អត្ថបទពាណិជ្ជកម្ម
អេ អឹម ខេ ចូលរួមលើកកម្ពស់វិស័យកសិកម្មនៅកម្ពុជា“បានទាំងសម្ភារៈកសិកម្ម បានទាំងធានារ៉ាប់រង”
× ភ្នំពេញ៖ គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី បានផ្តល់ផលិតផលកម្ចីសម្រាប់ទិញសម្ភារៈកសិកម្មតាំងពីឆ្នាំ២០១៥មកម្លេះ។ ចាប់តាំងពីពេលនោះមក ផលិតផលមួយនេះត្រូវបានទទួលស្គាល់ និងគាំទ្រជាច្រើនពីសំណាក់បងប្អូនកសិកររបស់យើងទូទាំងប្រទេស។
មានបងប្អូនកសិករជាច្រើនដែលជាអិថិជនរបស់ អេ អឹម ខេ បានលើកឡើងថា កម្ចីសម្រាប់ទិញសម្ភារៈកសិកម្មបានធ្វើឲ្យការប្រកបមុខរបរធ្វើស្រែចម្ការរបស់ពួកគាត់មានការរីកចម្រើនជាងមុន។
បើយោងតាមអ្នកជំនាញកសិកម្មបានលើកឡើងថា ការប្រកបរបរកសិកម្មនៅកម្ពុជាគឺទទួលបានផលតិចជាងប្រទេសជិតខាងដូជា៖ ប្រទេសថៃ ឬវៀតណាមជាដើម ដោយសារតែកសិកររបស់យើងពុំបានប្រើប្រាស់សម្ភារៈកសិកម្មទំនើបៗដូចគេ។
អ្នកជំនាញដដែលបានបន្តទៀតថា កង្វះខាត់ដើមទុនក្នុងការទិញសម្ភារៈកសិកម្មដូចជា៖ គោយន្ត ត្រាក់ទ័រភ្ជួរដី និងសម្ភារៈផ្សេងៗទៀត គឺជាបញ្ហាប្រឈមសម្រាប់បងប្អូនកសិករខ្មែររបស់យើងក្នុងការប្រកបរបរកសិកម្ម។ ដោយមើលឃើញបញ្ហាទាំងនេះ និងដោយសារចង់ចូលរួមលើកកម្ពស់វិស័យកសិកម្មនៅកម្ពុជា អេ អឹម ខេ បានបង្កើតផលិតផលកម្ចីសម្រាប់សម្ភារៈកសិកម្មនេះឡើងក្នុងគោលបំណងដើម្បីឲ្យកសិករទាំងអស់មានទុនគ្រប់គ្រាន់ក្នុងការពង្រីករបរកសិកម្មរបស់គាត់។
លោក យីវ ផាន់ណា នាយកប្រតិបត្តិឥណទានស្តីទី អេ អឹម ខេ បានលើកឡើងថា “តាមបទពិសោធរបស់យើងដែលបានធ្វើការជាមួយប្រជាជនក្រីក្រនៅតាមទីជនបទ យើងមើលឃើញថា ភាគច្រើនលើសលប់នៃអតិថិជន អេ អឹម ខេ ជាអ្នកប្រកបរបរធ្វើស្រែចម្ការ ហើយបញ្ហាប្រឈមរបស់គាត់គឺពុំមានទុនគ្រប់គ្រាន់ដើម្បីទិញសម្ភារៈកសិកម្មមកធ្វើស្រែចម្ការដើម្បីទទួលបានទិន្នផលខ្ពស់”។ លោកបន្តទៀងថា “វាជារឿងសំខាន់ណាស់ក្នុងការទទួលបានកម្ចីសម្រាប់ទិញសម្ភារៈកសិកម្មចំពោះកសិកររបស់យើង ព្រោះវាធ្វើឲ្យគាត់ចំណេញទាំងកម្លាំងពលកម្ម និងពេលវេលា”។
បើតាមលោក ផាន់ណា អតិថិជនអាចខ្ចីប្រាក់រហូតដល់១០០%នៃថ្លៃសម្ភារៈកសិកម្ម ហើយអាចទិញសម្ភារៈកសិកម្មពីហាងណាមួយដែលខ្លួនពេញចិត្ត ជាពិសេសអាចខ្ចីប្រាក់ និងបង់សងត្រឡប់នៅតាមផ្ទះរបស់លោកអ្នក ឬតាមការិយាល័យ អេ អឹម ខេ ឬតាមភា្នក់ងារ អេ អឹម ខេ ក៏បាន។ ចំពោះកម្ចីនេះ អតិថិជនអាចខ្ចី រហូតដល់៣.០០០ដុល្លារអាមេរិក អ្វីដែលពិសេសទៀតនោះ អតិថិជននឹងទទួលបានសេវាធានារ៉ាប់រងខ្នាតតូច លើសុខភាព និងគ្រោះថ្នាក់ ផងដែរ។
© រក្សាសិទ្ធិដោយ thmeythmey.com