អន្តរជាតិ
លោកស្រី ប៉ាក ហ្គឺនហេ នឹងចុះចេញពីតំណែង បើសភាធានាពីការផ្ទេរអំណាចសន្តិវិធី
×![]()
ដោយ: តន ចាន់រិទ្ធារ៉ា
ប្រធានាធិបតីកូរ៉េខាងត្បូង លោកស្រី ប៉ាក ហ្គឺនហេ នៅថ្ងៃទី២៩ ខែវិច្ឆិកា បានចេញមកថ្លែងសុន្ទរកថាទៅកាន់ប្រជាជាតិ ជុំវិញវិបត្តិនយោបាយដែលធ្វើឲ្យរង្គើកៅអីលោកស្រី។ លោកស្រី បានបង្ហាញបំណងលាលែងពីតំណែង បើមានការផ្ទេរអំណាចដោយសន្តិវិធី ចៀសវាងធ្វើឲ្យបញ្ហាកាន់តែធ្ងន់ធ្ងរ។ ប៉ុន្តែក្រុមបក្សប្រឆាំងចាត់ទុកការអធិប្បាយរបស់លោកស្រី ប៉ាក ហ្គឺនហេ ដើម្បីតែគេចផុតពីការបោះឆ្នោតទម្លាក់តំណែងប៉ុណ្ណោះ។
ដោយទំនងជាមិនចង់ប្រឈមមុខការបោះឆ្នោតទម្លាក់ពីតំណែង លោកស្រី ប៉ាក ហ្គឺនហេ បានសម្រេចចិត្តទុកឲ្យសភាជាតិ ជាអ្នកសម្រេចលើជោគវាសនារបស់លោកស្រី។ លោកស្រីនិយាយថា លោកស្រី នឹងចុះចេញពីតំណែងនៅពេលវេលាណាមួយ តាមរយៈយន្តការជាក់លាក់ ដែលឯកភាពគ្នាដោយគណបក្សនយោបាយទាំងអស់ ដើម្បីបន្ធូរបន្ថយកម្ដៅនយោបាយក្នុងស្រុក។
សេចក្ដីថ្លែងការណ៍តាមទូរទស្សន៍នៅថ្ងៃទី២៩ ខែវិច្ឆិកា ជាសេចក្ដីថ្លែងការណ៍លើកទីបីហើយរបស់លោកស្រីប្រធានាធិបតី ប៉ាក ហ្គឺនហេ ចាប់តាំងពីការបែកធ្លាយរឿងអាស្រូវពុករលួយដែលជាប់ពាក់ព័ន្ធនឹងមនុស្សជំនិតរបស់លោកស្រី។ ជាថ្មីមកម្ដងទៀត លោកស្រី ក៏បានសុំទោសប្រជាជន ដ្បិតលោកស្រីគ្មានសមត្ថភាពដើម្បីដោះស្រាយកំហឹងប្រជាជនរាប់លាននាក់បាន។
ក្នុងសុន្ទរកថារយៈពេល៥នាទី ប្រធានាធិបតី ប៉ាក ហ្គឺនហេ បញ្ជាក់ថា៖ «ខ្ញុំ ប្រគល់សិទ្ធិឲ្យសភាជាតិសម្រេចចិត្តលើបញ្ហានេះ ដោយរួមទាំងការបន្ថយអាណត្តិប្រធានាធិបតីផងដែរ»។ លោកស្រីបន្តថា បើបក្សកាន់អំណាច និងបក្សប្រឆាំង អាចបង្កើតយន្តការដែលអាចកាត់បន្ថយការយល់ច្រឡំ ឬលុបបំបាត់ចន្លោះប្រហោងនៃអំណាចរដ្ឋបាល ព្រមទាំងធានាបានការផ្ទេរអំណាចដោយសន្តិវិធីនោះ លោកស្រីនឹងលាលែងតំណែង។
អាណត្តិប្រធានាធិបតីរបស់លោកស្រី ប៉ាក ហ្គឺនហេ ដែលមានរយៈពេល៦ឆ្នាំ នឹងត្រូវបញ្ចប់នៅខែកុម្ភះ ឆ្នាំ២០១៨។ ប៉ុន្តែក្រុមបក្សប្រឆាំង កំពុងតែរកផ្លូវដើម្បីបោះឆ្នោតទម្លាក់លោកស្រីឲ្យបាននៅដើមខែធ្នូខាងមុខ។ ក្រុមប្រឆាំង កំពុងស្វែងរកការគាំទ្រពី សមាជិក សភាបក្សកាន់អំណាច Saenuri ដើម្បីបង្គ្រប់សំឡេងចាំបាច់ ក្នុងការចាប់ផ្ដើមនីតិវិធីបោះឆ្នោតទម្លាក់លោកស្រី ប៉ាក ហ្គឺនហេ ។
កន្លងមក បក្សនយោបាយ និងប្រជាជនកូរ៉េខាងត្បូងរាប់លាននាក់ បានទាមទារឲ្យលោកស្រី ប៉ាក លាលែងពីតំណែងដោយខ្លួនឯងដើម្បីរក្សា «កិត្តិយស» ជាជាងត្រូវបោះឆ្នោតបណ្ដេញចេញ។ ប៉ុន្តែលោកស្រី នៅតែរក្សាជំហរទាត់ចោលការចោទប្រកាន់ទាំងឡាយមកលើលោកស្រី និងមិនព្រមចុះចេញពីតំណែងមកទល់ពេលនេះ ហើយក៏មិនព្រមចូលផ្ដល់ចម្លើយតាមសំណើរដ្ឋអាជ្ញាដែរ៕
ដោយទំនងជាមិនចង់ប្រឈមមុខការបោះឆ្នោតទម្លាក់ពីតំណែង លោកស្រី ប៉ាក ហ្គឺនហេ បានសម្រេចចិត្តទុកឲ្យសភាជាតិ ជាអ្នកសម្រេចលើជោគវាសនារបស់លោកស្រី។ លោកស្រីនិយាយថា លោកស្រី នឹងចុះចេញពីតំណែងនៅពេលវេលាណាមួយ តាមរយៈយន្តការជាក់លាក់ ដែលឯកភាពគ្នាដោយគណបក្សនយោបាយទាំងអស់ ដើម្បីបន្ធូរបន្ថយកម្ដៅនយោបាយក្នុងស្រុក។
សេចក្ដីថ្លែងការណ៍តាមទូរទស្សន៍នៅថ្ងៃទី២៩ ខែវិច្ឆិកា ជាសេចក្ដីថ្លែងការណ៍លើកទីបីហើយរបស់លោកស្រីប្រធានាធិបតី ប៉ាក ហ្គឺនហេ ចាប់តាំងពីការបែកធ្លាយរឿងអាស្រូវពុករលួយដែលជាប់ពាក់ព័ន្ធនឹងមនុស្សជំនិតរបស់លោកស្រី។ ជាថ្មីមកម្ដងទៀត លោកស្រី ក៏បានសុំទោសប្រជាជន ដ្បិតលោកស្រីគ្មានសមត្ថភាពដើម្បីដោះស្រាយកំហឹងប្រជាជនរាប់លាននាក់បាន។
ក្នុងសុន្ទរកថារយៈពេល៥នាទី ប្រធានាធិបតី ប៉ាក ហ្គឺនហេ បញ្ជាក់ថា៖ «ខ្ញុំ ប្រគល់សិទ្ធិឲ្យសភាជាតិសម្រេចចិត្តលើបញ្ហានេះ ដោយរួមទាំងការបន្ថយអាណត្តិប្រធានាធិបតីផងដែរ»។ លោកស្រីបន្តថា បើបក្សកាន់អំណាច និងបក្សប្រឆាំង អាចបង្កើតយន្តការដែលអាចកាត់បន្ថយការយល់ច្រឡំ ឬលុបបំបាត់ចន្លោះប្រហោងនៃអំណាចរដ្ឋបាល ព្រមទាំងធានាបានការផ្ទេរអំណាចដោយសន្តិវិធីនោះ លោកស្រីនឹងលាលែងតំណែង។
អាណត្តិប្រធានាធិបតីរបស់លោកស្រី ប៉ាក ហ្គឺនហេ ដែលមានរយៈពេល៦ឆ្នាំ នឹងត្រូវបញ្ចប់នៅខែកុម្ភះ ឆ្នាំ២០១៨។ ប៉ុន្តែក្រុមបក្សប្រឆាំង កំពុងតែរកផ្លូវដើម្បីបោះឆ្នោតទម្លាក់លោកស្រីឲ្យបាននៅដើមខែធ្នូខាងមុខ។ ក្រុមប្រឆាំង កំពុងស្វែងរកការគាំទ្រពី សមាជិក សភាបក្សកាន់អំណាច Saenuri ដើម្បីបង្គ្រប់សំឡេងចាំបាច់ ក្នុងការចាប់ផ្ដើមនីតិវិធីបោះឆ្នោតទម្លាក់លោកស្រី ប៉ាក ហ្គឺនហេ ។
កន្លងមក បក្សនយោបាយ និងប្រជាជនកូរ៉េខាងត្បូងរាប់លាននាក់ បានទាមទារឲ្យលោកស្រី ប៉ាក លាលែងពីតំណែងដោយខ្លួនឯងដើម្បីរក្សា «កិត្តិយស» ជាជាងត្រូវបោះឆ្នោតបណ្ដេញចេញ។ ប៉ុន្តែលោកស្រី នៅតែរក្សាជំហរទាត់ចោលការចោទប្រកាន់ទាំងឡាយមកលើលោកស្រី និងមិនព្រមចុះចេញពីតំណែងមកទល់ពេលនេះ ហើយក៏មិនព្រមចូលផ្ដល់ចម្លើយតាមសំណើរដ្ឋអាជ្ញាដែរ៕
Tag:
កូរ៉េខាងត្បូង
ប៉ាក ហ្គឺនហេ
© រក្សាសិទ្ធិដោយ thmeythmey.com
