ជាតិ
អ្នកស្រាវជ្រាវកំពុងសិក្សាពីទំនាក់ទំនងរវាងក្រុងភ្នំគូលេនមករាជធានីអង្គរ ![រូបភាព៖ លោក អ៊ឹម សុខរិទ្ធី](https://image.thmeythmey.com/pictures/2017/01/17/17120171725untitled-1.jpg)
រូបភាព៖ លោក អ៊ឹម សុខរិទ្ធី
×![]()
សៀមរាប៖ អ្នកស្រាវជ្រាវបានប្រទះឃើញជណ្តើរបុរាណមួយ នៅភ្នំគូលេន។ តាមការស្រាវជ្រាវ ផ្លូវនេះអាចមានទំនាក់ទំនងគ្នា រវាងកូនក្រុងនៅលើភ្នំគូលេន ទៅរាជធានីអង្គរ កាលសម័យបុរាណ។
លោក អ៊ឹម សុខរិទ្ធី អ្នកស្រាវជ្រាវរបស់អាជ្ញាធរជាតិអប្សរា បានប្រាប់សារព័តមានថ្មីៗតាមរយៈបទសម្ភាសមួយថា កាលពីឆ្នាំ២០០៨ ក្រុមស្រាវជ្រាវរបស់លោកបានប្រទះឃើញជណ្តើរបុរាណ ដែលសង់ពីជើងភ្នំទៅកំពូលភ្នំគូលេន។ ផ្លូវនេះមានទទឹងប្រហែល១១ម៉ែត្រ និងបណ្តោយប្រហែល ៧០០ម៉ែត្រ។ គេបានសាងសង់ជណ្តើរខាងលើ ដោយការច្រឹបថ្មភ្នំធ្វើជាកាំជណ្តើរ ហើយកន្លែងដែលគ្មានថ្មធម្មជាតិ គេបានយកថ្មបាយក្រៀមទៅបិទ។ កន្លែងនោះ ត្រូវបានអ្នកស្រុកហៅថា «ផ្លូវចែរ៉ែ»។ នេះបើតាមការបញ្ជាក់របស់លោក អ៊ឹម សុខរិទ្ធី។
លោក អ៊ឹម សុខរិទ្ធី បានបន្តថា៖« យើងបាននិងកំពុងធ្វើការសិក្សា និងតាមដានពីផ្លូវដីចេញពីអង្គរ ភ្ជាប់ទៅផ្លូវចែរ៉ែ ក្នុងបំណងចង់ដឹងឲ្យច្បាស់ ពីការធ្វើទំនាក់ទំនងរវាងកូនក្រុងនៅលើភ្នំគូលេន និងរាជធានីអង្គរ នាសម័យកាលនោះ»។
បច្ចុប្បន្ន ផ្លូវចែរ៉ែបានក្លាយជាភូមិមួយរបស់អ្នកស្រុកនៅទីនោះ។ ប៉ុន្តែ ជណ្តើរបុរាណ ដែលអ្នកស្រាវជ្រាវកំពុងសិក្សានោះ នារយៈពេលប៉ុន្មានឆ្នាំចុងក្រោយនេះ បានរងការខូចខាតច្រើន ដោយសកម្មភាពកាប់ឈើ។ ឈ្មួយឈើ បានកាប់ដួលរំលំឈើ និងបានរុញទម្លាក់តាមជណ្តើរបុរាណ ធ្វើឲ្យមានការខូចខាតជាទម្ងន់៕
Tag:
អ៊ឹម សុខរិទ្ធី
ផ្លូវចែរ៉ែ
ភ្នំគូលេន
© រក្សាសិទ្ធិដោយ thmeythmey.com