ជាតិ
×![]()
ភ្នំពេញ៖ លោក ប្រាក់ សុខុន ទេសរដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ បានសុំឲ្យលោក Jang Yun Gon ឯកអគ្គរដ្ឋទូតកូរ៉េខាងជើងថ្មីប្រចាំនៅកម្ពុជា យោគយល់ចំពោះការប្រឆាំងផែនការបាញ់អាវុធនុយក្លេអ៊ែររបស់កូរ៉េខាងជើង។
លោក ប្រាក់ សុខុន ដែលនិយាយទៅកាន់លោក Jang Yun Gon ឯកអគ្គរដ្ឋទូតកូរ៉េខាងជើងថ្មីថា មូលហេតុដែលកម្ពុជាសម្រេចចេញសេចក្តីការណ៍ចំនួន ២ កាលពីឆ្នាំ២០១៦ កន្លងទៅ ប្រឆាំងកម្មវិធីអាវុធនុយក្លេអ៊ែរកូរ៉េខាងជើង គឺកម្ពុជាផ្អែកតាមសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិប៉ុណ្ណោះ។ នេះបើតាមការបញ្ជាក់របស់លោក ជុំ សន្ទរី អ្នកពាក្យក្រសួង ក្រោយជំនួបរវាងលោក ប្រាក់ សុខុន និងលោក Jang Yun Gon នៅទីស្តីការក្រសួងការបរទេស។
«ឯកឧត្តមទេសរដ្ឋមន្ត្រី [ប្រាក់ សុខុន] បានបញ្ជាក់សុំឲ្យប្រទេសជាមិត្តមេត្តាយោគយល់ចំពោះកម្ពុជា ដោយកម្ពុជាជាសមាជិកមួយរបស់អង្គការសហប្រជាជាតិ ដូច្នេះកម្ពុជាចាំបាច់ត្រូវគោរព និងអនុវត្តតាមសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ស្តីពី ការសាងល្បងកម្មវិធីអាវុធនុយក្លេអ៊ែររបស់សាធារណរដ្ឋប្រជាមានិតប្រជាធិបតេយ្យកូរ៉េ»។ លោក ជុំ សន្ទរី បានស្រង់សម្តីលោក ប្រាក់ សុខុន បញ្ជាក់ មុនបន្ថែមថា កម្ពុជានៅតែរក្សាគោលជំហរជំរុញឲ្យភាគីកូរ៉េទាំងពីរបង្រួបបង្រួមគ្នាដោយសន្តិវិធី ជៀសវាងការប៉ះទង្គិចគ្នាដោយប្រដាប់អាវុធ។
បើតាមលោក ជុំ សន្ទរី លោក ប្រាក់ សុខុន បានបញ្ជាក់ប្រាប់លោក Jang Yun Gon ថ្ងៃទី១៧ ខែមករានេះ ថា កម្ពុជានៅតែទំនាក់ទំនងល្អដែលបន្សល់ទុកដោយសម្តេចព្រះបរមរតនកោដ្ឋ នរោត្តម សីហនុ និងប្រមុខដឹកនាំកូរ៉េខាងជើង លោក គីម អ៊ីលស៊ុង នៅដដែល រហូតដល់បច្ចប្បន្ន។
មិនខុសគ្នាដែរ លោក Jang Yun Gon ឯកអគ្គរដ្ឋទូតប្រទេសកុំមុយនីសប្រចាំកម្ពុជា បានប្រាប់លោក ប្រាក់ សុខុន ថា កូរ៉េខាងជើងនៅតែបន្តរក្សាទំនាក់ទំនងល្អជាមួយកម្ពុជា ដដែល ទោះបីជាសភាពការណ៍ពិភពលោកមានការប្រែប្រួលក្តី។ «ទំនាក់ទំនងកម្ពុជា និងកូរ៉េខាងជើង មិនមានការប្រែប្រួលទៅតាមសភាពការណ៍សកលលោកនោះទេ»។ លោក ជុំ សន្ទរី ស្រង់សម្តីលោក Jang Yun Gon ប្រាប់អ្នកសារព័ត៌មានក្រោយជំនួប នៅថ្ងៃនេះ។
ដោយឡែក បញ្ហាឧបទ្វីបកូរ៉េទាំងពីរ វិញ លោក ជុំ សន្ទរី បាននិយាយថា លោក Jang Yun Gon ប្រាប់កម្ពុជាថា មេដឹកនាំកូរ៉េខាងជើងបានត្រៀមចរចាជាមួយមេដឹកនាំកូរ៉េខាងត្បូងរួចរាល់ ដើម្បីបញ្ចប់វិវាទឈានទៅបង្រួបបង្រួមប្រទេសបងប្អូនកូរ៉េទាំងពីរ ជានិច្ច។
កាលពីឆ្នាំ២០១៦ កន្លងទៅ ក្រុមប្រឹក្សាសន្តិសុខអង្គការសហប្រជាជាតិ បានអនុម័តជាឯកច្ឆន្ទលើសម្រេចដំណោះស្រាយថ្មីមួយដោយដាក់ទណ្ឌកម្មធ្ងន់ធ្ងរចំនួនពីរដងដែលមានទិសដៅបិទច្រកសេដ្ឋកិច្ច ឆ្លើយតបនឹងមហិច្ឆតា«នុយក្លេអ៊ែរ»ដោយឥតញញឺតរបស់លោក គីម ជុងអ៊ុន មេដឹកនាំរដ្ឋឯកោមួយនេះ ។ ហេតុនាំឲ្យរដ្ឋសមាជិកអង្គការសហប្រជាជាតិ រួមទាំងកម្ពុជាដែលជាប្រទេសតូចមួយនៅអាស៊ីអាគ្នេយ៍ ចាំចាច់ត្រូវគោរពសេចក្តីសម្រេចរបសក្រុមប្រឹក្សាសន្តិសុខ UN។
យោងតាមប្រការ២៦នៃសេចក្តីសម្រេច ដំណោះស្រាយ ២៣២១នោះ កូរ៉េខាងជើង មិនអាចផ្គត់ផ្គង់ លក់ ឬដឹកជញ្ជូនទាំងដោយផ្ទាល់ ឬដោយប្រយោលពីទឹកដីរបស់ខ្លួន ឬនាវាដឹកជញ្ជូនដែលមានទង់ជាតិកូរ៉េខាងជើងនូវ ធ្យូង និងថ្មទៀតបានឡើយ ហើយសមាជិកទាំងអស់អង្គការសហប្រជាជាតិទាំងអស់ ក៏ត្រូវបានហាមឃាត់ក្នុងការធ្វើលទ្ធកម្មពីកូរ៉េខាងជើងលើមុខទំនិញទាំងនោះផងដែរ៕
លោក ប្រាក់ សុខុន ដែលនិយាយទៅកាន់លោក Jang Yun Gon ឯកអគ្គរដ្ឋទូតកូរ៉េខាងជើងថ្មីថា មូលហេតុដែលកម្ពុជាសម្រេចចេញសេចក្តីការណ៍ចំនួន ២ កាលពីឆ្នាំ២០១៦ កន្លងទៅ ប្រឆាំងកម្មវិធីអាវុធនុយក្លេអ៊ែរកូរ៉េខាងជើង គឺកម្ពុជាផ្អែកតាមសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិប៉ុណ្ណោះ។ នេះបើតាមការបញ្ជាក់របស់លោក ជុំ សន្ទរី អ្នកពាក្យក្រសួង ក្រោយជំនួបរវាងលោក ប្រាក់ សុខុន និងលោក Jang Yun Gon នៅទីស្តីការក្រសួងការបរទេស។
«ឯកឧត្តមទេសរដ្ឋមន្ត្រី [ប្រាក់ សុខុន] បានបញ្ជាក់សុំឲ្យប្រទេសជាមិត្តមេត្តាយោគយល់ចំពោះកម្ពុជា ដោយកម្ពុជាជាសមាជិកមួយរបស់អង្គការសហប្រជាជាតិ ដូច្នេះកម្ពុជាចាំបាច់ត្រូវគោរព និងអនុវត្តតាមសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ស្តីពី ការសាងល្បងកម្មវិធីអាវុធនុយក្លេអ៊ែររបស់សាធារណរដ្ឋប្រជាមានិតប្រជាធិបតេយ្យកូរ៉េ»។ លោក ជុំ សន្ទរី បានស្រង់សម្តីលោក ប្រាក់ សុខុន បញ្ជាក់ មុនបន្ថែមថា កម្ពុជានៅតែរក្សាគោលជំហរជំរុញឲ្យភាគីកូរ៉េទាំងពីរបង្រួបបង្រួមគ្នាដោយសន្តិវិធី ជៀសវាងការប៉ះទង្គិចគ្នាដោយប្រដាប់អាវុធ។
បើតាមលោក ជុំ សន្ទរី លោក ប្រាក់ សុខុន បានបញ្ជាក់ប្រាប់លោក Jang Yun Gon ថ្ងៃទី១៧ ខែមករានេះ ថា កម្ពុជានៅតែទំនាក់ទំនងល្អដែលបន្សល់ទុកដោយសម្តេចព្រះបរមរតនកោដ្ឋ នរោត្តម សីហនុ និងប្រមុខដឹកនាំកូរ៉េខាងជើង លោក គីម អ៊ីលស៊ុង នៅដដែល រហូតដល់បច្ចប្បន្ន។
មិនខុសគ្នាដែរ លោក Jang Yun Gon ឯកអគ្គរដ្ឋទូតប្រទេសកុំមុយនីសប្រចាំកម្ពុជា បានប្រាប់លោក ប្រាក់ សុខុន ថា កូរ៉េខាងជើងនៅតែបន្តរក្សាទំនាក់ទំនងល្អជាមួយកម្ពុជា ដដែល ទោះបីជាសភាពការណ៍ពិភពលោកមានការប្រែប្រួលក្តី។ «ទំនាក់ទំនងកម្ពុជា និងកូរ៉េខាងជើង មិនមានការប្រែប្រួលទៅតាមសភាពការណ៍សកលលោកនោះទេ»។ លោក ជុំ សន្ទរី ស្រង់សម្តីលោក Jang Yun Gon ប្រាប់អ្នកសារព័ត៌មានក្រោយជំនួប នៅថ្ងៃនេះ។
ដោយឡែក បញ្ហាឧបទ្វីបកូរ៉េទាំងពីរ វិញ លោក ជុំ សន្ទរី បាននិយាយថា លោក Jang Yun Gon ប្រាប់កម្ពុជាថា មេដឹកនាំកូរ៉េខាងជើងបានត្រៀមចរចាជាមួយមេដឹកនាំកូរ៉េខាងត្បូងរួចរាល់ ដើម្បីបញ្ចប់វិវាទឈានទៅបង្រួបបង្រួមប្រទេសបងប្អូនកូរ៉េទាំងពីរ ជានិច្ច។
កាលពីឆ្នាំ២០១៦ កន្លងទៅ ក្រុមប្រឹក្សាសន្តិសុខអង្គការសហប្រជាជាតិ បានអនុម័តជាឯកច្ឆន្ទលើសម្រេចដំណោះស្រាយថ្មីមួយដោយដាក់ទណ្ឌកម្មធ្ងន់ធ្ងរចំនួនពីរដងដែលមានទិសដៅបិទច្រកសេដ្ឋកិច្ច ឆ្លើយតបនឹងមហិច្ឆតា«នុយក្លេអ៊ែរ»ដោយឥតញញឺតរបស់លោក គីម ជុងអ៊ុន មេដឹកនាំរដ្ឋឯកោមួយនេះ ។ ហេតុនាំឲ្យរដ្ឋសមាជិកអង្គការសហប្រជាជាតិ រួមទាំងកម្ពុជាដែលជាប្រទេសតូចមួយនៅអាស៊ីអាគ្នេយ៍ ចាំចាច់ត្រូវគោរពសេចក្តីសម្រេចរបសក្រុមប្រឹក្សាសន្តិសុខ UN។
យោងតាមប្រការ២៦នៃសេចក្តីសម្រេច ដំណោះស្រាយ ២៣២១នោះ កូរ៉េខាងជើង មិនអាចផ្គត់ផ្គង់ លក់ ឬដឹកជញ្ជូនទាំងដោយផ្ទាល់ ឬដោយប្រយោលពីទឹកដីរបស់ខ្លួន ឬនាវាដឹកជញ្ជូនដែលមានទង់ជាតិកូរ៉េខាងជើងនូវ ធ្យូង និងថ្មទៀតបានឡើយ ហើយសមាជិកទាំងអស់អង្គការសហប្រជាជាតិទាំងអស់ ក៏ត្រូវបានហាមឃាត់ក្នុងការធ្វើលទ្ធកម្មពីកូរ៉េខាងជើងលើមុខទំនិញទាំងនោះផងដែរ៕
Tag:
ប្រាក់ សុខុន
Jang Yun Gon
ជុំ សន្ទរី
ខាងជើង
© រក្សាសិទ្ធិដោយ thmeythmey.com
