គ.ជ.ប រក្សាទុកឈ្មោះអ្នកបោះឆ្នោតជាង ៣០០នាក់ ដដែល

ជាតិ

គ.ជ.ប រក្សាទុកឈ្មោះអ្នកបោះឆ្នោតជាង ៣០០នាក់ ដដែល

23, Jan 2017 , 11:39 pm

រូបភាព

ដោយ:

ភ្នំពេញ៖ ក្រុមប្រឹក្សាជំនុំជម្រះនៃ គ.ជ.ប បានសម្រេចរក្សាទុកឈ្មោះចំនួន ៣៦៨ នាក់ ក្នុងបញ្ជីបោះឆ្នោតដំបូងដដែល នៅពេលសវនាការសង្ខេបដោះស្រាយលើពាក្យបណ្តឹង/សំណុំរឿង ចំនួន ៣០ ចាប់ពីលេខ ១០៩ ដល់ ១៣៨ នៅសាលប្រជុំគ.ជ.ប នៅថ្ងៃទី២០ ខែមករា ឆ្នាំ២០១៧ ។ នេះបើតាមសេចក្តីប្រកាសព័ត៌មានគ.ជ.ប ចេញផ្សាយនៅថ្ងៃទី២៣ ខែមករានេះ។

ពាក្យបណ្តឹងទាំង ៣០ សុទ្ធតែជាបណ្តឹងជំទាស់សុំលុបឈ្មោះអ្នកចុះឈ្មោះបោះឆ្នោតចំនួន សរុប ៣៦៨នាក់ ចេញពីបញ្ជីបោះឆ្នោតដំបូង។ បណ្តឹងទាំងនោះ មកពី រាជធានីភ្នំពេញ ព្រៃវែង កំពង់ធំ កំពង់ស្ពឺ ពោធិ៍សាត់ និងខេត្តស្វាយរៀង ។

គ.ជ.ប រក្សាឈ្មោះទាំងនោះក្នុងបញ្ជីដដែល ដោយសារពួកគេបានបំពញេ លក្ខខណ្ឌគ្រប់គ្រាន់ស្របតាមច្បាប់។ គ.ជ.ប បានចេញសេចក្តីប្រកាសឲ្យដឹងនៅថ្ងៃទី២៣ ខែមករានេះ។

គ.ជ.ប បើកផ្លូវឲ្យដើមបណ្តឹង និងចុងចម្លើយដែលមិនពេញចិត្តនឹងសេចក្តីសម្រេច អាចប្តឹងជំទាស់ទៅក្រុម ប្រឹក្សាធម្មនុញ្ញក្នុងរយៈពេល ៥ថ្ងៃ តាមច្បាប់កំណត់។ ចាប់ពីគ.ជ.ប បើកសវនាការ ពីថ្ងៃទី១៦ ខែមករា មក គ.ជ.ប បានសម្រេចរក្សាឈ្មោះជាង ១០០០នាក់ ដដែលដែលគណបក្សសង្គ្រោះជាតិបានប្តឹង ដោយចោទថា ពួកគេជាជនជាតិវៀតណាម។

សារព័ត៌មានថ្មីៗ ពុំអាចទាក់ទងលោក ហង្ស ពុទ្ធា អ្នកនាំពាក្យ គ.ជ.ប ដើម្បីសុំការលម្អិតអំពីសវនាការ អសាធារណៈដែលក្រុមប្រឹក្សាជំនុំជម្រះនៃ គ.ជ.ប សម្រេចតាំងពីថ្ងៃទី១៩ រហូតមកនោះទេ៕