ខ្មែរក្រហម
ជាតិ
បុគ្គលិកជាតិចូលធ្វើការវិញ ប៉ុន្តែគ្រោងធ្វើកូតកម្មម្តងទៀតនៅថ្ងៃទី១ ខែមេសា
×![]()
បុគ្គលិកជាតិប្រមាណ៣០នាក់ដែលបម្រើការនៅសាលាក្តីខ្មែរក្រហម បានចាប់ផ្តើមចូលធ្វើការវិញហើយនៅថ្ងៃចន្ទ ទី១៨ ខែមីនា ឆ្នាំ២០១៣ នេះ បន្ទាប់ការិយាល័យរដ្ឋបាលបានអះអាងថា ពួកគេនឹងទទួលបានប្រាក់ខែសម្រាប់ខែធ្នូ នាអំឡុងសប្តាហ៍នេះ។
លោក នេត្រ ភត្រា អ្នកនាំពាក្យសាលាក្តីខ្មែរក្រហម បានបញ្ជាក់ប្រាប់គេហទំព័រ «ថ្មីៗ » តាមទូរសព្ទថា បុគ្គលិកជាតិប្រមាណ៣០នាក់ក្នុងចំណោម២៨៧នាក់ បានសម្រេចចិត្តចូលធ្វើការវិញចាប់ពីថ្ងៃទី១៨ រហូតដល់ថ្ងៃទី៣១ ខែមីនា។
លោកបានបន្ថែមថា ពួកគេនឹងបន្តធ្វើកូតកម្មចាប់ពីថ្ងៃទី១ ខែមេសា ទៀត ប្រសិនបើមិនមានការចុះហត្ថលេខាបន្តកិច្ចសន្យារបស់ពួកគេទេនោះ។ លោក ភត្រា បានប្រាប់ឲ្យដឹងថា ចាប់ពីថ្ងៃទី១ ខែមករា មក មិនទាន់មានការចុះហត្ថលេខាណាមួយដើម្បីបន្តកិច្ចសន្យាការងាររបស់បុគ្គលិកជាតិនោះឡើយ។ ចំពោះបញ្ហានេះ លោកអះអាងថា ការិយាល័យរដ្ឋបាលរង់ចាំមើលការសន្យាជាផ្លូវការណាមួយពីម្ចាស់ជំនួយសិន។
លោកបានលើកឡើងថា៖ «ប្រសិនបើគ្មានកិច្ចសន្យាណាមួយពីប្រទេសម្ចាស់ជំនួយទេនោះ ការិយាល័យរដ្ឋបាលក៏មិនអាចបន្តកិច្ចសន្យាឲ្យពួកគេបានដែរ។ បច្ចុប្បន្នយើងកំពុងស្នើឲ្យប្រទេសម្ចាស់ជំនួយពន្លឿនដំណើរការរបស់ខ្លួនដើម្បីជួយដល់ភាគីជាតិនៃសាលាក្តីខ្មែរក្រហម ដើម្បីយើងអាចបន្តកិច្ចសន្យាការងារ»។
ខណៈដែលបុគ្គលិកថ្នាក់ជាតិធ្វើការដោយអត់ប្រាក់ខែអស់រយៈពេលបីខែមកហើយនោះ ភាគីអន្តរជាតិមានប្រាក់ខែរហូតដល់ខែមិថុនា។ សម្រាប់សាច់ប្រាក់ក្នុងខែធ្នូដែលការិយាល័យរដ្ឋបាលទទួលបានដើម្បីបើកឲ្យបុគ្គលិកជាតិនោះ គឺជាថវិកាដែលនៅសេសសល់កាលពីឆ្នាំ២០១២ របស់សហភាពអឺរ៉ុប។ បុគ្គលិកជាតិរំពឹងថានឹងទទួលបានក្នុងអំឡុងសប្តាហ៍នេះ៕
លោក នេត្រ ភត្រា អ្នកនាំពាក្យសាលាក្តីខ្មែរក្រហម បានបញ្ជាក់ប្រាប់គេហទំព័រ «ថ្មីៗ » តាមទូរសព្ទថា បុគ្គលិកជាតិប្រមាណ៣០នាក់ក្នុងចំណោម២៨៧នាក់ បានសម្រេចចិត្តចូលធ្វើការវិញចាប់ពីថ្ងៃទី១៨ រហូតដល់ថ្ងៃទី៣១ ខែមីនា។
លោកបានបន្ថែមថា ពួកគេនឹងបន្តធ្វើកូតកម្មចាប់ពីថ្ងៃទី១ ខែមេសា ទៀត ប្រសិនបើមិនមានការចុះហត្ថលេខាបន្តកិច្ចសន្យារបស់ពួកគេទេនោះ។ លោក ភត្រា បានប្រាប់ឲ្យដឹងថា ចាប់ពីថ្ងៃទី១ ខែមករា មក មិនទាន់មានការចុះហត្ថលេខាណាមួយដើម្បីបន្តកិច្ចសន្យាការងាររបស់បុគ្គលិកជាតិនោះឡើយ។ ចំពោះបញ្ហានេះ លោកអះអាងថា ការិយាល័យរដ្ឋបាលរង់ចាំមើលការសន្យាជាផ្លូវការណាមួយពីម្ចាស់ជំនួយសិន។
លោកបានលើកឡើងថា៖ «ប្រសិនបើគ្មានកិច្ចសន្យាណាមួយពីប្រទេសម្ចាស់ជំនួយទេនោះ ការិយាល័យរដ្ឋបាលក៏មិនអាចបន្តកិច្ចសន្យាឲ្យពួកគេបានដែរ។ បច្ចុប្បន្នយើងកំពុងស្នើឲ្យប្រទេសម្ចាស់ជំនួយពន្លឿនដំណើរការរបស់ខ្លួនដើម្បីជួយដល់ភាគីជាតិនៃសាលាក្តីខ្មែរក្រហម ដើម្បីយើងអាចបន្តកិច្ចសន្យាការងារ»។
ខណៈដែលបុគ្គលិកថ្នាក់ជាតិធ្វើការដោយអត់ប្រាក់ខែអស់រយៈពេលបីខែមកហើយនោះ ភាគីអន្តរជាតិមានប្រាក់ខែរហូតដល់ខែមិថុនា។ សម្រាប់សាច់ប្រាក់ក្នុងខែធ្នូដែលការិយាល័យរដ្ឋបាលទទួលបានដើម្បីបើកឲ្យបុគ្គលិកជាតិនោះ គឺជាថវិកាដែលនៅសេសសល់កាលពីឆ្នាំ២០១២ របស់សហភាពអឺរ៉ុប។ បុគ្គលិកជាតិរំពឹងថានឹងទទួលបានក្នុងអំឡុងសប្តាហ៍នេះ៕
© រក្សាសិទ្ធិដោយ thmeythmey.com
