ជាតិ
អង្គរសង្ក្រាន្ត ស្ថិតក្នុងបញ្ជីកម្មវិធីបែបប្រពៃណីរបស់អាស៊ានដែលលើកកម្ពស់វិស័យទេសចរណ៍
× យុទ្ធនាការលើកកម្ពស់វិស័យទេសចរណ៍ និងទាក់ទាញភ្ញៀវទេសចរឲ្យកាន់តែមកទស្សនានៅក្នុងតំបន់អាស៊ីអាគ្នេយ៍កាន់តែច្រើនតាមរយៈ VisitASEAN@50 ដែលបានលើកយកកម្មវិធីពិសេសៗ រួមទាំងកម្មវិធីបែបប្រពៃណីរបស់អាស៊ានទាំងដប់ដើម្បីផ្សព្វផ្សាយទៅកាន់ពិភពលោក ត្រូវបានដាក់ដំណើរការជាផ្លូវការដោយអាស៊ានហើយ។ អ្វីគួរកត់សម្គាល់នោះ ក្នុងចំណោមកម្មវិធីពិសេសដែលត្រូវបានណែនាំដោយអាស៊ាននោះ ក៏មានកម្មវិធី«អង្គរសង្គ្រាន្ត»ផងដែរ។
អគ្គលេខាធិការអាស៊ាន លោក លី ឡុងមិញ និងលោកនាយករដ្ឋមន្ត្រីសិង្ហបុរី លី សៀនឡុង នៅថ្ងៃទី១៨ មករាកន្លងទៅ បានដាក់ដំណើរការជាផ្លូវការនូវយុទ្ធនាការលើកកម្ពស់ទេសចរណ៍តំបន់អាស៊ាន ដែលមានឈ្មោះថា « VisitASEAN@50»។ តាមរយៈយុទ្ធនាការនេះ ភ្ញៀវទេសចរទាំងក្នុងតំបន់ និងក្រៅតំបន់ អាចទទួលបាននូវព័ត៌មានលម្អិតពីកម្មវិធីពិសេសៗ និងទីកន្លែងដំណើរកម្សាន្តនៅក្នុងប្រទេសអាស៊ានទាំងដប់យ៉ាងសម្បូរបែប។
ការបង្កើតឲ្យមានយុទ្ធនាការ VisitASEAN@50 ក្នុងគោលដៅពីររួមមាន ទីមួយដើម្បីប្រារព្ធខួបនៃការបង្កើតអាស៊ានរយៈពេល៥០ឆ្នាំ និងដើម្បីធ្វើឲ្យតំបន់អាស៊ានក្លាយជាតំបន់ដែលជាទិសដៅទេសចរណ៍តែមួយផង។
VisitASEAN@50 បានលើកយកកម្មវិធីប្រពៃណី និងព្រឹតិ្តការណ៍ធំៗ (Festivals and Events) ចំនួន៥០ និងបទពិសោធន៍ដែលសំដៅលើតំបន់កម្សាន្ត ៥០ ផងដែររបស់ប្រទេសអាស៊ានទាំងដប់ជាមួយនឹងព័ត៌មានលម្អិតដើម្បីឲ្យភ្ញៀវទេសចរអាចដឹងនឹងមកទស្សនាអាស៊ានដោយពុំមានចម្ងល់ និងភាពស្ទាក់ស្ទើរ។
អ្វីគួរកត់សម្គាល់នោះ អង្គរសង្គ្រាន្ត កីស្ថិតនៅក្នុងបញ្ជីកម្មវិធីពិសេសរបស់អាស៊ានតំណាងឲ្យកម្ពុជា ខណៈ ព្រុយណេ មានកម្មវិធី Hari Raya Aidilfitri, ឥណ្ឌូណេស៊ី Cap Go Meh, និង ឡាវ មានកម្មវិធី Boun Pi Mai Lao ជាដើម>
Tag:
អង្គរសង្ក្រាន្ត
អាស៊ាន
© រក្សាសិទ្ធិដោយ thmeythmey.com