ជាតិ
មេធាវី នឹងប្តឹងជំទាស់ចៅក្រមស៊ើបសួរ ដែលទុករឿងក្តីមន្ត្រីអាដហុកនិងមន្ត្រីគ.ជ.ប ហួសកាលកំណត់
×![]()
ដោយ: ថ្មីៗ
ភ្នំពេញ៖ ចៅក្រមស៊ើបសួរនៃសាលាដំបូងរាជធានីភ្នំពេញ នៅតែបន្តរក្សាទុកសំណុំរឿងមន្ត្រីអាដហុក និងមន្ត្រីគ.ជ.ប ដោយហួសកាលកំណត់។ មេធាវី គ្រោងប្តឹងទៅសាលាឧទ្ធរណ៍ ដើម្បីជំទាស់នឹងចៅក្រមស៊ើបសួរ ដែលមិនព្រមបន្តនីតិវិធី។
មេធាវី គ្រោងដាក់បណ្តឹងទៅកាន់សាលាឧទ្ធរណ៍ ដើម្បីប្រឆាំងនឹងចៅក្រមស៊ើបសួរនៃសាលាដំបូងរាជធានីភ្នំពេញ ដែលរក្សាសំណុំរឿងមន្ត្រីអាដហុក និងមន្ត្រីគ.ជ.ប ដោយមិនដោះស្រាយ។ មេធាវី បញ្ជាក់ថា បណ្តឹងនេះ នឹងធ្វើឡើងនៅសប្តាហ៏ក្រោយ ប្រសិនបើ ចៅក្រមស៊ើបសួរ នៅតែរក្សាភាពស្ងៀមស្ងាត់ចំពោះសំណុំរឿងរបស់មន្ត្រីអាដហុក និង មន្ត្រីគ.ជ.ប។
លោក សំ សុគង់ មេធាវីមួយរូប ដែលការពារក្តីឲ្យអ្នកខាងលើ បាននិយាយ៖«បើមួយសប្តាហ៏ទៀត ចៅក្រមស៊ើបសួរ នៅតែមិនទាន់ដោះស្រាយ យើងនឹងប្តឹងទៅសាលាឧទ្ធរណ៍»។
សំណុំរឿងមន្ត្រីអាដហុក និងមន្ត្រីគ.ជ.ប ត្រូវបានបិទបញ្ចប់ការស៊ើបសួរ តាំងពីដើមខែធ្នូ ឆ្នាំ២០១៦មកម្ល៉េះ។ បន្ទាប់ពីបញ្ចប់នីតិវិធីខាងលើ ចៅក្រមស៊ើបសួរ មានរយៈពេលយ៉ាងយូរ២០ថ្ងៃ ក្នុងការចេញដីកាដំណោះស្រាយ ដោយសម្រេចថា ត្រូវលើកលែងការចោទប្រកាន់លើមន្ត្រីអាដហុក និងមន្ត្រីគ.ជ.ប ហើយដោះលែងពួកគេ ឲ្យមានសេរីភាពឡើងវិញ ឬក៏បញ្ជូនសំណុំរឿងទៅជំនុំជម្រះ។ ទាំងនេះគឺជាលើកឡើងរបស់លោក សំ សុគង់ កន្លងមក។
ដោយសារតែ សំណុំរឿងមន្ត្រីអាដហុក និងមន្ត្រីគ.ជ.ប ត្រូវបានរក្សាទុកដោយហួសកាលកំណត់ មេធាវី ក៏បានដាក់លិខិតទៅកាន់ចៅក្រមស៊ើបសួរម្តងរួចមកហើយ ដើម្បីស្នើឲ្យចេញដីកាដំណោះស្រាយឲ្យបានឆាប់។ ប៉ុន្តែរហូតមកដល់ពេលនេះ ចៅក្រមស៊ើបសួរ នៅតែមិនទាន់ចេញដីកាដំណោះស្រាយនៅឡើយទេ បើទោះបីជាហួសកាលកំណត់ក៏ដោយ។
មិនមែនតែនីតិវិធីទេ ដែលមិនទាន់ដំណើរការ សូម្បីតែគម្រោងនៃការចរចា សុំឲ្យដោះលែងមន្ត្រីអាដហុក និងមន្ត្រីគ.ជ.ប ក៏ជាប់គាំងដែរ។ ក្រោយឯកឧត្តម កឹម សុខា អនុប្រធានគណបក្សសង្គ្រោះជាតិ រួមទាំងលោកមេឃុំ ស៊ាង ចែត ទទួលបានព្រះរាជទានលើកលែងទោស ពីព្រះមហាក្សត្រ សាធារណជនមួយចំនួន ហាក់សង្ឃឹមថា មន្ត្រីអាដហុក និងមន្ត្រីគ.ជ.ប អាចនឹងមានឱកាសបានរួចផុតពីការឃុំឃាំង នៅចុងខែធ្នូ ឆ្នាំ ២០១៦ ផងដែរ។
ប៉ុន្តែក្តីសង្ឃឹមនេះ បានបាត់បង់ទៅវិញ នៅពេលដែលមេដឹកនាំគណបក្សធំៗទាំងពីរមិនបានជួបពិភាក្សាគ្នានោះឡើយ ក្នុងរយៈពេលជាង ១ ខែមកនេះ។ លើសពីនេះ ក្រសួងមហាផ្ទៃ ថែមទាំង ចេញមកបដិសេធ ចំពោះមតិមហាជន ដែលយល់ច្រឡំថា សម្តេច ស ខេង បានសន្យា ថានឹងដោះលែងមន្ត្រីអាដហុក និងមន្ត្រីគ.ជ.ប ថែមទៀត។
សូមបញ្ជាក់ថា រហូតមកដល់ពេលនេះ មន្ត្រីអាដហុកទាំង៤រូប រួមមាន លោក នី សុខា លោក ណៃ វង់ដា លោក យី សុខសាន្ត និងលោកស្រី លឹម មុន្នី ព្រមទាំងអគ្គលេខាធិការរងរបស់គ.ជ.ប លោក នី ចរិយា បានជាប់ពន្ធនាគារ ជាង៨ខែហើយ។ មន្ត្រីអាដហុក ត្រូវបានចោទពីបទ «សូកប៉ាន់សាក្សី» ហើយមន្ត្រីគ.ជ.ប ត្រូវបានចោទពីបទ «សមគំនិតក្នុងអំពើសូកប៉ាន់សាក្សី»។ បើតាមការចោទប្រកាន់របស់តុលាការ អ្នកទាំងប្រាំ សុទ្ធតែជាប់ពាក់ព័ន្ធនឹងរឿងអាស្រូវរបស់កញ្ញា ខុម ចាន់តារ៉ាទី ហៅស្រីមុំ ជាមួយនឹងឯកឧត្តម កឹម សុខា៕
មេធាវី គ្រោងដាក់បណ្តឹងទៅកាន់សាលាឧទ្ធរណ៍ ដើម្បីប្រឆាំងនឹងចៅក្រមស៊ើបសួរនៃសាលាដំបូងរាជធានីភ្នំពេញ ដែលរក្សាសំណុំរឿងមន្ត្រីអាដហុក និងមន្ត្រីគ.ជ.ប ដោយមិនដោះស្រាយ។ មេធាវី បញ្ជាក់ថា បណ្តឹងនេះ នឹងធ្វើឡើងនៅសប្តាហ៏ក្រោយ ប្រសិនបើ ចៅក្រមស៊ើបសួរ នៅតែរក្សាភាពស្ងៀមស្ងាត់ចំពោះសំណុំរឿងរបស់មន្ត្រីអាដហុក និង មន្ត្រីគ.ជ.ប។
លោក សំ សុគង់ មេធាវីមួយរូប ដែលការពារក្តីឲ្យអ្នកខាងលើ បាននិយាយ៖«បើមួយសប្តាហ៏ទៀត ចៅក្រមស៊ើបសួរ នៅតែមិនទាន់ដោះស្រាយ យើងនឹងប្តឹងទៅសាលាឧទ្ធរណ៍»។
សំណុំរឿងមន្ត្រីអាដហុក និងមន្ត្រីគ.ជ.ប ត្រូវបានបិទបញ្ចប់ការស៊ើបសួរ តាំងពីដើមខែធ្នូ ឆ្នាំ២០១៦មកម្ល៉េះ។ បន្ទាប់ពីបញ្ចប់នីតិវិធីខាងលើ ចៅក្រមស៊ើបសួរ មានរយៈពេលយ៉ាងយូរ២០ថ្ងៃ ក្នុងការចេញដីកាដំណោះស្រាយ ដោយសម្រេចថា ត្រូវលើកលែងការចោទប្រកាន់លើមន្ត្រីអាដហុក និងមន្ត្រីគ.ជ.ប ហើយដោះលែងពួកគេ ឲ្យមានសេរីភាពឡើងវិញ ឬក៏បញ្ជូនសំណុំរឿងទៅជំនុំជម្រះ។ ទាំងនេះគឺជាលើកឡើងរបស់លោក សំ សុគង់ កន្លងមក។
ដោយសារតែ សំណុំរឿងមន្ត្រីអាដហុក និងមន្ត្រីគ.ជ.ប ត្រូវបានរក្សាទុកដោយហួសកាលកំណត់ មេធាវី ក៏បានដាក់លិខិតទៅកាន់ចៅក្រមស៊ើបសួរម្តងរួចមកហើយ ដើម្បីស្នើឲ្យចេញដីកាដំណោះស្រាយឲ្យបានឆាប់។ ប៉ុន្តែរហូតមកដល់ពេលនេះ ចៅក្រមស៊ើបសួរ នៅតែមិនទាន់ចេញដីកាដំណោះស្រាយនៅឡើយទេ បើទោះបីជាហួសកាលកំណត់ក៏ដោយ។
មិនមែនតែនីតិវិធីទេ ដែលមិនទាន់ដំណើរការ សូម្បីតែគម្រោងនៃការចរចា សុំឲ្យដោះលែងមន្ត្រីអាដហុក និងមន្ត្រីគ.ជ.ប ក៏ជាប់គាំងដែរ។ ក្រោយឯកឧត្តម កឹម សុខា អនុប្រធានគណបក្សសង្គ្រោះជាតិ រួមទាំងលោកមេឃុំ ស៊ាង ចែត ទទួលបានព្រះរាជទានលើកលែងទោស ពីព្រះមហាក្សត្រ សាធារណជនមួយចំនួន ហាក់សង្ឃឹមថា មន្ត្រីអាដហុក និងមន្ត្រីគ.ជ.ប អាចនឹងមានឱកាសបានរួចផុតពីការឃុំឃាំង នៅចុងខែធ្នូ ឆ្នាំ ២០១៦ ផងដែរ។
ប៉ុន្តែក្តីសង្ឃឹមនេះ បានបាត់បង់ទៅវិញ នៅពេលដែលមេដឹកនាំគណបក្សធំៗទាំងពីរមិនបានជួបពិភាក្សាគ្នានោះឡើយ ក្នុងរយៈពេលជាង ១ ខែមកនេះ។ លើសពីនេះ ក្រសួងមហាផ្ទៃ ថែមទាំង ចេញមកបដិសេធ ចំពោះមតិមហាជន ដែលយល់ច្រឡំថា សម្តេច ស ខេង បានសន្យា ថានឹងដោះលែងមន្ត្រីអាដហុក និងមន្ត្រីគ.ជ.ប ថែមទៀត។
សូមបញ្ជាក់ថា រហូតមកដល់ពេលនេះ មន្ត្រីអាដហុកទាំង៤រូប រួមមាន លោក នី សុខា លោក ណៃ វង់ដា លោក យី សុខសាន្ត និងលោកស្រី លឹម មុន្នី ព្រមទាំងអគ្គលេខាធិការរងរបស់គ.ជ.ប លោក នី ចរិយា បានជាប់ពន្ធនាគារ ជាង៨ខែហើយ។ មន្ត្រីអាដហុក ត្រូវបានចោទពីបទ «សូកប៉ាន់សាក្សី» ហើយមន្ត្រីគ.ជ.ប ត្រូវបានចោទពីបទ «សមគំនិតក្នុងអំពើសូកប៉ាន់សាក្សី»។ បើតាមការចោទប្រកាន់របស់តុលាការ អ្នកទាំងប្រាំ សុទ្ធតែជាប់ពាក់ព័ន្ធនឹងរឿងអាស្រូវរបស់កញ្ញា ខុម ចាន់តារ៉ាទី ហៅស្រីមុំ ជាមួយនឹងឯកឧត្តម កឹម សុខា៕
Tag:
ADHOC
NEC
មេធាវី
តុលាការ
© រក្សាសិទ្ធិដោយ thmeythmey.com
