ជាតិ
×![]()
សៀមរាប៖ ដោយគោរពតាមអនុសាសន៍ពីគណៈកម្មាធិការអាយស៊ីស៊ី-អង្គរ (ICC-Angkor) មុននឹងធ្វើការជួសជុល គឺតម្រូវឲ្យមានកំណាយសាកល្បងមួយ ដើម្បីដឹងពីស្ថានភាពជាក់ស្តែងរបស់ស្ពានបុរាណ។ ក្រុមការងារបានសម្រេចបើករណ្តៅនៅលើស្ពានហាលខាងលិចចំនួន២កន្លែង ដែលជាលទ្ធផលបានបង្ហាញថា ស្ពាននេះធ្លាប់បានជួសជុលចំនួន៤ តាំងពីសាងសង់រួចមក។
គម្រោងជួសជុលស្ពានហាលខាងលិចក្នុងដំណាក់កាលទី២ ដែលជាកិច្ចសហប្រតិបត្តិការរវាងអាជ្ញាធរជាតិអប្សរា និងសាកលវិទ្យាល័យស៊ូហ្វីយ៉ាប្រទេសជប៉ុន កំពុងចាប់ផ្តើមរៀបចំបណ្តើរៗហើយ។ អ្នកជំនាញនឹងយកលទ្ធផលដែលបានពីការធ្វើកំណាយ ដើម្បីដាក់ជជែកនៅក្នុងកិច្ចប្រជុំ ICC-Angkor ដែលគ្រោងធ្វើនៅថ្ងៃទី ២៤-២៥ មករា ខាងមុខនេះ។
លោក អន សុភាព ប្រធានក្រុមការងារជួសជុលស្ពានហាលខាងលិចរបស់អាជ្ញាធរជាតិអប្សរា បានប្រាប់ក្រុមអ្នកសារព័ត៌មាននៅព្រឹកថ្ងៃទី១៨ មករា ឆ្នាំ២០១៧ថា ក្រុមអ្នកបុរាណវិទ្យាបានរកឃើញលទ្ធផលមួយចំនួន ដែលបានពីការធ្វើកំណាយនៅលើស្ពានហាល។ លោកបន្ថែមថា គេបានដឹងពីស្ថានភាពថ្ម ក៏ដូចជាការស្រុតចុះនៃថ្ម និងការខូចខាតជញ្ជាំងថ្មបាយក្រៀម ដែលជាជញ្ជាំងស្ពានហាល។
លោក អន សុភាព បានបន្ថែមទៀតថា ក្នុងលទ្ធផលកំណាយនេះទៀតសោត ក៏បានបង្ហាញថា ស្ពានហាលដែលមានប្រវែងប្រមាណ២០០ម៉ែត្រនេះ ធ្លាប់បានធ្វើការជួសជុល៤ដំណាក់កាលមកហើយ។ ដំណាក់កាលទី១ គឺស្ពាននេះធ្លាប់ជួសជុលក្នុងសម័យក្រោយអង្គរ។ ដំណាក់កាលទី២ ការជួសជុលនៅដើមទសវត្សទី៥០ ដែលជួសជុលដោយបារាំង នៅចំហៀងខាងជើងផ្នែកខាងកើត ដែលការជួសជុលនៅពេលនោះមានការប្រើបេតុងច្រើន។ ដំណាក់កាលទី ៣ ការជួសជុលនៅសម័យបារាំងដែរ នៅពាក់កណ្តាលផ្នែកខាងត្បូង។ និងដំណាក់កាលទី៤ ការជួសជុលពីឆ្នាំ ១៩៩៦ដល់ ២០០៧ ដែលធ្វើឡើងដោយសាកលវិទ្យាល័យស៊ូហ្វីយ៉ា និងអាជ្ញាធរជាតិអប្សរា នៅផ្នែកខាងជើង ក្នុងដំណាក់កាលទី២។
សម្រាប់គម្រោងជួសជុលស្ពានហាលដែលកំពុងធ្វើបច្ចុប្បន្ននេះ ក៏ជាកិច្ចសហការជាមួយសាកលវិទ្យាល័យសូហ្វីយ៉ា ជាមួយអាជ្ញាធរជាតិអប្សរា ដែលជួសជុលផ្នែកខាងជើងក្នុងដំណាក់កាលទី២ មានប្រវែង១០០ម៉ែត្រ។ គម្រោងនេះ គ្រោងនឹងប្រើប្រាស់រយៈពេល៤ទៅ៥ឆ្នាំ រាប់ចាប់ពីថ្ងៃចុះអនុស្សារណៈកាលពីខែឧសភា ឆ្នាំ២០១៦ រវាងអាជ្ញាធរជាតិអប្សរា និងសាកលវិទ្យាល័យសូហ្វីយ៉ា។
លោក អន សុភាព បានលម្អិតពីលទ្ធផលចំនួនទៀត ដែលបានពីការបើករណ្តៅកំណាយស្ពានហាល។ គេសង្កេតឃើញស្ថានភាពស្ពានហាលមានរចនាសម្ព័ន្ធស្មុគស្មាញមួយចំនួន ដូចជា ការជួសជុលនៅក្រោយសម័យអង្គរមិនបានរៀបថ្ម និងពង្រឹងគ្រឹះឲ្យបានត្រឹមត្រូវ ដោយគ្រាន់តែប្រមូលកំទេចកំទីដែលមានស្រាប់ចាក់បំពេញតែប៉ុណ្ណោះ។ ចំណែកជញ្ជាំងថ្មបាយក្រៀមរងការខូចខាតស្ទើរទាំងស្រុង ក្នុងនោះ មានតែស្រទាប់ទី៤ឡើងលើតែប៉ុណ្ណោះដែលនៅរក្សាគុណភាពបានល្អ។
គេមិនទាន់ដឹងថា តើការងារជាក់ស្តែងនៃដំណើរការជួសជុលស្ពានហាលនឹងធ្វើដោយរបៀបណានោះទេ ដោយគេនឹងរង់ចាំមើលការសម្រេចរបស់គណៈកម្មាធិការ ICC-Angkor។ តាមការបញ្ជាក់របស់លោក អន សុភាព អ្នកជំនាញការរបស់ ICC-Angkor គ្រោងចុះមើលការដ្ឋានកំណាយស្ពានហាលនៅថ្ងៃទី២០ មករា ខាងមុខនេះ៕
គម្រោងជួសជុលស្ពានហាលខាងលិចក្នុងដំណាក់កាលទី២ ដែលជាកិច្ចសហប្រតិបត្តិការរវាងអាជ្ញាធរជាតិអប្សរា និងសាកលវិទ្យាល័យស៊ូហ្វីយ៉ាប្រទេសជប៉ុន កំពុងចាប់ផ្តើមរៀបចំបណ្តើរៗហើយ។ អ្នកជំនាញនឹងយកលទ្ធផលដែលបានពីការធ្វើកំណាយ ដើម្បីដាក់ជជែកនៅក្នុងកិច្ចប្រជុំ ICC-Angkor ដែលគ្រោងធ្វើនៅថ្ងៃទី ២៤-២៥ មករា ខាងមុខនេះ។
លោក អន សុភាព ប្រធានក្រុមការងារជួសជុលស្ពានហាលខាងលិចរបស់អាជ្ញាធរជាតិអប្សរា បានប្រាប់ក្រុមអ្នកសារព័ត៌មាននៅព្រឹកថ្ងៃទី១៨ មករា ឆ្នាំ២០១៧ថា ក្រុមអ្នកបុរាណវិទ្យាបានរកឃើញលទ្ធផលមួយចំនួន ដែលបានពីការធ្វើកំណាយនៅលើស្ពានហាល។ លោកបន្ថែមថា គេបានដឹងពីស្ថានភាពថ្ម ក៏ដូចជាការស្រុតចុះនៃថ្ម និងការខូចខាតជញ្ជាំងថ្មបាយក្រៀម ដែលជាជញ្ជាំងស្ពានហាល។
លោក អន សុភាព បានបន្ថែមទៀតថា ក្នុងលទ្ធផលកំណាយនេះទៀតសោត ក៏បានបង្ហាញថា ស្ពានហាលដែលមានប្រវែងប្រមាណ២០០ម៉ែត្រនេះ ធ្លាប់បានធ្វើការជួសជុល៤ដំណាក់កាលមកហើយ។ ដំណាក់កាលទី១ គឺស្ពាននេះធ្លាប់ជួសជុលក្នុងសម័យក្រោយអង្គរ។ ដំណាក់កាលទី២ ការជួសជុលនៅដើមទសវត្សទី៥០ ដែលជួសជុលដោយបារាំង នៅចំហៀងខាងជើងផ្នែកខាងកើត ដែលការជួសជុលនៅពេលនោះមានការប្រើបេតុងច្រើន។ ដំណាក់កាលទី ៣ ការជួសជុលនៅសម័យបារាំងដែរ នៅពាក់កណ្តាលផ្នែកខាងត្បូង។ និងដំណាក់កាលទី៤ ការជួសជុលពីឆ្នាំ ១៩៩៦ដល់ ២០០៧ ដែលធ្វើឡើងដោយសាកលវិទ្យាល័យស៊ូហ្វីយ៉ា និងអាជ្ញាធរជាតិអប្សរា នៅផ្នែកខាងជើង ក្នុងដំណាក់កាលទី២។
សម្រាប់គម្រោងជួសជុលស្ពានហាលដែលកំពុងធ្វើបច្ចុប្បន្ននេះ ក៏ជាកិច្ចសហការជាមួយសាកលវិទ្យាល័យសូហ្វីយ៉ា ជាមួយអាជ្ញាធរជាតិអប្សរា ដែលជួសជុលផ្នែកខាងជើងក្នុងដំណាក់កាលទី២ មានប្រវែង១០០ម៉ែត្រ។ គម្រោងនេះ គ្រោងនឹងប្រើប្រាស់រយៈពេល៤ទៅ៥ឆ្នាំ រាប់ចាប់ពីថ្ងៃចុះអនុស្សារណៈកាលពីខែឧសភា ឆ្នាំ២០១៦ រវាងអាជ្ញាធរជាតិអប្សរា និងសាកលវិទ្យាល័យសូហ្វីយ៉ា។
លោក អន សុភាព បានលម្អិតពីលទ្ធផលចំនួនទៀត ដែលបានពីការបើករណ្តៅកំណាយស្ពានហាល។ គេសង្កេតឃើញស្ថានភាពស្ពានហាលមានរចនាសម្ព័ន្ធស្មុគស្មាញមួយចំនួន ដូចជា ការជួសជុលនៅក្រោយសម័យអង្គរមិនបានរៀបថ្ម និងពង្រឹងគ្រឹះឲ្យបានត្រឹមត្រូវ ដោយគ្រាន់តែប្រមូលកំទេចកំទីដែលមានស្រាប់ចាក់បំពេញតែប៉ុណ្ណោះ។ ចំណែកជញ្ជាំងថ្មបាយក្រៀមរងការខូចខាតស្ទើរទាំងស្រុង ក្នុងនោះ មានតែស្រទាប់ទី៤ឡើងលើតែប៉ុណ្ណោះដែលនៅរក្សាគុណភាពបានល្អ។
គេមិនទាន់ដឹងថា តើការងារជាក់ស្តែងនៃដំណើរការជួសជុលស្ពានហាលនឹងធ្វើដោយរបៀបណានោះទេ ដោយគេនឹងរង់ចាំមើលការសម្រេចរបស់គណៈកម្មាធិការ ICC-Angkor។ តាមការបញ្ជាក់របស់លោក អន សុភាព អ្នកជំនាញការរបស់ ICC-Angkor គ្រោងចុះមើលការដ្ឋានកំណាយស្ពានហាលនៅថ្ងៃទី២០ មករា ខាងមុខនេះ៕
Tag:
ស្ពានហាលអង្គរ
អន សុភាព
ICC-Angkor
© រក្សាសិទ្ធិដោយ thmeythmey.com
