ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
កម្ពុជាបានជំនួយពីជប៉ុនសម្រាប់ការបោសសម្អាតសំណល់ជាតិផ្ទុះ ការពង្រឹងសហគមន៍ និងសុខភាព
02, Mar 2017 ,
8:19 am
រូបភាព
×
ដោយ:
ភ្នំពេញ៖ រដ្ឋាភិបាលជប៉ុន បានផ្តល់ថវិកាចំនួន ១,៣៨៩,៨៨៨ ដុល្លារអាមេរិក សម្រាប់ការបង្កើនសមត្ថភាពក្រុមបោសសម្អាតកាកសំណល់ជាតិផ្ទុះពីសង្គ្រាមរបស់ CMAC ការពង្រឹងសហគមន៍កសិកម្ម និងការលើកកម្ពស់សុខភាពមាតា និងទារក។
ស្ថានទូតជប៉ុនប្រចាំកម្ពុជា បានចុះហត្ថលេខាផ្តល់ជំនួយនេះដល់អង្គការក្រៅរដ្ឋាភិបាលជប៉ុនចំនួន ៣ រួមមាន អង្គការសកម្មភាពកម្ចាត់មីនជប៉ុន(JMAS)ទទួលថវិកាចំនួន ៥៤២,០៥០ដុល្លារអាមេរិក សម្រាប់គម្រោងបង្កើនសមត្ថភាពក្រុមបោសសម្អាតកាកសំណល់ជាតិផ្ទុះពីសង្គ្រាមរបស់ CMACដំណាក់កាលទី ៣, អង្គការ IVY ទទួលបានថវិកាចំនួន ៣៨១,៤០៧ដុល្លារអាមេរិក សម្រាប់គម្រោងកាត់បន្ថយភាពក្រីក្រ តាមរយៈការពង្រឹងទីផ្សារនៃផលិតផលសរីរាង្គរបស់សហគមន៍កសិកម្មក្នុង ២ខេត្តដំណាក់កាលទី២ និងអង្គការWorld Vision Japan ទទួលថវិកាចំនួន ៤៦៦,៤៣១ដុល្លារអាមេរិកសម្រាប់គម្រោងលើកកម្ពស់សុខភាពមាតា និងទារកក្នុងខេត្តតាកែវដំណាក់កាលទី១ ។
ចំពោះគម្រោងបង្កើនសមត្ថភាពក្រុមបោសសម្អាតកាកសំណល់ជាតិផ្ទុះពីសង្គ្រាមរបស់ CMAC ដំណាក់កាលទី៣ ថ្លែងក្នុងពិធីចុះកិច្ចសន្យាផ្តល់ជំនួយនៅថ្ងៃទី១ ខែមីនានេះ នាស្ថានទូតជប៉ុន លោក ហូរីណូអ៊ុជិ ហ៊ីដេហ៊ីសា ឯកអគ្គរាជទូតជប៉ុនប្រចាំកម្ពុជា បានឲ្យដឹងថា អ្នកជំនាញរបស់អង្គការ JMAS នឹងបន្តសកម្មភាពបណ្តុះបណ្តាលក្នុងតំបន់សល់កាកសំណល់ជាតិផ្ទុះពីសង្គ្រាមបន្ថែមទៀត។
លោកបន្តនិយាយថា គម្រោងនេះ មានគោលបំណងបង្កើនសមត្ថភាពបន្ថែមដល់ក្រុមអន្តរាគមន៍បោសសម្អាតកាកសំណល់ជាតិផ្ទុះពីសង្គ្រាម និងគ្រូបង្រៀនរបស់ CMAC ព្រមទាំងពិនិត្យនូវលទ្ធភាពនៃការផ្ទេរជំនាញផ្នែកបច្ចេកវិជ្ជាចុងក្រោយបំផុត ដូចជា ការប្រើប្រាស់យន្តហោះគ្មានមនុស្សបើក(Drones) ជាដើម។ ជាមួយគ្នា លោកបញ្ជាក់ថា គម្រោងនេះ នឹងជួយប្រជាជនជាង ២សែននាក់រស់នៅក្នុងតំបន់គោលដៅរួចផុតពីការភ័យខ្លាចដោយសំណល់ជាតិផ្ទុះ រួមទាំងកែលម្អបរិស្ថាន និងអភិវឌ្ឍសហគមន៍របស់ពួកគេប្រកបដោយស្ថិរភាព។
ដោយឡែក គម្រោងកាត់បន្ថយភាពក្រីក្រតាមរយៈការពង្រឹងទីផ្សារនៃផលិតផលសរីរាង្គរបស់សហគមន៍កសិកម្មក្នុង ២ខេត្ត នៅដំណាក់កាលទី២វិញ លោកឯកអគ្គរដ្ឋទូតឲ្យដឹងថា អង្គការ IVY នឹងពង្រឹងសមត្ថភាពគ្រប់គ្រងដល់សហគមន៍កសិករ និងសម្ព័ន្ធសហគមន៍កសិករនៅក្នុងខេត្តព្រះវិហារ ព្រមទាំងជួយលើកស្ទួយគុណភាពអង្ករសរីរាង្គ និងបង្កើតប្រព័ន្ធគ្រប់គ្រងផ្ទៃក្នុងមួយ ដើម្បីទទួលបានវិញ្ញាបនប័ត្រអង្ករសរីរាង្គ។ លើសពីនេះទៀត គម្រោង នឹងផ្តោតលើមជ្ឈមណ្ឌលប្រមូលផ្តុំកសិផលស្វាយរៀង(SAC) ដែលត្រូវបានសាងសង់នៅដំណាក់កាលទី១ នៃគម្រោងដែលបានក្លាយជាគំរូឈានមុខមួយដែលអង្គការ IVY នឹងបន្តជួយ SAC ក្នុងការលើកស្ទួយតម្លៃបន្ថែមលើផលិតផលរបស់ខ្លួនប្រកបដោយនិរន្តរភាព ដើម្បីឲ្យ SAC អាចដើរតួនាទីជាគំរូមួយសម្រាប់សហគមន៍កសិកម្មដទៃទៀតកាន់តែជោគជ័យ។
រីឯ គម្រោងលើកកម្ពស់សុខភាពមាតា និងទារកក្នុងខេត្តតាកែវ ដំណាក់កាលទី១វិញ លោក ហូរីណូអ៊ុជិ ហ៊ីដេហ៊ីសា បន្តថ្លែងឲ្យឲ្យដឹងថា អង្គការ World Vision ជប៉ុន នឹងផ្តល់ការបណ្តុះបណ្តាលសម្រាប់បុគ្គលិក និងអ្នកស្ម័គ្រចិត្តសុខាភិបាល និងការអប់រំផ្នែកសុខភាពដល់មាតាក្នុងស្រុកប្រតិបត្តិគិរីវង់និងស្រុកប្រតិបត្តិកោះអណ្តែត ខេត្តតាកែវ។
លោកនិយាយថា គម្រោងនេះ មានគោលបំណងលើកកម្ពស់គុណភាព និងការផ្តល់សេវាសុខភាពប្រជាជន រួមទាំងកាត់បន្ថយអនុបាតកុមារដែលខ្វះអាហារូបត្ថម្ភ និងជម្ងឺនានាដែលឆ្លងតាមទឹកមិនស្អាត ជាដើម ឲ្យកាន់តែល្អប្រសើរ។ គម្រោងនេះ មានបំពាក់សម្ភារៈបរិក្ខារសម្រាប់បន្ទប់ក្រោយសម្រាល និងការកែលម្អបរិក្ខារអនាម័យនៅតាមមណ្ឌលសុខភាព ក្នុងស្រុកប្រតិបត្តិទាំង ២ ។ នេះបើតាមប្រសាសន៍ លោក ហូរីណូអ៊ុជិ ហ៊ីដេហ៊ីសា។
លោក ស៊ីបាតា មិគីអុ ប្រធានតំណាងអង្គការ JMAS លោកស្រី ម៉ាត់ស៊ូអ៊ូរ៉ា អាយូមិ ប្រធានគម្រោងអង្គការ IVY និងលោក ម៉ាត់ស៊ូអុកា តាគូយ៉ា ប្រធានគម្រោងអង្គការ World Vision ជប៉ុន សុទ្ធតែបានអរគុណរដ្ឋាភិបាលជប៉ុនដែលបានផ្តល់ថវិកាដល់ពួកគេ សម្រាប់អនុវត្តគម្រោងនៅកម្ពុជា។
គួរបញ្ជាក់ថា តាមសេចក្តីប្រកាសព័ត៌មានស្ថានទូតជប៉ុន កម្មវិធីជំនួយឥតសំណងសម្រាប់គម្រោងអង្គការក្រៅរដ្ឋាភិបាលជប៉ុន បានអនុវត្តក្នុងប្រទេសកម្ពុជាតាំងពីឆ្នាំ ២០០២ រហូតមក។ កម្មវិធីនេះ មានគោលដៅគាំទ្រដល់សកម្មភាពអង្គការក្រៅរដ្ឋាភិបាលជប៉ុនលើការអភិវឌ្ឍ និងស្ថាបនាប្រទេសកម្ពុជាឡើងវិញនៅតាមកម្រិតមូលដ្ឋាន។ ហើយ ចាប់តាំងពីឆ្នាំ ២០០២ មកបច្ចុប្បន្ន រដ្ឋាភិបាលជប៉ុនបានផ្តល់ថវិកាជាង២៨.៤ លានដុល្លារអាមេរិកសម្រាប់អនុវត្តគម្រោងចំនួន ៩៩ នៅកម្ពុជា ក្នុងនោះ មានវិស័យអប់រំនៅកម្រិតមូលដ្ឋាន វិស័យសុខាភិបាល វិស័យកសិកម្ម និងសកម្មភាពបោសសម្អាតកាកសំណល់ជាតិផ្ទុះពីសង្គ្រាម ជាដើម។
ចំពោះគម្រោងចុះហត្ថលេខាពេលនេះ ស្ថានទូតជប៉ុនបានឲ្យដឹងថា វាជាគម្រោងទី៤ ទី៥ និងទី៦ ក្រោមគ្រោងការណ៍នៃជំនួយឧបត្ថម្ភឥតសំណងសម្រាប់គម្រោងអង្គការក្រៅរដ្ឋាភិបាលជប៉ុននៅកម្ពុជា សម្រាប់ឆ្នាំសារពើពន្ធឆ្នាំ ២០១៦ ចាប់ពីខែមេសា ឆ្នាំ២០១៦ ដល់ខែមីនា ឆ្នាំ២០១៧ របស់ជប៉ុន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ជំនួយ
ហូរីណូអ៊ុជិ ហ៊ីដេហ៊ីសា
គូសាណូណិ
ជប៉ុន
សុខភាព
CMAC
© រក្សាសិទ្ធិដោយ thmeythmey.com
អត្ថបទពេញនិយម
តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?
6 ថ្ងៃ
តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?
3 ថ្ងៃ
«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?
5 ថ្ងៃ
តើពាក្យ «ចរិត, ចរិក, ចរឹត, ចរឹក» មួយណាត្រឹមត្រូវ?
11 ម៉ោង
តើពាក្យ «សូម, សុំ» មានន័យខុសគ្នាយ៉ាងដូចម្តេច?
4 ថ្ងៃ
អត្ថបទពេញនិយមបន្ថែម