ជាតិ
ព្រះសង្ឃខ្មែរ៨អង្គ ត្រូវបានអាជ្ញាធរថៃឃាត់ខ្លួន ![](https://image.thmeythmey.com/pictures/2017/01/18/ttn_17082016.jpg)
×![]()
ភ្នំពេញ៖ ព្រះសង្ឃខ្មែរចំនួន៨ អង្គ ត្រូវបានតម្រួតថៃចាប់ផ្សឹក និងបញ្ជូនខ្លួន ទៅកាន់អង្គភាពជំនាញប្រទេសថៃ ដើម្បីចាត់វិធានការតាមច្បាប់ ពាក់ព័ន្ធនឹងករណីលេងល្បែងនៅក្នុងទឹកដីថៃ។
អគ្គស្នងការដ្ឋាននគរបាលជាតិ បានឲ្យដឹងថា ព្រះសង្ឃទាំង៨អង្គនេះ ត្រូវបានអាជ្ញាធរថៃ ឃាត់ខ្លួននៅក្នុងព្រៃមួយកន្លែង ស្របពេលដែលព្រះសង្ឃកំពុងនាំគ្នាលេងល្បែងស៊ីសង (សន្លឹកបៀរ) ដោយយកស្បងចីវរធ្វើជាកម្រាល ។
ក្រោយឃាត់ខ្លួនភ្លាមៗ កំលាំងតម្រួតថៃបាននាំព្រះសង្ឃទាំងនោះ ប្រគល់ឲ្យអង្គភាពធម្មការថៃ (ផ្សឹក) មុននិងបញ្ជូនខ្លួនទៅកាន់តុលាការ ដោយតម្រួតថៃបានចោទប្រកាន់២ចំណុច គឺការឆ្លងដែនចូលទៅប្រទេសថៃដោយខុសច្បាប់ និងការប្រព្រឹត្តល្បែងស៊ីសងខុសច្បាប់ ៕
© រក្សាសិទ្ធិដោយ thmeythmey.com