អន្តរជាតិ
×![]()
ប្រធានាធិបតីទើបជាប់ឆ្នោតលោក ដូណាល់ ត្រាំ គំរាមបញ្ចប់ទំនាក់ទំនងដែលទើបស្តារឡើងជាមួយគុយបា បើសិនជាគុយបាមិនធ្វើសម្បទានបន្ថែមតាមការទាមទាររបស់អាមេរិកទេនោះ។ លោក ដូណាល់ ត្រាំ អះអាងថា អាមេរិកគ្មានចំណេញអ្វីឡើយពីការស្តារទំនាក់ទំនងជាមួយគុយបា ហើយគុយបាឯណោះទេដែលទាញប្រយោជន៍បានច្រើននោះ។
លោក ដូណាល់ ត្រាំ បន្តរក្សាជំហររឹងត្អឹងចំពោះគុយបា ក្រោយពេលដែលលោក ហ្វីដែល កាស្ត្រូទទួលមរណភាព។ លោកបានគំរាមបញ្ចប់ទំនាក់ទំនងអាមេរិកនិងគុយបាដែលត្រូវបានស្តារឡើងវិញកន្លងមកដោយរដ្ឋបាលលោក បារ៉ាក់ អូបាម៉ា បើសិនជាគុយបា មិនធ្វើសម្បទានបន្ថែមចំពោះការទាមទាររបស់អាមេរិកទេនោះជាពិសេសដោះស្រាយបញ្ហាសិទ្ធិមនុស្ស។
លោក ដូណាល់ ត្រាំ បានបង្ហោះតាមប្រព័ន្ធទំនាក់ទំនងសង្គម Twitter ថា៖ បើសិនជាគុយបា មិនមានឆន្ទៈធ្វើសម្បទានបន្ថែមសម្រាប់ប្រជាជនខ្លួនឯង, សម្រាប់ប្រជាជនអាមេរិកដើមកំណើតគុយបា និងសហរដ្ឋអាមេរិកទាំងមូល ខ្ញុំនឹងលុបចោលកិច្ចព្រមព្រៀងដែលមាន»។
គេមិនដឹងថា លោក ដូណាល់ ត្រាំ នឹងធ្វើបែបណាក្រោយចំពោះទំនាក់ទំនងអាមេរិកជាមួយគុយបាឡើយ ពេលដែលលោកស្បថចូលកាន់តំណែងនៅថ្ងៃ ២០មករាខាងមុខនោះ។ ប៉ុន្តែជារួម លោក អាចដាក់សម្ពាធបន្ថែមលើរដ្ឋាភិបាលក្រុងហាវ៉ាណាឲ្យមានការកែប្រែស្ថានភាពសិទ្ធិមនុស្សជាដើមផង។
តាមពិតទៅ ការគំរាមបញ្ចប់ទំនាក់ទំនងជាថ្មីជាមួយគុយបារបស់លោក ដូណាល់ ត្រាំ កើតស្របពេលដែលប្រជាជនគុយបាបន្តកាន់ទុក្ខនិងគោរពវិញ្ញាណក្ខន្ធលោក ហ្វីដែល កាស្ត្រូ ដែលបានទទួលមរណភាពកាលពីថ្ងៃសុក្រទី ២៥ វិច្ឆិកានោះ។ កាលពីថ្ងៃសៅរ៍ លោក ដូណាល់ ត្រាំ ក៏បានឆ្លៀតរិះគន់មេដឹកនាំគុយបា ដោយលោកបានហៅលោក ហ្វីដែល កាស្ត្រូ ថាជាមេដឹកនាំផ្តាច់ការសាហាវឃោរឃៅថែមទៀតផង។ ហើយលោកបានប្រកាសថា រដ្ឋបាលលោកនឹងជួយប្រជាជនគុយបា ស្វែងរកសិទ្ធិ សេរីភាព និងវិបុលភាពដែរ។
តាំងពីដើមមក លោក ដូណាល់ ត្រាំ មិនពេញចិត្តចំពោះគោលនយោបាយរបស់លោក បារ៉ាក់ អូបាម៉ា ដែលស្តារចំណងការទូតជាមួយរដ្ឋអាមេរិកឡាទីន គុយបាឡើយ។ លោកសង្កត់ធ្ងន់ថា លោក អូបាម៉ា ធ្វើសម្បទានច្រើនពេកចំពោះគុយបា ហើយអ្នកចំណេញមិនមែនអាមេរិកឡើយ។ ដូណាល់ ត្រាំ បង្ហើបផងដែរថា ការបញ្ចប់ទំនាក់ទំនងជាមួយគុយបាមិនមែនជារឿងលំបាកសម្រាប់រដ្ឋបាលរបស់លោកឡើយ។
ក្នុងពេលឃោសនាបោះឆ្នោតកាលពីកញ្ញាលោក ដូណាល់ ត្រាំ បានលើកឡើងថា៖«រាល់សម្បទានដែលរដ្ឋបាលលោក បារ៉ាក់ អូបាម៉ា ផ្តល់ឲ្យគុយបាធ្វើឡើងតាមអំណាចនីតិប្រតិបត្តិប៉ុណ្ណោះ ដែលនេះមានន័យថា ប្រធានាធិបតីថ្មីអាចប្រឆាំងវាបានដោយងាយ។ ខ្ញុំនឹងធ្វើវា ប្រសិនបើរបបដឹកនាំកាស្ត្រូ មិនធ្វើតាមការទាមទាររបស់យើងទេនោះ។
សូមរម្លឹកបន្តិចដែរថា សហរដ្ឋអាមេរិកបានសម្រេចបង្កើតទំនាក់ទំនងការទូតជាថ្មីជាមួយសត្រូវចាស់ គុយបា នាខែ ធ្នូ ឆ្នាំ ២០១៤ ក្រោយកាត់ផ្តាច់ទំនាក់ទំនងការទូតអស់ជាង៥ទសវត្សរ៍។ មុនមានការឈានទៅដល់ការឯកភាពគ្នាបង្កើតចំណងការទូតឡើងវិញ ប្រធានាធិបតីអាមេរិកលោក បារ៉ាក់ អូបាម៉ា បានជជែកពិភាក្សាពីទំនាក់ទំនងនិងការដោះលែងអ្នកទោសជាមួយប្រមុខរដ្ឋគុយបាលោក រ៉ាអ៊ូល កាស្ត្រូ ដែលឡើងកាន់តំណែងក្រោយឆ្នាំ២០០៦ ក្រោយបងប្រុសលោក ហ្វីដែល កាស្ត្រូ ចុះចេញពីតំណែងដោយបញ្ហាសុខភាព។ ការចរចាគ្នានេះធ្វើឡើងអស់រយៈពេលជាច្រើនឆ្នាំក្រោមការជួយជ្រោមជ្រែងពីរដ្ឋាភិបាលកាណាដា និងសម្តេចប៉ាបហ្វ្រង់ស៊ីផងដែរ៕
លោក ដូណាល់ ត្រាំ បន្តរក្សាជំហររឹងត្អឹងចំពោះគុយបា ក្រោយពេលដែលលោក ហ្វីដែល កាស្ត្រូទទួលមរណភាព។ លោកបានគំរាមបញ្ចប់ទំនាក់ទំនងអាមេរិកនិងគុយបាដែលត្រូវបានស្តារឡើងវិញកន្លងមកដោយរដ្ឋបាលលោក បារ៉ាក់ អូបាម៉ា បើសិនជាគុយបា មិនធ្វើសម្បទានបន្ថែមចំពោះការទាមទាររបស់អាមេរិកទេនោះជាពិសេសដោះស្រាយបញ្ហាសិទ្ធិមនុស្ស។
លោក ដូណាល់ ត្រាំ បានបង្ហោះតាមប្រព័ន្ធទំនាក់ទំនងសង្គម Twitter ថា៖ បើសិនជាគុយបា មិនមានឆន្ទៈធ្វើសម្បទានបន្ថែមសម្រាប់ប្រជាជនខ្លួនឯង, សម្រាប់ប្រជាជនអាមេរិកដើមកំណើតគុយបា និងសហរដ្ឋអាមេរិកទាំងមូល ខ្ញុំនឹងលុបចោលកិច្ចព្រមព្រៀងដែលមាន»។
គេមិនដឹងថា លោក ដូណាល់ ត្រាំ នឹងធ្វើបែបណាក្រោយចំពោះទំនាក់ទំនងអាមេរិកជាមួយគុយបាឡើយ ពេលដែលលោកស្បថចូលកាន់តំណែងនៅថ្ងៃ ២០មករាខាងមុខនោះ។ ប៉ុន្តែជារួម លោក អាចដាក់សម្ពាធបន្ថែមលើរដ្ឋាភិបាលក្រុងហាវ៉ាណាឲ្យមានការកែប្រែស្ថានភាពសិទ្ធិមនុស្សជាដើមផង។
តាមពិតទៅ ការគំរាមបញ្ចប់ទំនាក់ទំនងជាថ្មីជាមួយគុយបារបស់លោក ដូណាល់ ត្រាំ កើតស្របពេលដែលប្រជាជនគុយបាបន្តកាន់ទុក្ខនិងគោរពវិញ្ញាណក្ខន្ធលោក ហ្វីដែល កាស្ត្រូ ដែលបានទទួលមរណភាពកាលពីថ្ងៃសុក្រទី ២៥ វិច្ឆិកានោះ។ កាលពីថ្ងៃសៅរ៍ លោក ដូណាល់ ត្រាំ ក៏បានឆ្លៀតរិះគន់មេដឹកនាំគុយបា ដោយលោកបានហៅលោក ហ្វីដែល កាស្ត្រូ ថាជាមេដឹកនាំផ្តាច់ការសាហាវឃោរឃៅថែមទៀតផង។ ហើយលោកបានប្រកាសថា រដ្ឋបាលលោកនឹងជួយប្រជាជនគុយបា ស្វែងរកសិទ្ធិ សេរីភាព និងវិបុលភាពដែរ។
តាំងពីដើមមក លោក ដូណាល់ ត្រាំ មិនពេញចិត្តចំពោះគោលនយោបាយរបស់លោក បារ៉ាក់ អូបាម៉ា ដែលស្តារចំណងការទូតជាមួយរដ្ឋអាមេរិកឡាទីន គុយបាឡើយ។ លោកសង្កត់ធ្ងន់ថា លោក អូបាម៉ា ធ្វើសម្បទានច្រើនពេកចំពោះគុយបា ហើយអ្នកចំណេញមិនមែនអាមេរិកឡើយ។ ដូណាល់ ត្រាំ បង្ហើបផងដែរថា ការបញ្ចប់ទំនាក់ទំនងជាមួយគុយបាមិនមែនជារឿងលំបាកសម្រាប់រដ្ឋបាលរបស់លោកឡើយ។
ក្នុងពេលឃោសនាបោះឆ្នោតកាលពីកញ្ញាលោក ដូណាល់ ត្រាំ បានលើកឡើងថា៖«រាល់សម្បទានដែលរដ្ឋបាលលោក បារ៉ាក់ អូបាម៉ា ផ្តល់ឲ្យគុយបាធ្វើឡើងតាមអំណាចនីតិប្រតិបត្តិប៉ុណ្ណោះ ដែលនេះមានន័យថា ប្រធានាធិបតីថ្មីអាចប្រឆាំងវាបានដោយងាយ។ ខ្ញុំនឹងធ្វើវា ប្រសិនបើរបបដឹកនាំកាស្ត្រូ មិនធ្វើតាមការទាមទាររបស់យើងទេនោះ។
សូមរម្លឹកបន្តិចដែរថា សហរដ្ឋអាមេរិកបានសម្រេចបង្កើតទំនាក់ទំនងការទូតជាថ្មីជាមួយសត្រូវចាស់ គុយបា នាខែ ធ្នូ ឆ្នាំ ២០១៤ ក្រោយកាត់ផ្តាច់ទំនាក់ទំនងការទូតអស់ជាង៥ទសវត្សរ៍។ មុនមានការឈានទៅដល់ការឯកភាពគ្នាបង្កើតចំណងការទូតឡើងវិញ ប្រធានាធិបតីអាមេរិកលោក បារ៉ាក់ អូបាម៉ា បានជជែកពិភាក្សាពីទំនាក់ទំនងនិងការដោះលែងអ្នកទោសជាមួយប្រមុខរដ្ឋគុយបាលោក រ៉ាអ៊ូល កាស្ត្រូ ដែលឡើងកាន់តំណែងក្រោយឆ្នាំ២០០៦ ក្រោយបងប្រុសលោក ហ្វីដែល កាស្ត្រូ ចុះចេញពីតំណែងដោយបញ្ហាសុខភាព។ ការចរចាគ្នានេះធ្វើឡើងអស់រយៈពេលជាច្រើនឆ្នាំក្រោមការជួយជ្រោមជ្រែងពីរដ្ឋាភិបាលកាណាដា និងសម្តេចប៉ាបហ្វ្រង់ស៊ីផងដែរ៕
Tag:
គុយបា
ដូណាល់ ត្រាំ
ហ្វីដែល កាស្ត្រូ
© រក្សាសិទ្ធិដោយ thmeythmey.com
