា មានទំនាក់ទំនងល្អនិងជិតស្និទ្ធតាំងពីយូរមកហើយ។ ហើយក្រោយវៀតណាមរួបរួមគ្នាឆ្នាំ ១៩៧៥ ក្រៅពីសហភាពសូវៀត គុយបាក៏បានរួមចំណែកសំខាន់ក្នុងការជួយជ្រោមជ្រែងឲ្យវៀតណាមក្នុងការអភិវឌ្ឍន៍វិស័យសំខាន់ៗមួយចំនួនដែរ។ គុយបា មិនត្រឹមតែជាប្រទេសដែលជាមិត្តជិតស្និទ្ធរបស់វៀតណាមប៉ុណ្ណោះទេ តែគុយបាការជាប្រទេសអនុវត្តគោលនយោបាយនិងមនោគមន៍វិជ្ជាសង្គមនិយមដ៏ជោគជ័យដែលជាប្រទេសគម្រូសម្រាប់វៀតណាម និងប្រទេសកំពុងអភិវឌ្ឍផ្សេងទៀតផងដែរ។ វៀតណាមស្ងើចសរសើរ គុយបា ចំពោះគោលនយោបាយកាត់បន្ថយភាពក្រីក្រ, លើកស្ទួយប្រព័ន្ធអប់រំនិងសុខាភិបាល វប្បធម៌ ក៏ដូចជាច្ចេកវិទ្យាខាងជីវសាស្ត្រជាដើមផង៕
Tag:
Nguyen Thi Kim Ngan
ហ្វីដែល កាស្ត្រូ
វៀតណាម
គុយបា
© រក្សាសិទ្ធិដោយ thmeythmey.com
