ឌូទើតេ៖«ខ្ញុំនឹងចេញពីតំណែងភ្លាម បើកូនប្រុសខ្ញុំជាប់ពាក់ព័ន្ធរឿងពុករលួយមែន»

អន្តរជាតិ

ឌូទើតេ៖«ខ្ញុំនឹងចេញពីតំណែងភ្លាម បើកូនប្រុសខ្ញុំជាប់ពាក់ព័ន្ធរឿងពុករលួយមែន»

13, Aug 2017 , 1:39 pm

រូបភាព

ដោយ: ថ្មីៗ

ប្រធានាធិបតីហ្វីលីពីនបានបញ្ជាក់ម្តងហើយម្តងទៀតថា ក្នុងករណីដែលកូនប្រុសលោកជាប់ពាក់ព័ន្ធអំពើពុករលួយមែន លោកនឹងចាកចេញពីតំណែងដោយគ្មានស្តាយស្រណោះ។ លោករង់ចាំមើលអ្នករិះគន់ និងចោទប្រកាន់ក្រុមគ្រួសារលោកយកភស្តុតាងមកបង្ហាញដើម្បីជម្រះមន្ទិលសង្ស័យទាំងអស់គ្នា។

«បើកូនប្រុសខ្ញុំពិតជាមានពាក់ព័ន្ធអំពើពុករលួយមែន អ្នកត្រូវរៀបចំភស្តុតាងនិងឯកសារពាក់ព័ន្ធឲ្យបានត្រឹមត្រូវ។ គ្រាន់តែបង្ហាញភស្តុតាងទាំងនោះ ខ្ញុំនឹងចុះចេញពីតំណែងប្រធានាធិបតីភ្លាម។ នេះជាការប្តេជ្ញាចិត្តរបស់ខ្ញុំចំពោះអ្នកទាំងអស់គ្នា។ វាជាសម្តីរបស់ខ្ញុំផ្ទាល់»។ នេះជាការលើកឡើងរបស់ប្រធានាធិបតី រ៉ូឌ្រីហ្គោ ឌូទើតេ ផ្តាំទៅកាន់អ្នករិះគន់លោកនៅថ្ងៃសុក្រទី ១១ សីហា។

យោងតាមសារព័ត៌មានហ្វីលីពីន Inquirer ប្រធានាធិបតីរូបនេះបានបន្តនិយាយពីការចុះចេញពីតំណែងជាញឹកញាប់កន្លងមក ហើយលោកប្តេជ្ញាចិត្តគោរពពាក្យសម្តីរបស់ខ្លួនបើសិនជាអ្នករិះគន់លោកអាចបញ្ជាក់បានថាក្រុមគ្រួសារលោកពិតជាមានពាក់ព័ន្ធរឿងពុករលួយមែននោះ។

លោក ឌូទើតេ ក៏បញ្ជាក់ជាថ្មីរឿងចុះចេញពីតំណែងនេះក៏ដោយដើម្បីឆ្លើយតបនឹងសម្តីបុគ្គលិកក្រុមហ៊ុនទិញលក់ភាគហ៊ុនមួយដែលបានអះអាងក្នុងពេលបំភ្លឺចំពោះគណៈកម្មការសភាហ្វីលីពីន ក្នុងករណីស៊ើបអង្កេតពាក់ព័ន្ធការសូកប៉ាន់សម្រួលឯកសារកាលពីសប្តាហ៍មុន។

ក្នុងការស៊ើបអង្កេតករណីនាំចូលគ្រឿងញៀនពីចិនមានតម្លៃ ៦,៧ពានលានប៉ឺសូនេះ បុគ្គលិខក្រុមហ៊ុនជួញដូរភាគហ៊ុន Mark Taguba បានអះអាងថាប្រាប់គណៈកម្មការសភាថា ខ្លួនបានបង់លុយឲ្យមន្ត្រីការិយាល័យពន្ធដារដើម្បីជួយសម្រួលឯកសារដឹកជញ្ជូន។ ជននេះបានក្រុមមន្ត្រីទាំងនោះជាផ្នែកមួយនៃក្រុមមន្ត្រីជាន់ខ្ពស់ក្រុង Davao ក្នុងនោះមានអភិបាលរងក្រុងផង។

គេដឹងច្បាស់ថា កូនប្រុសលោក ឌូតើទេ លោក Paolo Dutete ក៏កំពុងកាន់តំណែងជាអភិបាលរងក្រុងផងដែរ។ ប៉ុន្តែពេលសមាជិកសភាស្នើឲ្យលោក Mark Taguba ទម្លាយឈ្មោះអភិបាលរងក្រុងនោះ គេមិនបាននិយាយឈ្មោះលោក Paolo ឡើយ ហើយថែមទាំងបញ្ជាក់ថា គេមិនដែរជួបជាមួយអភិបាលរងក្រុងម្នាក់នោះដែរកន្លងមក៕