កីឡាជាតិ
ជាតិ
ជើងខ្លាំងអុក៨រូបដែលឡើងទៅប្រកួតក្នុងព្រឹត្តិការណ៍អង្គរសង្ក្រាន្តឆ្នាំនេះផ្លាស់ប្តូរបេក្ខភាពថ្មី៣រូប ![](https://image.thmeythmey.com/pictures/2017/04/12/front_credit.jpg)
×![]()
ក្រោយធ្វើការប្រកួតជម្រុះយ៉ាងស្វិតស្វាញអស់រយៈពេល៣ថ្ងៃ គណៈកម្មការរៀបចំការប្រកួតកីឡាអុកចត្រង្គ បានរកឃើញជើងខ្លាំងទាំង៨រូប ដើម្បីឡើងទៅប្រកួតក្នុងព្រឹត្តិការណ៍អង្គរសង្ក្រាន្តឆ្នាំ២០១៧។ កីឡាករទាំង៨ដែលឡើងទៅប្រកួតនៅឆ្នាំនេះ គឺមានការផ្លាស់ប្តូរបេក្ខភាពថ្មីចំនួន៣រូប។
ក្រោយធ្វើការប្រកួតជម្រុះអស់រយៈពេល៣ថ្ងៃចាប់ពីថ្ងៃទី២៧-២៩ ខែមីនា នៅទីស្នាក់ការ NOCC ការប្រកួតកីឡាអុកចត្រង្គជ្រើសរើសជើងឯកប្រចាំព្រឹត្តិការណ៍អង្គរសង្ក្រាន្តបានបញ្ចប់វគ្គជម្រុះដំណាក់កាលទី១។ ហើយបានរកឃើញជើងខ្លាំងទាំង៨រូប ដើម្បីឡើងទៅប្រកួតក្នុងវគ្គជម្រុះដំណាក់កាលទី២ ឬដំណាក់កាលផ្តាច់ប្រចាំព្រឹត្តិការណ៍អង្គរសង្ក្រាន្តឆ្នាំ២០១៧ផងដែរ។ កីឡាករទាំងនេះ នឹងប្រកួតប្រជែងគ្នានាឱកាសបុណ្យចូលឆ្នាំថ្មីប្រពៃណីខ្មែរចន្លោះពីថ្ងៃទី១៤ ដល់ថ្ងៃទី១៦ ខែមេសា នៅលើទឹកដីអង្គរខេត្តសៀមរាប។
កីឡាករទាំង៨រូបនោះរួមមានម្ចាស់ជើងឯកពីរសម័យកាល ឈាវ បូរ៉ា, ម្ចាស់ជើងឯកឆ្នាំ២០១០ ឆយ វីរ៉ា, កីឡាករ ហេង សៅឌី, រស់ រិទ្ធីយ៉ា, ប៊ិន គាសេង, លឹម ផល្លា, ម៉ី កែវនិម្មិត និងកីឡាករ កាំង ហេង។ គួរបញ្ជាក់ថា កីឡាករ លឹម ផល្លា, កាំង ហេង និងកីឡាករ ម៉ី កែវនិម្មិត ជាសមាសភាពថ្មីសម្រាប់ព្រឹត្តិការណ៍អង្គរសង្ក្រាន្តនៅឆ្នាំនេះ។ ប៉ុន្តែក្នុងចំណោមកីឡាករទាំងនេះ មិនមានវត្តមានម្ចាស់ជើងឯកឆ្នាំចាស់ ណូយ សូណា និងម្ចាស់ជើងឯករង សុខ ភារ៉ា នោះទេ៕
![](https://image.thmeythmey.com/pictures/2017/04/12/ouk1.jpg)
Tag:
អុកចត្រង្គ
អង្គរសង្ក្រាន្តឆ្នាំ២០១៧
© រក្សាសិទ្ធិដោយ thmeythmey.com