អន្តរជាតិ
នយោបាយអន្តរជាតិ
×![]()
ដោយ: ថ្មីៗ
លោក វ្ល៉ាឌីមៀ ពូទីន មិនអញ្ជើញទៅចូលរួមបុណ្យសពមេដឹកនាំបដិវត្តន៍គុយបាលោក ហ្វីដែល កាស្ត្រូ ឡើយព្រោះលោករវល់ខ្លាំងពេក។ ប្រធានសភារុស្ស៊ី Vyacheslav Volodin នឹងដឹកនាំប្រតិភូទៅចូលរួមពិធីបុណ្យសពនេះជំនួសប្រមុខរដ្ឋរុស្ស៊ីរូបនេះ។
មន្ត្រីក្រេមឡាំងបានបញ្ជាក់ថា ប្រធានាធិបតីរុស្ស៊ីលោក វ្ល៉ាឌីមៀ ពូទីន មិនទៅចូលរួមពិធីបុណ្យសពរបស់អតីតប្រធានាធិបតីគុយបាលោក ហ្វីដែល កាស្ត្រូ ឡើយ។ នេះក៏ដោយសារ លោក ពូទីន មានកាលវិភាគមរមាញឹកខ្លាំងពេកដែលមិនអនុញ្ញាតឲ្យលោកឆ្លៀតពេលទៅចូលរួមក្នុងពិធីបុណ្យនេះបានឡើយ។
យោងតាមសារព័ត៌មាន Reuters អ្នកនាំពាក្យប្រធានាធិបតី Dmitry Peskov បានប្រាប់អ្នកសារព៌ត៌មាននៅថ្ងៃចន្ទទី ២៨ វិច្ឆិកាថា លោក ពូទីន មិនមានគម្រោងទៅប្រទេសគុយបាដើម្បីចូលរួមបុណ្យសពលោក ហ្វីដែល កាស្ត្រូ ឡើយ។ លោក Peskov បានបន្តថា ប្រមុខរដ្ឋរុស្ស៊ីរវល់ខ្លាំងពេកដោយលោកត្រូវការពេលវេលាច្រើនដើម្បីរៀបចំសុន្ទរកថាក្នុងសភាឌូម៉ាចុងឆ្នាំនេះ។ លោកមិនអាចធ្វើដំណើរទៅបរទេស ដោយគ្មានការគ្រោងទុកមុនឡើយ ក្នុងរយៈពេលនេះ។ ដូច្នេះហើយ ទើបបានជាលោកមិនអាចទៅគុយបាដោយផ្ទាល់ដូច្នេះ។
ទោះបីជាលោក វ្ល៉ាឌីមៀ ពូទីន មិនបានទៅចូលរួមបុណ្យសពលោក ហ្វីដែល កាស្ត្រូ ក៏ដោយ ប្រធានសមាជិកសភារុស្ស៊ី Vyacheslav Volodin នឹងទៅចូលរួមជំនួស។ ប្រធានសភារុស្ស៊ីនេះ នឹងដឹកនាំប្រតិភូមួយក្រុមដែលសុទ្ធសឹងតែជាមន្ត្រីជាន់ទៅកាន់ប្រទេសគុយបា។
លោក វ្ល៉ាឌីមៀ ពូទីន បានស្ញើចសរសើរវីរៈភាពលោក ហ្វីដែល កាស្ត្រូ ហើយលោកបានចាត់ទុកលោកជានិមិត្តសញ្ញានៃចលនាបដិវត្តន៍នៅសម័យកាលសង្គ្រាមត្រជាក់។ លោកក៏បានចូលរួមរម្លែកទុក្ខប្រជាជនគុយបា ដែលបានបាត់បង់មេដឹកនាំដ៏អស្ចារ្យនេះផងដែរ។
តាមពិតទៅ គុយបានិងអតីតសហភាពសូវៀតមានទំនាក់ទំនងស៊ីជម្រៅជាមួយគ្នា ហើយគុយបាជាសម្ព័ន្ធមិត្តដ៏ពិសេសរបស់សហភាពសូវៀតនេះផងដែរ។ អ្វីដែលគួរឲ្យកត់សម្គាល់ គុយបាបានក្លាយជាកន្លែងប្រណាំងប្រជែងអាវុធនុយក្លេអ៊ែររវាងសហរដ្ឋអាមេរិកនិងសូវៀត រហូតស្ទើរតែធ្វើឲ្យសង្គ្រាមនុយក្លេអ៊ែរកើតឡើងផងដែរ។
សូមបញ្ជាក់ផងដែរថា លោក ហ្វីដែល កាស្ត្រូ បានស្លាប់បាត់បង់ជីវិតកាលពីយប់ថ្ងៃសុក្រទី ២៥វិច្ឆិកា ក្នុងវ័យ ៩០ឆ្នាំ។ លោក ហ្វីដែល កាស្ត្រូ ត្រូវបានគេស្គាល់ថា ជាអ្នកនយោបាយសង្គមនិយមដ៏ល្បីល្បាញម្នាក់ ហើយលោកចំណាយពេលវេលាយ៉ាងច្រើនដឹកនាំប្រទេសនិងដើម្បីប្រឆាំងមនោគមន៍វិជ្ជាលោកខាងលិចនិងចក្រពត្តិនិយមជាដើម។ លោក ហ្វីដែល កាស្ត្រូ បានបាត់មុខពីឆាកនយោបាយស្ទើរតែទាំងស្រុង ក្រោយពេលដែលលោកផ្ទេរអំណាចឲ្យប្អូនប្រុសលោក លោក រ៉ាអ៊ូល កាស្ត្រូនៅក្នុងឆ្នាំ ២០០៦៕
មន្ត្រីក្រេមឡាំងបានបញ្ជាក់ថា ប្រធានាធិបតីរុស្ស៊ីលោក វ្ល៉ាឌីមៀ ពូទីន មិនទៅចូលរួមពិធីបុណ្យសពរបស់អតីតប្រធានាធិបតីគុយបាលោក ហ្វីដែល កាស្ត្រូ ឡើយ។ នេះក៏ដោយសារ លោក ពូទីន មានកាលវិភាគមរមាញឹកខ្លាំងពេកដែលមិនអនុញ្ញាតឲ្យលោកឆ្លៀតពេលទៅចូលរួមក្នុងពិធីបុណ្យនេះបានឡើយ។
យោងតាមសារព័ត៌មាន Reuters អ្នកនាំពាក្យប្រធានាធិបតី Dmitry Peskov បានប្រាប់អ្នកសារព៌ត៌មាននៅថ្ងៃចន្ទទី ២៨ វិច្ឆិកាថា លោក ពូទីន មិនមានគម្រោងទៅប្រទេសគុយបាដើម្បីចូលរួមបុណ្យសពលោក ហ្វីដែល កាស្ត្រូ ឡើយ។ លោក Peskov បានបន្តថា ប្រមុខរដ្ឋរុស្ស៊ីរវល់ខ្លាំងពេកដោយលោកត្រូវការពេលវេលាច្រើនដើម្បីរៀបចំសុន្ទរកថាក្នុងសភាឌូម៉ាចុងឆ្នាំនេះ។ លោកមិនអាចធ្វើដំណើរទៅបរទេស ដោយគ្មានការគ្រោងទុកមុនឡើយ ក្នុងរយៈពេលនេះ។ ដូច្នេះហើយ ទើបបានជាលោកមិនអាចទៅគុយបាដោយផ្ទាល់ដូច្នេះ។
ទោះបីជាលោក វ្ល៉ាឌីមៀ ពូទីន មិនបានទៅចូលរួមបុណ្យសពលោក ហ្វីដែល កាស្ត្រូ ក៏ដោយ ប្រធានសមាជិកសភារុស្ស៊ី Vyacheslav Volodin នឹងទៅចូលរួមជំនួស។ ប្រធានសភារុស្ស៊ីនេះ នឹងដឹកនាំប្រតិភូមួយក្រុមដែលសុទ្ធសឹងតែជាមន្ត្រីជាន់ទៅកាន់ប្រទេសគុយបា។
លោក វ្ល៉ាឌីមៀ ពូទីន បានស្ញើចសរសើរវីរៈភាពលោក ហ្វីដែល កាស្ត្រូ ហើយលោកបានចាត់ទុកលោកជានិមិត្តសញ្ញានៃចលនាបដិវត្តន៍នៅសម័យកាលសង្គ្រាមត្រជាក់។ លោកក៏បានចូលរួមរម្លែកទុក្ខប្រជាជនគុយបា ដែលបានបាត់បង់មេដឹកនាំដ៏អស្ចារ្យនេះផងដែរ។
តាមពិតទៅ គុយបានិងអតីតសហភាពសូវៀតមានទំនាក់ទំនងស៊ីជម្រៅជាមួយគ្នា ហើយគុយបាជាសម្ព័ន្ធមិត្តដ៏ពិសេសរបស់សហភាពសូវៀតនេះផងដែរ។ អ្វីដែលគួរឲ្យកត់សម្គាល់ គុយបាបានក្លាយជាកន្លែងប្រណាំងប្រជែងអាវុធនុយក្លេអ៊ែររវាងសហរដ្ឋអាមេរិកនិងសូវៀត រហូតស្ទើរតែធ្វើឲ្យសង្គ្រាមនុយក្លេអ៊ែរកើតឡើងផងដែរ។
សូមបញ្ជាក់ផងដែរថា លោក ហ្វីដែល កាស្ត្រូ បានស្លាប់បាត់បង់ជីវិតកាលពីយប់ថ្ងៃសុក្រទី ២៥វិច្ឆិកា ក្នុងវ័យ ៩០ឆ្នាំ។ លោក ហ្វីដែល កាស្ត្រូ ត្រូវបានគេស្គាល់ថា ជាអ្នកនយោបាយសង្គមនិយមដ៏ល្បីល្បាញម្នាក់ ហើយលោកចំណាយពេលវេលាយ៉ាងច្រើនដឹកនាំប្រទេសនិងដើម្បីប្រឆាំងមនោគមន៍វិជ្ជាលោកខាងលិចនិងចក្រពត្តិនិយមជាដើម។ លោក ហ្វីដែល កាស្ត្រូ បានបាត់មុខពីឆាកនយោបាយស្ទើរតែទាំងស្រុង ក្រោយពេលដែលលោកផ្ទេរអំណាចឲ្យប្អូនប្រុសលោក លោក រ៉ាអ៊ូល កាស្ត្រូនៅក្នុងឆ្នាំ ២០០៦៕
Tag:
វ្ល៉ាឌីមៀ ពូទីន
ហ្វីដែល កាស្ត្រូ
គុយបា
© រក្សាសិទ្ធិដោយ thmeythmey.com
