ខ្មែរក្រហម
ជាតិ
បុគ្គលិកជាតិនៅសាលាក្តីខ្មែរក្រហមទទួលបានប្រាក់បៀរវត្សរ៍ខែធ្នូហើយ ![](https://image.thmeythmey.com/pictures/2013/03/21/06_44.jpg)
×![]()
តាមអ្វីដែលជាការសន្យា អ្នកនាំពាក្យសាលាក្តីខ្មែរក្រហម លោក នេត្រ ភត្រា បានបញ្ជាក់ថា បុគ្គលិកជាតិសរុប ២៨៧ រូប នៅសាលាក្តីខ្មែរក្រហម ទទួលបានប្រាក់ខែ សម្រាប់ខែធ្នូ ឆ្នាំ២០១២ របស់ខ្លួនហើយកាលពីរសៀលថ្ងៃទី២១ ខែមីនា ឆ្នាំ២០១៣ នេះ។
សម្រាប់សាច់ប្រាក់ក្នុងខែធ្នូដែលការិយាល័យរដ្ឋបាលទទួលបានដើម្បីបើកឲ្យបុគ្គលិកជាតិនោះ គឺជាថវិកាដែលនៅសេសសល់កាលពីឆ្នាំ២០១២ របស់សហភាពអឺរ៉ុបក្នុងរង្វង់៣០ម៉ឺនដុល្លារអាមេរិក។
ទោះបីជាយ៉ាងណាក៏ បុគ្គលិកជាតិនៅសាលាក្តីខ្មែរក្រហមត្រូវរង់ចាំប្រាក់សម្រាប់ខែមករា និងខែកុម្ភៈ ជាបន្តទៀត ហើយនៅថ្ងៃទី១ ខែមេសាឆ្នាំ២០១៣ ពួកគេមួយចំនួនមានគម្រោងធ្វើកូតកម្មជាបន្តទៀត ប្រសិនបើកិច្ចសន្យាការងារថ្មីរបស់ពួកគេមិនត្រូវបានចុះហត្ថលេខាបន្តទេនោះ។
បុគ្គលិកជាតិនៃសាលាក្តីខ្មែរក្រហម មានផ្នែកបកប្រែភាសា ផ្នែកប្រតិចារិក និងអ្នកកត់ត្រា សរុបចំនួន ៣៤នាក់ បានធ្វើពហិកា បាននាំគ្នាធ្វើពហិការមិនចូលធ្វើការចាប់តាំងពីដើមខែមីនា មក ប៉ុន្តែពួកគេបានសម្រេចចិត្តចូលធ្វើការវិញកាលពីថ្ងៃទី១៨ ខែមីនា ឆ្នាំ២០១៣ ដោយសារមានការសន្យាថា ប្រាក់ខែ សម្រាប់ខែធ្នូរបស់ពួកគេត្រូវបើកក្នុងអំឡុងសប្តាហ៍នេះ៕
© រក្សាសិទ្ធិដោយ thmeythmey.com