ជាតិ
គជប ច្រានចោលបណ្តឹងគណបក្សប្រឆាំងទាមទារឲ្យលុបឈ្មោះជាង ៤០០នាក់ ![](https://image.thmeythmey.com/pictures/2017/01/18/nec.jpg)
×![]()
ភ្នំពេញ៖ ក្រុមប្រឹក្សាជំនុំជម្រះគណកម្មាធិការជាតិរៀបចំការបោះឆ្នោត (គជប) ក្រោយសវនាការអស់ពេល១៤ម៉ោង កាលពីថ្ងៃអង្គារ ទី១៧ ខែមករា ជាថ្មីម្តងទៀត សម្រេចច្រានចោលពាក្យបណ្តឹងរបស់ គណបក្សប្រឆាំងសុំលុបឈ្មោះអ្នកបោះឆ្នោត៤០០នាក់ដោយសារពួកគេនិយាយខ្មែរមិនច្បាស់។
លោក ស៊ិក ប៊ុនហុក ប្រធានក្រុមប្រឹក្សាជំនុំជម្រះ គជប បានប្រកាសមិនទទួលស្គាល់ បណ្តឹងជំទាស់ មកពីគណបក្សសង្គ្រោះជាតិ ដែលស្នើឲ្យលុប ឈ្មោះអ្នកបានចុះក្នុងបញ្ជីបោះឆ្នោតថ្មីជាង ៤០០នាក់ទៀតដែលគណបក្សនេះអះអាង ថា ពួកគេជាជនជាតិវៀតណាមកាន់អត្តសញ្ញាណសញ្ជាតិខ្មែររស់នៅក្នុងឃុំ សង្កាត់ចំនួនប្រាំមួយក្នុងទីក្រុងភ្នំពេញ។
មន្ត្រីគណបក្សប្រឆាំងនិយាយថាអ្នកទាំងនោះនិយាយខ្មែរមិនច្បាស់ ដូចគ្នាក្នុងករណីលើកទីមួយ ដែលពួកគេថាបានរកឃើញដែរ ប៉ុន្តែ លោក ស៊ិក ប៊ុនហុក ក្នុងការឆ្លើយតបទៅនឹងបណ្តឹងចុងក្រោយ និយាយថា យោងតាមឯកសារសញ្ជាតិរបស់ក្រសួងមហាផ្ទៃ ពួកគេបានបំពេញតាម ច្បាប់បោះឆ្នោតត្រឹមត្រូវទាំងអស់ហើយ។
លោក ស៊ិក ប៊ុនហុក បាននិយាយថា ដើមបណ្តឹងទាំងអស់ បើមិនទទួលយកសេក្តីសម្រេចរបស់ គជប អាចប្តឹងតវ៉ាបន្តទៅក្រុមប្រឹក្សាធម្មនុញ្ញ ជាចំណាត់ការចុងក្រោយ។ នៅថ្ងៃទី១៨ ខែមករានេះ គជប នឹងពិនិត្យបណ្តឹង ១៦ទៀតផង៕
Tag:
គជប
បោះឆ្នោតឃុំ-សង្កាត់
© រក្សាសិទ្ធិដោយ thmeythmey.com