អន្តរជាតិ
នយោបាយអន្តរជាតិ
Duterte៖ អាមេរិក គំរាមប្តឹងខ្ញុំទៅ ICC ខណៈខ្លួនឯង មិនទាន់ទាំងផ្តល់ហត្ថលេខា ICC ផង
×![]()
ជាថ្មីម្តងទៀត លោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ បានប្រតិកម្មខ្លាំងៗ ដោយថែមទាំងប្រើពាក្យអសុរោះទៅលើស្ថាប័នអន្តរជាតិ និងដៃគូកិច្ចសហប្រតិបត្តិការ។ លោក បានចោទអាមេរិក ថា បានគំរាម និងប៉ុនប៉ងប្តឹងលោកទៅកាន់តុលាការព្រហ្មទណ្ឌអន្តរជាតិជុំវិញប្រតិបត្តិការបង្ក្រាបគ្រឿងញៀនក្នុងរដ្ឋបាលរបស់លោកនោះ។
«អាមេរិក កំពុងតែគំរាមកំហែងក្នុងការកាត់ទោសលើខ្ញុំតាមរយៈតុលាការព្រហ្មទណ្ឌអន្តរជាតិ (ICC) ។ តែអាមេរិកខ្លួនឯងមិនទាន់ទាំងបានផ្តល់ហត្ថលេខាទៅលើលក្ខន្តិកៈក្រុងរ៉ូម ដែលជាសន្ធិសញ្ញាបង្កើត ICC នោះ។ ហេតុអ្វី? ព្រោះពេលនោះ ពួកគេ ខ្លាចអតីតប្រធានាធិបតីអាមេរិក George W Bush អាចត្រូវប្រឈមមុខដែរ»។ នេះ គឺជាសេចក្តីថ្លែងការណ៍របស់លោកប្រធានាធិបតី រ៉ូឌ្រីហ្គូ ឌើទើតេ ដែលបានថ្លែងនៅថ្ងៃទី២៨ ខែវិច្ឆិកាម្សិលមិញ ដែលបានដកស្រង់សម្តីដោយសារព័ត៌មាន Aljazeera។
តាមប្រភពព័ត៌មានដដែលនោះ លោកប្រធានាធិបតីរូបនេះ ក៏បានបន្ថែមទៀតយ៉ាងដូច្នេះថា៖« អ្នក (អាមេរិក) បន្លាចខ្ញុំ ដោយចង់ដាក់ពន្ធនាគារខ្ញុំ? ស្អីទៅតុលាព្រហ្មទណ្ឌអន្តរជាតិ? Bulls
»។ ជុំវិញបញ្ហានេះ អ្នកនាំពាក្យក្រសួងការបរទេសអាមេរិក លោក John Kirby ក្នុងឱកាសសង្ខេបព័ត៌មានប្រចាំថ្ងៃ នៅថ្ងៃចន្ទ ម្សិលមិញថា លោក មិនទាន់បានដឹងថាមានការគំរាមកំហែងអ្វីកើតឡើងនោះទេ។
សូមរម្លឹកផងដែរថា ថ្មីៗនេះ លោកប្រធានាធិបតី ឌើទើតេ ក៏បានព្រមានដើរចេញពីតុលាការព្រហ្មទណ្ឌអន្តរជាតិ។ ការព្រមានដើរចេញនេះ ក៏ស្របទៅនឹងរុស្ស៊ីដែរ។ «តុលាការព្រហ្មទណ្ឌអន្តរជាតិ គ្មានប្រយោជន៍អ្វីឡើយ។ រុស្សី បានចាកចេញហើយ ដូច្នេះខ្ញុំអាចដើរចេញតាមពួកគេដែរ។» នេះជាការលើកឡើងរបស់ប្រធានាធិបតីហ្វីលីពីន Duterte នៅថ្ងៃទី១៧ ខែវិច្ឆិកាកន្លងទៅ។
បើយោងតាមសារព័ត៌មានហ្វីលីពីន Inquirer.net គិតចាប់ពីថ្ងៃទី៣០ ខែមិថុនា ដែលជាថ្ងៃលោកប្រធានាធិបតីហ្វីលីពីនថ្មី រ៉ូឌ្រីហ្គូ ឌើទើតេ ចូលកាន់តំណែងជាផ្លូវការជាប្រធានាធិបតីមកដល់ពេលនេះ មានអ្នកជាប់ពាក់ព័ន្ធគ្រឿងញៀន ៧០ម៉ឺននាក់ បានប្រកាសចូលខ្លួនសារភាព និងជាងបីពាន់នាក់ផ្សេងទៀត ត្រូវបានសម្លាប់ក្នុងប្រតិបត្តិការប៉ូលិស និងការសហការក្រៅប្រព័ន្ធតុលាការ។
នៅថ្ងៃទី១៣ ខែតុលា រដ្ឋអាជ្ញា តុលាការព្រហ្មទណ្ឌអន្តរជាតិ ឬហៅកាត់ថា ICC លោកស្រី Fatou Bensouda បានចេញសេចក្តីថ្លែងការណ៍សម្តែងការព្រួយបាមរម្ភពីស្ថានភាពហ្វីលីពីនដែលពាក់ព័ន្ធនឹងការស្លាប់រាប់ពាន់នាក់នៅក្នុងប្រតិបត្តិការបោសសម្អាតគ្រឿងញឿន។ លោកស្រីរដ្ឋអាជ្ញា បានអះអាងថា តុលាការ បានដឹងលឺពីរបាយការណ៍នៃការសម្លាប់ក្រៅប្រព័ន្ធតុលាការនោះ និងថែមទាំងសោកស្តាយចំពោះសេចក្តីថ្លែងការណ៍របស់មេដឹកនាំជាន់ខ្ពស់ហ្វីលីពីន ដែលហាក់ដូចជាលើកទឹកចិត្តឲ្យមានការប្រព្រឹត្តសកម្មភាពខុសច្បាប់ទាំងនោះ។ ជាងនេះទៅទៀត លោកស្រី ក៏ព្រមានថាអាចនឹងចាត់ការទៅលើសំណុំរឿងនេះទៀតផង៕
«អាមេរិក កំពុងតែគំរាមកំហែងក្នុងការកាត់ទោសលើខ្ញុំតាមរយៈតុលាការព្រហ្មទណ្ឌអន្តរជាតិ (ICC) ។ តែអាមេរិកខ្លួនឯងមិនទាន់ទាំងបានផ្តល់ហត្ថលេខាទៅលើលក្ខន្តិកៈក្រុងរ៉ូម ដែលជាសន្ធិសញ្ញាបង្កើត ICC នោះ។ ហេតុអ្វី? ព្រោះពេលនោះ ពួកគេ ខ្លាចអតីតប្រធានាធិបតីអាមេរិក George W Bush អាចត្រូវប្រឈមមុខដែរ»។ នេះ គឺជាសេចក្តីថ្លែងការណ៍របស់លោកប្រធានាធិបតី រ៉ូឌ្រីហ្គូ ឌើទើតេ ដែលបានថ្លែងនៅថ្ងៃទី២៨ ខែវិច្ឆិកាម្សិលមិញ ដែលបានដកស្រង់សម្តីដោយសារព័ត៌មាន Aljazeera។
តាមប្រភពព័ត៌មានដដែលនោះ លោកប្រធានាធិបតីរូបនេះ ក៏បានបន្ថែមទៀតយ៉ាងដូច្នេះថា៖« អ្នក (អាមេរិក) បន្លាចខ្ញុំ ដោយចង់ដាក់ពន្ធនាគារខ្ញុំ? ស្អីទៅតុលាព្រហ្មទណ្ឌអន្តរជាតិ? Bulls
»។ ជុំវិញបញ្ហានេះ អ្នកនាំពាក្យក្រសួងការបរទេសអាមេរិក លោក John Kirby ក្នុងឱកាសសង្ខេបព័ត៌មានប្រចាំថ្ងៃ នៅថ្ងៃចន្ទ ម្សិលមិញថា លោក មិនទាន់បានដឹងថាមានការគំរាមកំហែងអ្វីកើតឡើងនោះទេ។
សូមរម្លឹកផងដែរថា ថ្មីៗនេះ លោកប្រធានាធិបតី ឌើទើតេ ក៏បានព្រមានដើរចេញពីតុលាការព្រហ្មទណ្ឌអន្តរជាតិ។ ការព្រមានដើរចេញនេះ ក៏ស្របទៅនឹងរុស្ស៊ីដែរ។ «តុលាការព្រហ្មទណ្ឌអន្តរជាតិ គ្មានប្រយោជន៍អ្វីឡើយ។ រុស្សី បានចាកចេញហើយ ដូច្នេះខ្ញុំអាចដើរចេញតាមពួកគេដែរ។» នេះជាការលើកឡើងរបស់ប្រធានាធិបតីហ្វីលីពីន Duterte នៅថ្ងៃទី១៧ ខែវិច្ឆិកាកន្លងទៅ។
បើយោងតាមសារព័ត៌មានហ្វីលីពីន Inquirer.net គិតចាប់ពីថ្ងៃទី៣០ ខែមិថុនា ដែលជាថ្ងៃលោកប្រធានាធិបតីហ្វីលីពីនថ្មី រ៉ូឌ្រីហ្គូ ឌើទើតេ ចូលកាន់តំណែងជាផ្លូវការជាប្រធានាធិបតីមកដល់ពេលនេះ មានអ្នកជាប់ពាក់ព័ន្ធគ្រឿងញៀន ៧០ម៉ឺននាក់ បានប្រកាសចូលខ្លួនសារភាព និងជាងបីពាន់នាក់ផ្សេងទៀត ត្រូវបានសម្លាប់ក្នុងប្រតិបត្តិការប៉ូលិស និងការសហការក្រៅប្រព័ន្ធតុលាការ។
នៅថ្ងៃទី១៣ ខែតុលា រដ្ឋអាជ្ញា តុលាការព្រហ្មទណ្ឌអន្តរជាតិ ឬហៅកាត់ថា ICC លោកស្រី Fatou Bensouda បានចេញសេចក្តីថ្លែងការណ៍សម្តែងការព្រួយបាមរម្ភពីស្ថានភាពហ្វីលីពីនដែលពាក់ព័ន្ធនឹងការស្លាប់រាប់ពាន់នាក់នៅក្នុងប្រតិបត្តិការបោសសម្អាតគ្រឿងញឿន។ លោកស្រីរដ្ឋអាជ្ញា បានអះអាងថា តុលាការ បានដឹងលឺពីរបាយការណ៍នៃការសម្លាប់ក្រៅប្រព័ន្ធតុលាការនោះ និងថែមទាំងសោកស្តាយចំពោះសេចក្តីថ្លែងការណ៍របស់មេដឹកនាំជាន់ខ្ពស់ហ្វីលីពីន ដែលហាក់ដូចជាលើកទឹកចិត្តឲ្យមានការប្រព្រឹត្តសកម្មភាពខុសច្បាប់ទាំងនោះ។ ជាងនេះទៅទៀត លោកស្រី ក៏ព្រមានថាអាចនឹងចាត់ការទៅលើសំណុំរឿងនេះទៀតផង៕
Tag:
ហ្វីលីពីន
តុលាការព្រហ្មទណ្ឌអន្តរជាតិ
ICC
© រក្សាសិទ្ធិដោយ thmeythmey.com
