លោកស្រី ជា លាង៖ ការស្លាប់របស់ អៀង សារី មិនធ្វើឲ្យប៉ះពាល់សំណុំរឿង០០២ឡើយ

ខ្មែរក្រហម

ជាតិ

លោកស្រី ជា លាង៖ ការស្លាប់របស់ អៀង សារី មិនធ្វើឲ្យប៉ះពាល់សំណុំរឿង០០២ឡើយ

14, Mar 2013 , 4:23 pm

រូបភាព

ដោយ: វិច្ឆិកា

លោកស្រី ជា លាង សហព្រះរាជអាជ្ញាជាតិនៃសាលាក្តីខ្មែរក្រហម បានបញ្ជាក់នៅក្នុងសន្និសីទសារព័ត៌មានអំពីការស្លាប់របស់លោក អៀង សារី ថាបណ្តាលមកពីជំងឺបេះដូង ដោយយោងតាមការអះអាងរបស់គ្រូពេទ្យក្រោយការធ្វើកោសល្យវិច្ច័យប្រមាណជាបួនម៉ោង។

នៅក្នុងសន្និសីទនៅមន្ទីរពេទ្យរុស្ស៊ី ជាកន្លែងដែលលោក អៀង សារី បានស្លាប់កាលពីវេលាម៉ោង៨ និង៤៥នាទី ថ្ងៃទី១៤ ខែមិនា នេះ លោកស្រី ជា លាង បានអះអាងថា ការស្លាប់របស់អតីតមេដឹកនាំជាន់ខ្ពស់ខ្មែរក្រហមរូបនេះ មិនបានធ្វើឲ្យប៉ះពាល់ដល់សំណុំរឿង០០២នោះឡើយ ហើយវាក៏មិនបានធ្វើឲ្យបាត់សំណុំរឿងដែរ ព្រោះវាស្ថិតក្នុងតំណាក់កាលជំនុំជម្រះ មិនមែនជាតំណាក់កាលប្រមូលព័ត៌មាននោះឡើយ។
បើទោះបីជាបណ្តឹងអាជ្ញាត្រូវរលត់ក្តី ប៉ុន្តែការស៊ើបអង្កេតលើករណីនៃការស្លាប់របស់ អៀង សារី ក្នុងអាយុ៨៧ឆ្នាំ នៅតែបន្ត ដោយអំឡុងពី២ ទៅ៣ សប្តាហ៍ខាងមុខ ការិយាល័យសហព្រះរាជអាជ្ញានឹងចេញរបាយការណ៍លម្អិត។

ទាក់ទងនឹងដំណើរការសំណុំរឿង០០២ ត្រូវបានលោកស្រី ជា លាង អះអាងថា នឹងបន្តបោះជំហានទៅមុខជាមួយជនជាប់ចោទពីររូបផ្សេងទៀត គឺ នួន ជា និង ខៀវ សំផន។

កាលពីវេលាម៉ោងជិត៣រសៀល ក្រុមគ្រួសារសពលោក អៀង សារី បានដឹកសពចេញពីមន្ទីរពេទ្យរុស្ស៊ី ដើម្បីយកទៅបូជា នៅម៉ាឡៃ ខេត្តបន្ទាយមានជ័យ ដែលជាអតីតតំបន់តស៊ូចុងក្រោយរបស់ខ្មែរក្រហម។ លោកស្រី អៀង ធីរិទ្ធ ដែលជាភរិយាលោក អៀង សារី មិនត្រូវបានគេប្រាប់ឲ្យដឹងពីមរណភាពរបស់លោក អៀង សារី ទេ។

មានតែកូន ៤ នាក់ និងចៅរបស់លោក អៀង សារី ប៉ុណ្ណោះដែលបានមកជួបជុំនៅក្នុងបន្ទប់មន្ទីរពេទ្យ ពេលដែលគ្រូពេទ្យកំពុងពិនិត្យសាកសពកាលពីព្រឹកមិញ។ ការព្យាយាមលាក់បាំងរឿងនេះពីលោកស្រី អៀង ធីរិទ្ធ គឺដោយខ្លាចជំងឺផ្លូវចិត្តរបស់លោកស្រីរើសឡើង៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

9 ម៉ោង

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម