អន្តរជាតិ
ក្រុមឧទ្ទាមស៊ីរីអះអាងថា ការបាត់បង់ក្រុង Aleppo មិនមែនជាទីបញ្ចប់របស់ខ្លួនឡើយ
×![]()
ដោយ: តន ចាន់រិទ្ធារ៉ា
កងកម្លាំងរដ្ឋាភិបាលស៊ីរី បានបង្កើនការវាយប្រហារខ្លាំងលើទីក្រុង Aleppo ដែលកំពុងគ្រប់គ្រងដោយក្រុមឧទ្ទាមប្រឆាំង និងបានដណ្ដើមគ្រប់គ្រងតំបន់ជាច្រើនរបស់ទីក្រុងនេះ។ ជាមួយនឹងល្បឿននៃប្រតិបត្តិការដូចសព្វថ្ងៃ កងកម្លាំងរដ្ឋាភិបាល ទំនងជាដណ្ដើមទីក្រុងនេះមកវិញក្នុងពេលខាងមុខ។ ប៉ុន្តែក្រុមឧទ្ទាមបញ្ជាក់ថា បើទោះជាខ្លួនប្រឈមុខនឹងការបាត់បង់ Aleppo ក៏ការប្រយុទ្ធរបស់ខ្លួនមិនទាន់បញ្ចប់ដែរ។
ក្រុមឧទ្ទាមប្រឆាំងរបស់ស៊ីរី ប្រហែលជាមិនអាចទប់ទល់នឹងយុទ្ធនាការរបស់កងទ័ពប្រធានាធិបតីអាសាដ ដែលកំពុងបង្កើនការវាយលុកដណ្ដើមទីក្រុង Aleppo ត្រឡប់មកវិញ។ ក្រុមឧទ្ទាម ហាក់ថមថយកម្លាំងប្រយុទ្ធរបស់ខ្លួន ដ្បិតពួកគេមិនទទួលជំនួយច្រើនពីក្រុមសម្ព័ន្ធមិត្តឡើយ ខុសប្លែកពីយោធាស៊ីរីដែលទទួលការគាំទ្រយ៉ាងពេញទំហឹងពីសំណាក់សម្ព័ន្ធមិត្តរុស្សី។
យ៉ាងណាក្ដី លោក George Sabra មន្ត្រីចរចាជាន់ខ្ពស់របស់ក្រុមឧទ្ទាមប្រឆាំងអះអាងថា ការបាត់បង់ Aleppo មិនមែនជាទីបញ្ចប់នៃការប្រយុទ្ធជាមួយប្រធានាធិបតី Bashar al-Assad ឡើយ។ ស្ថានភាពបែបនេះ នឹងធ្វើឲ្យការចរចាស្វែងរកសន្តិភាពកាន់តែលំបាកថែមទៀត ខណៈការចរចាបច្ចុប្បន្ននេះ នៅបន្តជាប់គាំងរកច្រកចេញមិនឃើញ ដោយសារការខ្វែងគំនិតរវាងរុស្សី និងអាមេរិក។
ក្នុងបទសម្ភាសន៍ជាមួយសារព័ត៌មានអង់គ្លេស BCC លោក George Sabra បញ្ជាក់ថា ការបាត់បង់ក្រុងភាគខាងកើតនេះ ក៏មិនមែនជាអវសាននៃបដិវត្តន៍ដែរ។ លោកបន្ថែមថា Aleppo ជាទីក្រុងសំខាន់មួយ តែមិនមែនជាទីតាំងចុងក្រោយឡើយ។ មានទីតាំងជាច្រើននៅស៊ីរី ដែលត្រូវបន្តគ្រប់គ្រងដោយកងកម្លាំងប្រឆាំងស៊ីរីសេរី។ លោកក៏ព្រមានដែរថា យុទ្ធនាការយោធារបស់រដ្ឋាភិបាល នឹងប៉ះពាល់ដល់ដំណើរការចរចាមិនខាន។
អ្នកចរចារូបនេះ ប្រាប់សារព័ត៌មានអង់គ្លេសទៀតថា គ្មានអ្នកណាគិតពីដំណោះស្រាយសន្តិភាពក្នុងស្ថានភាពបែបនេះទេ។ ការចរចាស្វែងរកសន្តិភាពជាច្រើនលើកមកនេះ បន្តរាំងស្ទះ ដោយសារការមិនចុះសម្រុងរវាងមហាអំណាចពិភពលោក ដែលគាំទ្រភាគីជម្លោះនៅស៊ីរី។ រុស្សី នៅតែបន្តការពាររបបលោក អាសាដ ខណៈដែលសម្ព័ន្ធមិត្តបស្ចិមប្រទេស ក៏បន្តផ្ដល់ជំនួយដល់ក្រុមប្រឆាំង។
បើតាមក្រសួងការពារជាតិរុស្សី ក្រុមឧទ្ទាមស៊ីរី បានបាត់បង់ទឹកដីក្រុង Aleppo ប្រហែល៤០ភាគរយ ក្រោយប្រតិបត្តិការទម្លាក់គ្រាប់បែកដូចទឹកភ្លៀងរយៈពេលពីរសប្ដាហ៍មកនេះ។ ងាកទៅជនស៊ីវិលវិញ ក្រុមឧទ្ទាម បានបើកផ្លូវឲ្យប្រជាជនជាច្រើនពាន់នាក់ ភៀសខ្លួនទៅកាន់តំបន់គ្រប់គ្រងដោយកងទ័ពរដ្ឋាភិបាល និងតំបន់គ្រប់គ្រងដោយកងកម្លាំងឃឺដ។ ចំណែកឯការបញ្ជូនជំនួយមនុស្សធម៌ទៅកាន់ទីក្រុង Aleppo ក៏ត្រូវបានកាត់ផ្ដាច់ផងដែរ៕
ក្រុមឧទ្ទាមប្រឆាំងរបស់ស៊ីរី ប្រហែលជាមិនអាចទប់ទល់នឹងយុទ្ធនាការរបស់កងទ័ពប្រធានាធិបតីអាសាដ ដែលកំពុងបង្កើនការវាយលុកដណ្ដើមទីក្រុង Aleppo ត្រឡប់មកវិញ។ ក្រុមឧទ្ទាម ហាក់ថមថយកម្លាំងប្រយុទ្ធរបស់ខ្លួន ដ្បិតពួកគេមិនទទួលជំនួយច្រើនពីក្រុមសម្ព័ន្ធមិត្តឡើយ ខុសប្លែកពីយោធាស៊ីរីដែលទទួលការគាំទ្រយ៉ាងពេញទំហឹងពីសំណាក់សម្ព័ន្ធមិត្តរុស្សី។
យ៉ាងណាក្ដី លោក George Sabra មន្ត្រីចរចាជាន់ខ្ពស់របស់ក្រុមឧទ្ទាមប្រឆាំងអះអាងថា ការបាត់បង់ Aleppo មិនមែនជាទីបញ្ចប់នៃការប្រយុទ្ធជាមួយប្រធានាធិបតី Bashar al-Assad ឡើយ។ ស្ថានភាពបែបនេះ នឹងធ្វើឲ្យការចរចាស្វែងរកសន្តិភាពកាន់តែលំបាកថែមទៀត ខណៈការចរចាបច្ចុប្បន្ននេះ នៅបន្តជាប់គាំងរកច្រកចេញមិនឃើញ ដោយសារការខ្វែងគំនិតរវាងរុស្សី និងអាមេរិក។
ក្នុងបទសម្ភាសន៍ជាមួយសារព័ត៌មានអង់គ្លេស BCC លោក George Sabra បញ្ជាក់ថា ការបាត់បង់ក្រុងភាគខាងកើតនេះ ក៏មិនមែនជាអវសាននៃបដិវត្តន៍ដែរ។ លោកបន្ថែមថា Aleppo ជាទីក្រុងសំខាន់មួយ តែមិនមែនជាទីតាំងចុងក្រោយឡើយ។ មានទីតាំងជាច្រើននៅស៊ីរី ដែលត្រូវបន្តគ្រប់គ្រងដោយកងកម្លាំងប្រឆាំងស៊ីរីសេរី។ លោកក៏ព្រមានដែរថា យុទ្ធនាការយោធារបស់រដ្ឋាភិបាល នឹងប៉ះពាល់ដល់ដំណើរការចរចាមិនខាន។
អ្នកចរចារូបនេះ ប្រាប់សារព័ត៌មានអង់គ្លេសទៀតថា គ្មានអ្នកណាគិតពីដំណោះស្រាយសន្តិភាពក្នុងស្ថានភាពបែបនេះទេ។ ការចរចាស្វែងរកសន្តិភាពជាច្រើនលើកមកនេះ បន្តរាំងស្ទះ ដោយសារការមិនចុះសម្រុងរវាងមហាអំណាចពិភពលោក ដែលគាំទ្រភាគីជម្លោះនៅស៊ីរី។ រុស្សី នៅតែបន្តការពាររបបលោក អាសាដ ខណៈដែលសម្ព័ន្ធមិត្តបស្ចិមប្រទេស ក៏បន្តផ្ដល់ជំនួយដល់ក្រុមប្រឆាំង។
បើតាមក្រសួងការពារជាតិរុស្សី ក្រុមឧទ្ទាមស៊ីរី បានបាត់បង់ទឹកដីក្រុង Aleppo ប្រហែល៤០ភាគរយ ក្រោយប្រតិបត្តិការទម្លាក់គ្រាប់បែកដូចទឹកភ្លៀងរយៈពេលពីរសប្ដាហ៍មកនេះ។ ងាកទៅជនស៊ីវិលវិញ ក្រុមឧទ្ទាម បានបើកផ្លូវឲ្យប្រជាជនជាច្រើនពាន់នាក់ ភៀសខ្លួនទៅកាន់តំបន់គ្រប់គ្រងដោយកងទ័ពរដ្ឋាភិបាល និងតំបន់គ្រប់គ្រងដោយកងកម្លាំងឃឺដ។ ចំណែកឯការបញ្ជូនជំនួយមនុស្សធម៌ទៅកាន់ទីក្រុង Aleppo ក៏ត្រូវបានកាត់ផ្ដាច់ផងដែរ៕
Tag:
ជម្លោះស៊ីរី
Aleppo
© រក្សាសិទ្ធិដោយ thmeythmey.com
