ជាតិ
ចង់ស្គាល់គោលដៅជីវិតច្បាស់ ចូលរួមកម្មវិធី MACA នៅថ្ងៃទី១១ ធ្នូនេះ
×
ហេតុអ្វីបានជានិស្សិតភាគច្រើនសិក្សាខុស មុខជំនាញ ដែលពួកគេស្រឡាញ់? តើការកំណត់គោលដៅជីវិត, ការជ្រើសរើលជំនាញសិក្សា និងការជ្រើសរើសការងារមួយដែលត្រឹមត្រូវ មានសារសំខាន់អ្វីខ្លះ? សំណួរទាំងនេះនឹងបកស្រាយដោយវាគ្មិនជំនាញ៣រូប នៅក្នុងសិក្ខាសាលា «ជជែកពីអាជីព» នៅថ្ងៃទី១១ ធ្នូ ឆ្នាំ២០១៦នេះ។
សិក្ខាសាលា«ជជែកពីអាជីព» ដែលរៀបចំដោយអង្គការបណ្តុះបណ្តាលជំនាញ និងអាជីព (MACA) នឹងមានវាគ្មិនជំនាញ៣រូប ចែករំលែកចំណេះដឹង និងបទពិសោធន៍ការងាររបស់ពួកគាត់ដោយផ្សាភ្ជាប់ទៅនឹងគោលដៅជីវិត ដែលពួកគាត់ស្រឡាញ់ចូលចិត្ត រួមទាំងបកស្រាយនូវសំណួរខាងលើ និងចម្ងល់របស់អ្នកចូលរួមក្នុងសិក្ខាសាលានេះផងដែរ។
សិក្ខាសាលាដែលនឹងប្រព្រឹត្តទៅនៅថ្ងៃអាទិត្យ ទី១១ ខែធ្នូ ឆ្នាំ២០១៦ វេលាម៉ោង ២រសៀល នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) នេះ រៀបចំឡើងក្នុងគោលបំណងជួយយុវជនដែលមិនទាន់ស្គាល់ខ្លួនឯងច្បាស់ ចាប់ផ្តើមស្វែងយល់ពីខ្លួនឯង ដោយចាប់ផ្តើមកំណត់គោលដៅជីវិត, ជ្រើសរើសជំនាញសិក្សា និងធ្វើការងារណាដែលពួកគេស្រឡាញ់ចូលចិត្ត៕
© រក្សាសិទ្ធិដោយ thmeythmey.com