រដ្ឋមន្ត្រីក្រសួងកសិកម្មថា កម្ពុជាត្រូវតែនាំស្រូវទៅប្រទេសជិតខាង ព្រោះ…

ជាតិ

រដ្ឋមន្ត្រីក្រសួងកសិកម្មថា កម្ពុជាត្រូវតែនាំស្រូវទៅប្រទេសជិតខាង ព្រោះ…

02, Dec 2016 , 8:19 pm

រូបភាព

លោក វេង សាខុន រដ្ឋមន្រ្តីក្រសួងកសិកម្ម (រូបភាពពីក្រសួងកសិកម្ម)

ដោយ:

ភ្នំពេញ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សា ខុន ថ្លែងថា កម្ពុជាត្រូវតែនាំស្រូវចេញទៅប្រទេសជិតខាង ព្រោះកម្ពុជានៅខ្វះធនធានហិរញ្ញវត្ថុ ដើម្បីគ្រប់គ្រងស្រូវមិនឲ្យហូរចេញទៅក្រៅប្រទេស។ លោកលើកឡើងយ៉ាងដូច្នេះថា៖«ជូនដំណឹងដល់អភិបាលខេត្តជាប់ព្រំប្រទល់ជួយរុញច្រានការនាំចេញ កុំស្ដាប់ពីណាថាបាត់កន្ទក់….. ឥឡូវយកមួយរស់សិន ទន្ទឹមនឹងយើងកំពុងរៀបចំហេដ្ឋារចនាសម្ព័ន្ធ »។

សូមស្ដាប់ប្រសាសន៍ លោក វេង សាខុន ខាងក្រោមនេះ៖

លោក វេង សាខុន ថ្លែងបែបនេះក្នុងកិច្ចប្រជុំលើបញ្ហាស្រូវអង្ករ នៅថ្ងៃទី៣០ខែវិច្ឆិកា ដែលមានការចូលរួមពីថ្នាក់ដឹកនាំក្រសួងកសិកម្ម សហព័ន្ធស្រូវអង្ករកម្ពុជា និងតំណាងពីស្ថាប័នពាក់ព័ន្ធជាច្រើនទៀត។

បើតាម លោក វេង សាខុន ការនាំចេញស្រូវទៅប្រទេសវៀតនៅក្នុងរយៈពេល១១ខែដើមឆ្នាំនេះ មានចំនួនប្រហាក់ប្រហែល ១០ម៉ឺនតោន ខណៈការនាំចេញស្រូវក្នុងរយៈពេលមួយឆ្នាំពេញ ត្រូវបានប៉ានប្រមាណថាមានចំនួនពី៣០ម៉ឺន ទៅ៥០ម៉ឺនតោន។ លោកបញ្ជាក់ថា ប្រទេសវៀតណាមបានសន្យានឹងប្រមុខរដ្ឋាភិបាលកម្ពុជាថានឹងទិញស្រូវអង្ករពីកម្ពុជាចំនួន ៣០ម៉ឺនតោនក្នុងមួយឆ្នាំ៕