ជាតិ
ព្រឹត្តិការណ៍កីឡាកងទ័ពនៅកោះពេជ្រ គឺដើម្បីផ្តល់ទំនុកចិត្តដល់ពលរដ្ឋ…
×![]()
ភ្នំពេញ៖ លោកឧត្តមសេនីយ៍ឯក ហ៊ុន ម៉ាណែត បានបញ្ជាក់ថា ការរៀបចំកម្មវិធីប្រកួតកីឡាកងយោធពលខេមរភូមិន្ទដែលមានការចល័តសម្ភារយោធាផង មិនមែនជាការកំញើញកម្លាំងទ័ពបន្លាចសាធារណជនឡើយ។
លោក ហ៊ុន ម៉ាណែត នាយរងសេនាធិការចម្រុះកងយោធពលខេមរភូមិន្ទ និងមេបញ្ជាការរងកងទ័ពជើងគោក បាននិយាយថា ការប្រកួតកីឡាកងទ័ព ដែលនឹងប្រព្រឹត្តឡើងរយៈពេល ៣ថ្ងៃ ចាប់ពីថ្ងៃទី៦ ដល់ទី៨ នៅកោះពេជ្រ ក្នុងគោលបំណងចម្បងឲ្យសាធារណជន ពិសេសគឺ យុវជនយល់ពីតម្លៃកងកម្លាំងការពារជាតិ។
មេបញ្ជាការ នៃបញ្ជាការដ្ឋានជាតិកម្លាំងពិសេសប្រឆាំងភេរវកម្ម បានប្រាប់ក្រុមអ្នកសារព័ត៌មាននៅថ្ងៃទី៥ ខែមករានេះថា ការប្រកួតកីឡាកងទ័ពបានធ្វើឡើង ១០ឆ្នាំមកហើយ នៅក្នុងសាលានាយទាហានសកម្មត្មាតពង ខេត្តកំពង់ស្ពឺ។ លោកពន្យល់ពីមូលហេតុដែលទ័ពរៀបចំនៅទីសាធារណៈ ជាលើកដំបូង ក្នុងឆ្នាំនេះ គឺចង់ឲ្យមហាជន ពិសេសគឺ យុវជនបានចូលរួមផង ដើម្បីបង្កើនទំនាក់ទំនងសាមគ្គីភាពរវាងមហាជន និងកងកម្លាំងប្រដាប់អាវុធជាតិ។
នៅពេលអ្នកសារព័ត៌មានចោទសួរពាក់ព័ន្ធនឹងមតិសាធារណជនដែលលើកឡើងថា កងកម្លាំងកំពុងកំញើញកម្លាំង មុនការបោះឆ្នោតឬទេ? លោក ហ៊ុន ម៉ាណែត បានបដិសេធ ភ្លាមៗទាំងញញឹមដូច្នេះថា៖«គោលដៅធំ គឺដើម្បីឲ្យប្រជាជន ជាពិសេស យុវជនជំនាន់ក្រោយ មិនថា យុវជនដែលជាកង កម្លាំងប្រដាប់អាវុធ ឬយុវជនស៊ីវិលនៅក្នុងស្ថាប័ននានា ឲ្យចាប់អារម្មណ៍ ទទួលស្គាល់ និងឲ្យតម្លៃលើអ្វីដែលអតីតយុទ្ធជនដែលគាត់បានលះបង់ ដើម្បីជាតិមាតុភូមិរបស់យើងដែលយើង បានសុខសន្តិភាពសព្វថ្ងៃនេះ»។
ជាមួយគ្នាដែរ លោក ហ៊ុន ម៉ាណែត បានអំពាវនាវសាធារណជនឲ្យផ្តល់ការគោរពដល់អតីតយុទ្ធជនកម្ពុជា នៅគ្រប់ទីកន្លែងដែលបានធ្វើការដើម្បីបុព្វហេតុការពារដែនដី និងសណ្តាប់ធ្នាប់ជាតិ។
បើតាមលោកឧត្តមសេនីយ៍ឯក ហ៊ុន ម៉ាណែត កងទ័ព កងរាជអាវុធហត្ថ កងនគរបាលជាតិ និងមហាជនសរុបជាង ៥០០នាក់ ត្រៀមចូលរួមការប្រកួតកីឡាទ័ព នាពេលខាងមុខ។ ក្រៅ ការប្រកួតកីឡា ទ័ពក៏នឹងតាំងពិព័រណ៍បង្ហាញអំពីការងារយោធា ការបណ្តុះបណ្តាលយោធា និងសម្ភារយោធា ដើម្បីសាទរខួប ៣៨ឆ្នាំ ថ្ងៃទី៧ មករា និងប្រមូលវិភាគទានជួយសមាគមអតីតយុទ្ធជនផង៕
លោក ហ៊ុន ម៉ាណែត នាយរងសេនាធិការចម្រុះកងយោធពលខេមរភូមិន្ទ និងមេបញ្ជាការរងកងទ័ពជើងគោក បាននិយាយថា ការប្រកួតកីឡាកងទ័ព ដែលនឹងប្រព្រឹត្តឡើងរយៈពេល ៣ថ្ងៃ ចាប់ពីថ្ងៃទី៦ ដល់ទី៨ នៅកោះពេជ្រ ក្នុងគោលបំណងចម្បងឲ្យសាធារណជន ពិសេសគឺ យុវជនយល់ពីតម្លៃកងកម្លាំងការពារជាតិ។
មេបញ្ជាការ នៃបញ្ជាការដ្ឋានជាតិកម្លាំងពិសេសប្រឆាំងភេរវកម្ម បានប្រាប់ក្រុមអ្នកសារព័ត៌មាននៅថ្ងៃទី៥ ខែមករានេះថា ការប្រកួតកីឡាកងទ័ពបានធ្វើឡើង ១០ឆ្នាំមកហើយ នៅក្នុងសាលានាយទាហានសកម្មត្មាតពង ខេត្តកំពង់ស្ពឺ។ លោកពន្យល់ពីមូលហេតុដែលទ័ពរៀបចំនៅទីសាធារណៈ ជាលើកដំបូង ក្នុងឆ្នាំនេះ គឺចង់ឲ្យមហាជន ពិសេសគឺ យុវជនបានចូលរួមផង ដើម្បីបង្កើនទំនាក់ទំនងសាមគ្គីភាពរវាងមហាជន និងកងកម្លាំងប្រដាប់អាវុធជាតិ។
នៅពេលអ្នកសារព័ត៌មានចោទសួរពាក់ព័ន្ធនឹងមតិសាធារណជនដែលលើកឡើងថា កងកម្លាំងកំពុងកំញើញកម្លាំង មុនការបោះឆ្នោតឬទេ? លោក ហ៊ុន ម៉ាណែត បានបដិសេធ ភ្លាមៗទាំងញញឹមដូច្នេះថា៖«គោលដៅធំ គឺដើម្បីឲ្យប្រជាជន ជាពិសេស យុវជនជំនាន់ក្រោយ មិនថា យុវជនដែលជាកង កម្លាំងប្រដាប់អាវុធ ឬយុវជនស៊ីវិលនៅក្នុងស្ថាប័ននានា ឲ្យចាប់អារម្មណ៍ ទទួលស្គាល់ និងឲ្យតម្លៃលើអ្វីដែលអតីតយុទ្ធជនដែលគាត់បានលះបង់ ដើម្បីជាតិមាតុភូមិរបស់យើងដែលយើង បានសុខសន្តិភាពសព្វថ្ងៃនេះ»។
ជាមួយគ្នាដែរ លោក ហ៊ុន ម៉ាណែត បានអំពាវនាវសាធារណជនឲ្យផ្តល់ការគោរពដល់អតីតយុទ្ធជនកម្ពុជា នៅគ្រប់ទីកន្លែងដែលបានធ្វើការដើម្បីបុព្វហេតុការពារដែនដី និងសណ្តាប់ធ្នាប់ជាតិ។
បើតាមលោកឧត្តមសេនីយ៍ឯក ហ៊ុន ម៉ាណែត កងទ័ព កងរាជអាវុធហត្ថ កងនគរបាលជាតិ និងមហាជនសរុបជាង ៥០០នាក់ ត្រៀមចូលរួមការប្រកួតកីឡាទ័ព នាពេលខាងមុខ។ ក្រៅ ការប្រកួតកីឡា ទ័ពក៏នឹងតាំងពិព័រណ៍បង្ហាញអំពីការងារយោធា ការបណ្តុះបណ្តាលយោធា និងសម្ភារយោធា ដើម្បីសាទរខួប ៣៨ឆ្នាំ ថ្ងៃទី៧ មករា និងប្រមូលវិភាគទានជួយសមាគមអតីតយុទ្ធជនផង៕
Tag:
ហ៊ុន ម៉ាណែត
យោធា
កីឡា
© រក្សាសិទ្ធិដោយ thmeythmey.com
