អន្តរជាតិ
អ៊ុយក្រែនអរគុណអាមេរិក តែបន្ទោស អឺរ៉ុបដែលស្ទាក់ស្ទើរទទួលយកខ្លួនជាសមាជិកថ្មី
×![]()
លោកអនុប្រធានាធិបតីអាមេរិក Joe Biden បានទទូចសុំឲ្យសហគមនអន្តរជាតិបន្តប្រឈមមុខជាមួយរុស្ស៊ីនិងឲ្យរដ្ឋបាលអាមេរិកថ្មីបន្តរក្សាទណ្ឌកម្មទាំងអម្បាលម៉ានប្រឆាំងរុស្ស៊ីក្នុងសំណុំរឿងអ៊ុយក្រែន ដើម្បីបង្ខំឲ្យរុស្ស៊ីគោរពកិច្ចព្រមព្រៀងទីក្រុង Minsk។ កន្លងមកលោក ដូណាល់ ត្រាំ ចង់ដកទណ្ឌកម្មចេញទាំងអស់ ដើម្បីជាថ្នូរនឹងការសម្រេចកិច្ចព្រមព្រៀងបន្ថយអាវុធនុយក្លេអ៊ែរជាមួយរុស្ស៊ី។ ចំណែកមេដឹកនាំអ៊ុយក្រែនដែលជួបអនុប្រធានាធិបតីអាមេរិកគាំទ្រជំហររដ្ឋបាលអាមេរិកចាស់ និងសង្ឃឹមមុតមាំថារដ្ឋបាលថ្មីនឹងបន្តជំហរនេះ។ តែលោកបង្ហាញការខកចិត្តចំពោះអឺរ៉ុប ដែលពន្យារពេលម្តងជាពីរដងចំពោះការបើកផ្លូវឲ្យអ៊ុយក្រែនចូលរួមរស់ជាមួយសហភាពអឺរ៉ុនោះ។
សូមស្តាប់ការបកស្រាយរបស់លោក សៅ ផលនិស្ស័យ៖
ការចូលកាន់តំណែងរបស់អ្នកនយោបាយអាមេរិកដែលមានទំនោរទៅរករុស្ស៊ី ដូណាល់ ត្រាំ បានក្លាយជាក្តីកង្វល់មួយដ៏ធំរបស់បណ្តារដ្ឋអឺរ៉ុបដែលធ្លាប់ជ្រកកោនក្រោមឆ័ត្រសន្តិសុខរបស់ក្រុងវ៉ាស៊ីនតោន។ មកដល់បច្ចុប្បន្ន គេឃើញមានវត្តមានសព្វាវុធនិងកងទ័ពរុស្ស៊ីច្រើននៅតាមព្រំដែន ដែលវាជាយុទ្ធសាស្ត្របង្ហាញសាច់ដុំយោធា ទប់ទល់ការកសាងកម្លាំងទ័ពរបស់ណាតូ និង អាមេរិកនៅក្នុងពេលប៉ុន្មានឆ្នាំចុងក្រោយនេះ ពោលគឺចាប់ពីរុស្ស៊ីក្រសោបយកទឹកដី Crimea ពីអ៊ុយក្រែន។
មេដឹកនាំរដ្ឋអឺរ៉ុបហាក់ជ្រួលច្របល់ចិត្តនិងមានមន្ទិលសង្ស័យខ្ពស់ចំពោះ គោលជំហរលោក ដូណាល់ ត្រាំ ចំពោះអឺរ៉ុប ព្រោះលោកតែងតែយល់ឃើញថា រុស្ស៊ីមានចេតនាល្អទេ។ ខណៈដែលពេលវេលាលោកនៅមានចេះតែខើចខ្លីណាស់ទៅហើយនោះ រដ្ឋបាលអាមេរិករបស់លោក បារ៉ាក់ អូបាម៉ា ឯណោះក៏បារម្ភពីអនាគតនៃរដ្ឋអឺរ៉ុបខាងកើត ហើយលោកក៏ខ្លាចរុស្ស៊ីលើកទ័ពឈ្លានពានប្រទេសទាំងនេះទៀតដែរ ។
ដូច្នេះហើយ អនុប្រធានាធិបតីអាមេរិកលោក Joe Biden បានត្រហេបត្រហបធ្វើដំណើរទៅកាន់អ៊ុយក្រែនដើម្បីស្កាត់ជួបប្រធានាធិបតីអតីតរដ្ឋសហភាពសូវៀតនេះ មុនពេលដែលលោកចាកចេញពីតំណែងនៅចុងសប្តាហ៍នេះ។ គេដឹងច្បាស់ថា វត្តមានលោក Joe Biden នៅអ៊ុយក្រែន កាយវិការមួយដែលធ្វើឲ្យអ៊ុយក្រែនស្ងប់ចិត្ត និងមានទំនុកចិត្តចំពោះជំហរអាមេរិកក្នុងការការពារអឺរ៉ុបក៏ដូចជាអ៊ុយក្រែន នាពេលអនាគត។
អនុប្រធាធិបតីដែលចំណាយពេល ៨ឆ្នាំ ធ្វើការជាមួយលោក បារ៉ាក់ អូបាម៉ា រូបនេះបានអញ្ជើញមកទស្សនកិច្ចនៅអ៊ុយក្រែន ៦ដង ហើយទស្សនកិច្ចលើកទី ៥របស់លោកកើតឡើងក្រោយវិបត្តិអ៊ុយក្រែនផ្ទុះឡើង នាខែកុម្ភៈឆ្នាំ ២០១៤។
១.លោក Biden ស្នើឲ្យ ដូណាល់ ត្រាំ រក្សាទុកទណ្ឌកម្មដាក់គំនៀបរុស្ស៊ី
នៅទីក្រុងគៀវ លោក Joe Biden បានចំណាយពេលវេលាយ៉ាងច្រើនពិភាក្សាជាមួយមេដឹកនាំអ៊ុយក្រែន ហើយលោកយកឱកាសចុងក្រោយដែលលោកមានអំពាវនាវយ៉ាងទទូចឲ្យសហគមន៍អន្តរជាតិទប់ទល់ការឈ្លានពានរបស់រុស្ស៊ីលើរដ្ឋតូចតាច។
យោងតាមសារព័ត៌មានអ៊ុយក្រែន Kyiv Post លោកក៏ទទូចសុំឲ្យ រដ្ឋបាលលោក ដូណាល់ ត្រាំ ពិចារណាឲ្យបានជាក់ច្បាស់ពីការឈានទៅដកទណ្ឌកម្មដែលមានទាំងអម្បាលម៉ានដែលត្រូវបានដាក់ប្រឆាំងក្រុងមូស្គូក្នុងវិបត្តិអ៊ុយក្រែនកន្លងមក។ ទណ្ឌកម្មអាចនឹងត្រូវដកចេញ ដរាបណារុស្ស៊ីគោរពនិងអនុវត្តកិច្ចព្រមព្រៀងទីក្រុង Minsk ដែលចូលជាធរមានចាប់ពីខែកុម្ភៈឆ្នាំ ២០១៥ នោះ។
ឈរទន្ទឹមប្រធានាធិបតីអ៊ុយក្រែនលោក Petro Poroshenko ក្នុងសន្និសីទសារព័ត៌មានថ្ងៃចន្ទ ទី ១៦មករា លោក Joe Biden បានថ្លែងដូច្នេះថា៖ «សហគមន៍អន្តរជាតិត្រូវតែបន្តងើបឈរប្រឆាំងរាល់ការគំរាមកំហែងនិងការឈ្លានពានរបស់រុស្ស៊ី។ រាល់ទណ្ឌកម្មប្រឆាំងរុស្ស៊ីក្នុងសំណុំរឿង Crimea ត្រូវរក្សាទុក រហូតដល់រុស្ស៊ីផ្ទេររាល់កម្មសិទ្ធិទាំងឡាយណាជារបស់ប្រជាជនអ៊ុយក្រែនមកវិញ»។
ការអំពាវនាវរបស់លោក Joe Biden នេះធ្វើឡើង ក្រោយពេលដែលប្រធានាធិបតីទើបជាប់ឆ្នោត ដូណាល់ ត្រាំ អះអាងថា លោកនឹងពិចារណាដករាល់ទណ្ឌកម្មប្រឆាំងរុស្ស៊ីពាក់ព័ន្ធរឿងអ៊ុយក្រែន បើសិនជាប្រទេសទាំងពីរសម្រេចបានកិច្ចព្រមព្រៀងបន្ថយចំនួនអាវុធនុយក្លេអ៊ែរនោះ។ លោក ដូណាល់ ត្រាំ លើកឡើងពីលក្ខខណ្ឌនេះ នៅក្នុងកិច្ចសម្ភាសន៍ជាមួយសារព័ត៌មានអង់គ្លេស The Times of London កាលពីចុងសប្តាហ៍មុន។
វាជារឿងពិបាកស្មានដែរចំពោះបញ្ហានេះ។ តាំងពីយូរមកហើយ លោក ដូណាល់ ត្រាំ បានបង្ហាញនិន្នាការងាកទៅស្តារទំនាក់ទំនងជាមួយរុស្ស៊ី ហើយលោកបន្តកោតសរសើរលោក វ្ល៉ាឌីមៀ ពូទីន ថែមទៀត។ ដូច្នេះហើយ ការដកទណ្ឌកម្មដើម្បីស្តារទំនាក់ទំនងនិងបង្កើតកិច្ចសហប្រតិបត្តិការផ្សេងទៀតប្រហែលជារឿងសមហេតុផល។
២. អ៊ុនក្រែនកម្ចាត់អំពើពុករលួយដើម្បីរាំងខ្ទបើ
បន្ទាប់ពីទិតៀនរុស្ស៊ី លោក Joe Biden ក៏បានដាស់តឿន និងជំរុញឲ្យរដ្ឋាភិបាលលោក Poroshenko បន្តលើកស្ទួយនីតិរដ្ឋ និងប្រយុទ្ធប្រឆាំងអំពើពុករលួយស៊ីរូងផ្ទៃក្នុងនោះ។ លោក Biden ជឿថា រុស្ស៊ីប្រើប្រាស់អំពើពុករលួយនេះជាយុទ្ធសាស្ត្របង្កបញ្ហា,គំរាមកំហែង និងរក្សាឥទ្ធិពលរបស់ខ្លួនលើអ៊ុយក្រែនផង។ អ្វីដែលអ៊ុយក្រែនត្រូវយល់គឺ យុទ្ធនាការប្រឆាំងពុករលួយមិនមែនត្រឹមតែបង្កើតតម្លាភាព និងអភិបាលកិច្ចល្អប៉ុណ្ណោះទេ វាក៏ជាវិធានការមួយដើម្បីរក្សាសន្តិសុខផងដែរ។
អ្នកណាក៏ដឹងថា អំពើពុករលួយជាអត្តសញ្ញាណមួយរបស់អ៊ុយក្រែនតាំងពីដើមមក។ មន្ត្រីស្ទើរគ្រប់ជាន់ថ្នាក់សុទ្ធតែមានជាប់ពាក់ព័ន្ធជំងឺសង្គមនេះ ហើយពួកគេកេងប្រវ័ញ្ចប្រទេសជាតិដើម្បីភាពមានបានរបស់ខ្លួន។
តបតាមការស្នើសុំនេះ លោក Poroshenko បានប្តេជ្ញាប្រយុទ្ធប្រឆាំងអំពើពុករលួយ និងលើកស្ទួយនីតិរដ្ឋនៅអ៊ុយក្រែន។ Poroshenko បានថ្លែងអំណរគុណជ្រាលជ្រៅបំផុតដល់លោក Biden និងរដ្ឋបាលលោក អូបាម៉ា ដែលបន្តគាំទ្រអ៊ុយក្រែនតាំងពីដើមមក។ ហើយលោកក៏ដឹងគុណរដ្ឋបាលអាមេរិកដែលបានបន្ថែមពេលអនុវត្តទណ្ឌកម្មប្រឆាំងរុស្ស៊ីកាលពីថ្ងៃ ១៣ មករាដូចគ្នា។
ក្នុងសំណុំរឿងអ៊ុយក្រែន អ្នកណាក៏ដឹងថា អាមេរិកមានចំណែកសំខាន់ក្នុងការគាំទ្រ (បញ្ឆេះ)ចលនាបដិវត្តន៍ Maidanរៀបចំឡើងដោយក្រុមគាំទ្រអឺរ៉ុប ដែលផ្ទុះឡើងនៅអ៊ុយក្រែនចុងឆ្នាំ ២០១៣ ដើម្បីប្រឆាំងរបបដឹកនាំលោក Viktor Yanukovych ដែលស្និទ្ធជាមួយរបបដឹកនាំក្រេមឡាំង។ ចាប់ពីពេលនោះមក ក្រុងវ៉ាស៊ីនតោនបន្តលូកដៃយ៉ាងជ្រៅចូលក្នុងវិបត្តិនេះ ដើម្បីតតាំងក្រុងមូស្គូ។
៣.អ៊ុយក្រែនហាក់ស្តាយក្រោយចំពោះអឺរ៉ុប
ក្នុងពេល លោក Biden ទស្សនកិច្ចនេះដែរ ប្រធានាធិបតីអ៊ុយក្រែនហាក់ព្យាយាមបន្ទោសអឺរ៉ុបផង និងបង្ហាញការខកចិត្តផងចំពោះអង្គការតំបន់ដែលមិនពន្លឿននីតិវិធីទទួលយកអ៊ុយក្រែន។ មេដឹកនាំអ៊ុយក្រែនរូបនេះចង់ប្រាប់អឺរ៉ុបថា អ៊ុយក្រែនបានលះបង់សាច់ស្រស់ឈាមស្រស់ ដោយគាស់រំលើងរបបដឹកនាំស្និទ្ធរុស្ស៊ី និងប្រឹងតស៊ូដើម្បីប្រឆាំងរុស្ស៊ីព្រោះតែប្រាថ្នាចង់ភ្ជាប់និស្ស័យជាមួយអឺរ៉ុប។ តែអឺរ៉ុបហាក់បីស្ទាក់ស្ទើរនឹងទទួលយកអ៊ុយក្រែននៅឡើយ។
កាលពីខែធ្នូឆ្នាំមុន សហភាពអឺរ៉ុបបានឯកភាពលើកិច្ចព្រមព្រៀងលើកលែងទិដ្ឋាការសម្រាប់ប្រជាជនអ៊ុយក្រែន ប៉ុន្តែមកដល់ពេលនេះ កិច្ចព្រមព្រៀងនេះមិនទាន់ចូលជាធរមានឡើយ។
យោងតាមទីភ្នាក់ងារព័ត៌មាន AFP លោក Poroshenko បញ្ជាក់ប្រាប់អ្នកសារព័ត៌មាននិងបណ្តាអគ្គរដ្ឋទូតបរទេសនានាថា ការពន្យារពេលទទួលយកអ៊ុយក្រែន ជារឿងអយុត្តិធម៌សម្រាប់អ៊ុយក្រែន ព្រោះប្រជាជនអ៊ុយក្រែនលះបង់ធំធេងណាស់។
មេដឹកនាំរូបនេះព្រលយពាក្យថា អ៊ុយក្រែនអាចនឹងអស់និស្ស័យនឹងដើរលើផ្លូវជាមួយអឺរ៉ុបបើសិនជាអឺរ៉ុបបន្តពន្យារពេលក្នុងការធ្វើសមាហរណកម្មអ៊ុយក្រែនចូលក្នុងសហភាពអឺរ៉ុបដោយគ្មានហេតុផលនោះ។វាបង្ហាញឲ្យឃើញកាន់តែច្បាស់ថា អ៊ុយក្រែនបច្ចុប្បន្នហាក់ផុងខ្លួនជ្រៅក្នុងស្ថានភាពដែលរុលទៅមុខក៏មិនរួច ហើយចង់បកត្រឡប់ក្រោយក៏មិនកើត៕
សូមស្តាប់ការបកស្រាយរបស់លោក សៅ ផលនិស្ស័យ៖
ការចូលកាន់តំណែងរបស់អ្នកនយោបាយអាមេរិកដែលមានទំនោរទៅរករុស្ស៊ី ដូណាល់ ត្រាំ បានក្លាយជាក្តីកង្វល់មួយដ៏ធំរបស់បណ្តារដ្ឋអឺរ៉ុបដែលធ្លាប់ជ្រកកោនក្រោមឆ័ត្រសន្តិសុខរបស់ក្រុងវ៉ាស៊ីនតោន។ មកដល់បច្ចុប្បន្ន គេឃើញមានវត្តមានសព្វាវុធនិងកងទ័ពរុស្ស៊ីច្រើននៅតាមព្រំដែន ដែលវាជាយុទ្ធសាស្ត្របង្ហាញសាច់ដុំយោធា ទប់ទល់ការកសាងកម្លាំងទ័ពរបស់ណាតូ និង អាមេរិកនៅក្នុងពេលប៉ុន្មានឆ្នាំចុងក្រោយនេះ ពោលគឺចាប់ពីរុស្ស៊ីក្រសោបយកទឹកដី Crimea ពីអ៊ុយក្រែន។
មេដឹកនាំរដ្ឋអឺរ៉ុបហាក់ជ្រួលច្របល់ចិត្តនិងមានមន្ទិលសង្ស័យខ្ពស់ចំពោះ គោលជំហរលោក ដូណាល់ ត្រាំ ចំពោះអឺរ៉ុប ព្រោះលោកតែងតែយល់ឃើញថា រុស្ស៊ីមានចេតនាល្អទេ។ ខណៈដែលពេលវេលាលោកនៅមានចេះតែខើចខ្លីណាស់ទៅហើយនោះ រដ្ឋបាលអាមេរិករបស់លោក បារ៉ាក់ អូបាម៉ា ឯណោះក៏បារម្ភពីអនាគតនៃរដ្ឋអឺរ៉ុបខាងកើត ហើយលោកក៏ខ្លាចរុស្ស៊ីលើកទ័ពឈ្លានពានប្រទេសទាំងនេះទៀតដែរ ។
ដូច្នេះហើយ អនុប្រធានាធិបតីអាមេរិកលោក Joe Biden បានត្រហេបត្រហបធ្វើដំណើរទៅកាន់អ៊ុយក្រែនដើម្បីស្កាត់ជួបប្រធានាធិបតីអតីតរដ្ឋសហភាពសូវៀតនេះ មុនពេលដែលលោកចាកចេញពីតំណែងនៅចុងសប្តាហ៍នេះ។ គេដឹងច្បាស់ថា វត្តមានលោក Joe Biden នៅអ៊ុយក្រែន កាយវិការមួយដែលធ្វើឲ្យអ៊ុយក្រែនស្ងប់ចិត្ត និងមានទំនុកចិត្តចំពោះជំហរអាមេរិកក្នុងការការពារអឺរ៉ុបក៏ដូចជាអ៊ុយក្រែន នាពេលអនាគត។
អនុប្រធាធិបតីដែលចំណាយពេល ៨ឆ្នាំ ធ្វើការជាមួយលោក បារ៉ាក់ អូបាម៉ា រូបនេះបានអញ្ជើញមកទស្សនកិច្ចនៅអ៊ុយក្រែន ៦ដង ហើយទស្សនកិច្ចលើកទី ៥របស់លោកកើតឡើងក្រោយវិបត្តិអ៊ុយក្រែនផ្ទុះឡើង នាខែកុម្ភៈឆ្នាំ ២០១៤។
១.លោក Biden ស្នើឲ្យ ដូណាល់ ត្រាំ រក្សាទុកទណ្ឌកម្មដាក់គំនៀបរុស្ស៊ី
នៅទីក្រុងគៀវ លោក Joe Biden បានចំណាយពេលវេលាយ៉ាងច្រើនពិភាក្សាជាមួយមេដឹកនាំអ៊ុយក្រែន ហើយលោកយកឱកាសចុងក្រោយដែលលោកមានអំពាវនាវយ៉ាងទទូចឲ្យសហគមន៍អន្តរជាតិទប់ទល់ការឈ្លានពានរបស់រុស្ស៊ីលើរដ្ឋតូចតាច។
យោងតាមសារព័ត៌មានអ៊ុយក្រែន Kyiv Post លោកក៏ទទូចសុំឲ្យ រដ្ឋបាលលោក ដូណាល់ ត្រាំ ពិចារណាឲ្យបានជាក់ច្បាស់ពីការឈានទៅដកទណ្ឌកម្មដែលមានទាំងអម្បាលម៉ានដែលត្រូវបានដាក់ប្រឆាំងក្រុងមូស្គូក្នុងវិបត្តិអ៊ុយក្រែនកន្លងមក។ ទណ្ឌកម្មអាចនឹងត្រូវដកចេញ ដរាបណារុស្ស៊ីគោរពនិងអនុវត្តកិច្ចព្រមព្រៀងទីក្រុង Minsk ដែលចូលជាធរមានចាប់ពីខែកុម្ភៈឆ្នាំ ២០១៥ នោះ។
ឈរទន្ទឹមប្រធានាធិបតីអ៊ុយក្រែនលោក Petro Poroshenko ក្នុងសន្និសីទសារព័ត៌មានថ្ងៃចន្ទ ទី ១៦មករា លោក Joe Biden បានថ្លែងដូច្នេះថា៖ «សហគមន៍អន្តរជាតិត្រូវតែបន្តងើបឈរប្រឆាំងរាល់ការគំរាមកំហែងនិងការឈ្លានពានរបស់រុស្ស៊ី។ រាល់ទណ្ឌកម្មប្រឆាំងរុស្ស៊ីក្នុងសំណុំរឿង Crimea ត្រូវរក្សាទុក រហូតដល់រុស្ស៊ីផ្ទេររាល់កម្មសិទ្ធិទាំងឡាយណាជារបស់ប្រជាជនអ៊ុយក្រែនមកវិញ»។
ការអំពាវនាវរបស់លោក Joe Biden នេះធ្វើឡើង ក្រោយពេលដែលប្រធានាធិបតីទើបជាប់ឆ្នោត ដូណាល់ ត្រាំ អះអាងថា លោកនឹងពិចារណាដករាល់ទណ្ឌកម្មប្រឆាំងរុស្ស៊ីពាក់ព័ន្ធរឿងអ៊ុយក្រែន បើសិនជាប្រទេសទាំងពីរសម្រេចបានកិច្ចព្រមព្រៀងបន្ថយចំនួនអាវុធនុយក្លេអ៊ែរនោះ។ លោក ដូណាល់ ត្រាំ លើកឡើងពីលក្ខខណ្ឌនេះ នៅក្នុងកិច្ចសម្ភាសន៍ជាមួយសារព័ត៌មានអង់គ្លេស The Times of London កាលពីចុងសប្តាហ៍មុន។
វាជារឿងពិបាកស្មានដែរចំពោះបញ្ហានេះ។ តាំងពីយូរមកហើយ លោក ដូណាល់ ត្រាំ បានបង្ហាញនិន្នាការងាកទៅស្តារទំនាក់ទំនងជាមួយរុស្ស៊ី ហើយលោកបន្តកោតសរសើរលោក វ្ល៉ាឌីមៀ ពូទីន ថែមទៀត។ ដូច្នេះហើយ ការដកទណ្ឌកម្មដើម្បីស្តារទំនាក់ទំនងនិងបង្កើតកិច្ចសហប្រតិបត្តិការផ្សេងទៀតប្រហែលជារឿងសមហេតុផល។
២. អ៊ុនក្រែនកម្ចាត់អំពើពុករលួយដើម្បីរាំងខ្ទបើ
បន្ទាប់ពីទិតៀនរុស្ស៊ី លោក Joe Biden ក៏បានដាស់តឿន និងជំរុញឲ្យរដ្ឋាភិបាលលោក Poroshenko បន្តលើកស្ទួយនីតិរដ្ឋ និងប្រយុទ្ធប្រឆាំងអំពើពុករលួយស៊ីរូងផ្ទៃក្នុងនោះ។ លោក Biden ជឿថា រុស្ស៊ីប្រើប្រាស់អំពើពុករលួយនេះជាយុទ្ធសាស្ត្របង្កបញ្ហា,គំរាមកំហែង និងរក្សាឥទ្ធិពលរបស់ខ្លួនលើអ៊ុយក្រែនផង។ អ្វីដែលអ៊ុយក្រែនត្រូវយល់គឺ យុទ្ធនាការប្រឆាំងពុករលួយមិនមែនត្រឹមតែបង្កើតតម្លាភាព និងអភិបាលកិច្ចល្អប៉ុណ្ណោះទេ វាក៏ជាវិធានការមួយដើម្បីរក្សាសន្តិសុខផងដែរ។
អ្នកណាក៏ដឹងថា អំពើពុករលួយជាអត្តសញ្ញាណមួយរបស់អ៊ុយក្រែនតាំងពីដើមមក។ មន្ត្រីស្ទើរគ្រប់ជាន់ថ្នាក់សុទ្ធតែមានជាប់ពាក់ព័ន្ធជំងឺសង្គមនេះ ហើយពួកគេកេងប្រវ័ញ្ចប្រទេសជាតិដើម្បីភាពមានបានរបស់ខ្លួន។
តបតាមការស្នើសុំនេះ លោក Poroshenko បានប្តេជ្ញាប្រយុទ្ធប្រឆាំងអំពើពុករលួយ និងលើកស្ទួយនីតិរដ្ឋនៅអ៊ុយក្រែន។ Poroshenko បានថ្លែងអំណរគុណជ្រាលជ្រៅបំផុតដល់លោក Biden និងរដ្ឋបាលលោក អូបាម៉ា ដែលបន្តគាំទ្រអ៊ុយក្រែនតាំងពីដើមមក។ ហើយលោកក៏ដឹងគុណរដ្ឋបាលអាមេរិកដែលបានបន្ថែមពេលអនុវត្តទណ្ឌកម្មប្រឆាំងរុស្ស៊ីកាលពីថ្ងៃ ១៣ មករាដូចគ្នា។
ក្នុងសំណុំរឿងអ៊ុយក្រែន អ្នកណាក៏ដឹងថា អាមេរិកមានចំណែកសំខាន់ក្នុងការគាំទ្រ (បញ្ឆេះ)ចលនាបដិវត្តន៍ Maidanរៀបចំឡើងដោយក្រុមគាំទ្រអឺរ៉ុប ដែលផ្ទុះឡើងនៅអ៊ុយក្រែនចុងឆ្នាំ ២០១៣ ដើម្បីប្រឆាំងរបបដឹកនាំលោក Viktor Yanukovych ដែលស្និទ្ធជាមួយរបបដឹកនាំក្រេមឡាំង។ ចាប់ពីពេលនោះមក ក្រុងវ៉ាស៊ីនតោនបន្តលូកដៃយ៉ាងជ្រៅចូលក្នុងវិបត្តិនេះ ដើម្បីតតាំងក្រុងមូស្គូ។
៣.អ៊ុយក្រែនហាក់ស្តាយក្រោយចំពោះអឺរ៉ុប
ក្នុងពេល លោក Biden ទស្សនកិច្ចនេះដែរ ប្រធានាធិបតីអ៊ុយក្រែនហាក់ព្យាយាមបន្ទោសអឺរ៉ុបផង និងបង្ហាញការខកចិត្តផងចំពោះអង្គការតំបន់ដែលមិនពន្លឿននីតិវិធីទទួលយកអ៊ុយក្រែន។ មេដឹកនាំអ៊ុយក្រែនរូបនេះចង់ប្រាប់អឺរ៉ុបថា អ៊ុយក្រែនបានលះបង់សាច់ស្រស់ឈាមស្រស់ ដោយគាស់រំលើងរបបដឹកនាំស្និទ្ធរុស្ស៊ី និងប្រឹងតស៊ូដើម្បីប្រឆាំងរុស្ស៊ីព្រោះតែប្រាថ្នាចង់ភ្ជាប់និស្ស័យជាមួយអឺរ៉ុប។ តែអឺរ៉ុបហាក់បីស្ទាក់ស្ទើរនឹងទទួលយកអ៊ុយក្រែននៅឡើយ។
កាលពីខែធ្នូឆ្នាំមុន សហភាពអឺរ៉ុបបានឯកភាពលើកិច្ចព្រមព្រៀងលើកលែងទិដ្ឋាការសម្រាប់ប្រជាជនអ៊ុយក្រែន ប៉ុន្តែមកដល់ពេលនេះ កិច្ចព្រមព្រៀងនេះមិនទាន់ចូលជាធរមានឡើយ។
យោងតាមទីភ្នាក់ងារព័ត៌មាន AFP លោក Poroshenko បញ្ជាក់ប្រាប់អ្នកសារព័ត៌មាននិងបណ្តាអគ្គរដ្ឋទូតបរទេសនានាថា ការពន្យារពេលទទួលយកអ៊ុយក្រែន ជារឿងអយុត្តិធម៌សម្រាប់អ៊ុយក្រែន ព្រោះប្រជាជនអ៊ុយក្រែនលះបង់ធំធេងណាស់។
មេដឹកនាំរូបនេះព្រលយពាក្យថា អ៊ុយក្រែនអាចនឹងអស់និស្ស័យនឹងដើរលើផ្លូវជាមួយអឺរ៉ុបបើសិនជាអឺរ៉ុបបន្តពន្យារពេលក្នុងការធ្វើសមាហរណកម្មអ៊ុយក្រែនចូលក្នុងសហភាពអឺរ៉ុបដោយគ្មានហេតុផលនោះ។វាបង្ហាញឲ្យឃើញកាន់តែច្បាស់ថា អ៊ុយក្រែនបច្ចុប្បន្នហាក់ផុងខ្លួនជ្រៅក្នុងស្ថានភាពដែលរុលទៅមុខក៏មិនរួច ហើយចង់បកត្រឡប់ក្រោយក៏មិនកើត៕
© រក្សាសិទ្ធិដោយ thmeythmey.com
