អន្តរជាតិ
កេនយ៉ាៈបក្សប្រឆាំងបន្តបាតុកម្មឡាំប៉ាបដិសេធលទ្ធផលបោះឆ្នោត ខណៈអ្នកស្លាប់កើនដល់១១នាក់
×![]()
ដោយ: ថ្មីៗ
ក្រោយប្រកាសលទ្ធផលជាផ្លូវការថាប្រធានាធិបតីផុតអាណត្តិជាអ្នកឈ្នះឆ្នោតនោះ បេក្ខជនបក្សប្រឆាំង និងអ្នកគាំទ្រក៏ប្រកាសដូចគ្នាថាខ្លួននឹងបន្តបាតុកម្មបដិសេធលទ្ធផល។ ចលនាបាតុកម្មនេះបានបង្កឲ្យមានការប្រឈមមុខដាក់គ្នានិង អំពើហិង្សាផង។ មនុស្សប្រហែល ១១នាក់ហើយបានស្លាប់បាត់បង់ជីវិតដោយសារចលនាបាតុកម្មបដិសេធលទ្ធផលបោះឆ្នោតនេះ។
ក្រុមអ្នកគាំទ្រេបេក្ខជនប្រធានាធិបតីបក្សប្រឆាំងលោក Raila Odinga បានចេញមុខប្រកាសថ្ងៃសៅរ៍ទី ១២ សីហាថា ពួកគេមិនបោះបង់ការទាមទារឲ្យមានការបដិសេធចោលលទ្ធផលបោះឆ្នោតឡើយ។ ពួកគេនៅបន្តបាតុកម្ម ទោះបីជាចលនានេះបានបង្កឲ្យមានអំពើហិង្សា រហូតឆក់យកជីវិតមនុស្សប្រហែល ១១នាក់ហើយក្តី។
យោងតាមទីភ្នាក់ងារព័ត៌មាន AFP ចលនាបាតុកម្មកើនឡើងកាន់តែខ្លាំងក្រោយគណៈកម្មការរៀបចំការបោះឆ្នោតកេនយ៉ាប្រកាសលទ្ធផលជាផ្លូវដោយប្រធានាធិបតីជិតផុតអាណត្តិលោក Uhuru Kenyatta ឈ្នះឆ្នោតនៅថ្ងៃសុក្រ។ បាតុកម្មនេះកើតឡើងខ្លាំងតែនៅតំបន់ដែលក្រុមអ្នកគាំទ្របក្សប្រឆាំងច្រើនស្ថិតនៅប៉ុណ្ណោះ។
គេឃើញបាតុកររាប់រយនាក់ប្រមូលផ្តុំគ្នានៅថ្ងៃសៅរ៍ ហើយការប្រើប្រាស់អំពើហិង្សាក៏ផ្ទុះឡើងពេលប៉ូលិសព្យាយាមនាំគ្នាបំបែកចលនាបាតុកម្មនេះព្រោះស្ថានភាពហាក់លែងមានច្បាប់មានទម្លាប់ទៅហើយ។ ប៉ុន្តែអ្វីដែលគួរឲ្យបារម្ភនោះមនុស្ស ប្រហែល១១នាក់រួចទៅហើយដែលបានស្លាប់ដោយសារអំពើហិង្សានិងការប្រឈមមុខគ្នារវាងបាតុករ និងប៉ូលិសនេះ។
ពាក់ព័ន្ធបញ្ហានេះរដ្ឋមន្ត្រីក្រសួងមហាផ្ទៃកេនយ៉ា Fred Matiangi បានចាត់ទុកចលនាបាតុកម្មហិង្សានេះថាជាសកម្មភាពឧក្រិដ្ឋថែមទៀត។
ទោះបីក្រុមអ្នកគាំទ្របេក្ខជនបក្សប្រឆាំងនាំគ្នាបន្តធ្វើបាតុកម្មទាត់ចោលលទ្ធផលបោះឆ្នោតក៏ដោយ មេដឹកនាំបក្សប្រឆាំងនិងជាបេក្ខជនប្រធានាធិបតីលោក Raila Odinga មិនទាន់ចេញមុខថ្លែងសុន្ទរកថាឬជួបអ្នកគាំទ្រឡើយ ក្រោយចាញ់ឆ្នោត។ បេក្ខជនដែលចាញ់ឆ្នោតបួនលើករាប់ទាំងឆ្នាំ ២០១៧ រូបនេះគ្រាន់តែបដិសេធលទ្ធផលបោះឆ្នោត និងអះអាងថា ត្រូវគេបន្លំទប់ស្កាត់លោកកុំឲ្យឈ្នះឆ្នោតប៉ុណ្ណោះ។
យ៉ាងណាក៏ដោយចុះ វាមិនមែនជារឿងចម្លែកទេសម្រាប់កេនយ៉ាដែលត្រូវប្រឈមចលនាបាតុកម្មហិង្សា និងមានប្រទាំងប្រទើសនិងប៉ះទង្គិចគ្នារហូតដល់មានមនុស្សស្លាប់ច្រើនក្រោយបោះឆ្នោតបែបនេះនោះ។ វាក៏ដោយសារនៅកេនយ៉ាមានការបែកខ្ញែកគ្នាផ្នែកនយោបាយផង និងជាតិពន្ធុផង។ អំពើហិង្សាក្រោយបោះឆ្នោតដែលធ្ងន់ធ្ងរជាងគេគឺឆ្នាំ ២០០៧ ដោយកាលនោះការប៉ះទង្គិចគ្នាបានឆកយកជីវិតមនុស្ស ១១០០នាក់ ហើយនិងធ្វើឲ្យប្រជាពលរដ្ឋជាង ៦សែនអ្នកផ្សេងទៀតបាត់បង់ជម្រកផង៕
ក្រុមអ្នកគាំទ្រេបេក្ខជនប្រធានាធិបតីបក្សប្រឆាំងលោក Raila Odinga បានចេញមុខប្រកាសថ្ងៃសៅរ៍ទី ១២ សីហាថា ពួកគេមិនបោះបង់ការទាមទារឲ្យមានការបដិសេធចោលលទ្ធផលបោះឆ្នោតឡើយ។ ពួកគេនៅបន្តបាតុកម្ម ទោះបីជាចលនានេះបានបង្កឲ្យមានអំពើហិង្សា រហូតឆក់យកជីវិតមនុស្សប្រហែល ១១នាក់ហើយក្តី។
យោងតាមទីភ្នាក់ងារព័ត៌មាន AFP ចលនាបាតុកម្មកើនឡើងកាន់តែខ្លាំងក្រោយគណៈកម្មការរៀបចំការបោះឆ្នោតកេនយ៉ាប្រកាសលទ្ធផលជាផ្លូវដោយប្រធានាធិបតីជិតផុតអាណត្តិលោក Uhuru Kenyatta ឈ្នះឆ្នោតនៅថ្ងៃសុក្រ។ បាតុកម្មនេះកើតឡើងខ្លាំងតែនៅតំបន់ដែលក្រុមអ្នកគាំទ្របក្សប្រឆាំងច្រើនស្ថិតនៅប៉ុណ្ណោះ។
គេឃើញបាតុកររាប់រយនាក់ប្រមូលផ្តុំគ្នានៅថ្ងៃសៅរ៍ ហើយការប្រើប្រាស់អំពើហិង្សាក៏ផ្ទុះឡើងពេលប៉ូលិសព្យាយាមនាំគ្នាបំបែកចលនាបាតុកម្មនេះព្រោះស្ថានភាពហាក់លែងមានច្បាប់មានទម្លាប់ទៅហើយ។ ប៉ុន្តែអ្វីដែលគួរឲ្យបារម្ភនោះមនុស្ស ប្រហែល១១នាក់រួចទៅហើយដែលបានស្លាប់ដោយសារអំពើហិង្សានិងការប្រឈមមុខគ្នារវាងបាតុករ និងប៉ូលិសនេះ។
ពាក់ព័ន្ធបញ្ហានេះរដ្ឋមន្ត្រីក្រសួងមហាផ្ទៃកេនយ៉ា Fred Matiangi បានចាត់ទុកចលនាបាតុកម្មហិង្សានេះថាជាសកម្មភាពឧក្រិដ្ឋថែមទៀត។
ទោះបីក្រុមអ្នកគាំទ្របេក្ខជនបក្សប្រឆាំងនាំគ្នាបន្តធ្វើបាតុកម្មទាត់ចោលលទ្ធផលបោះឆ្នោតក៏ដោយ មេដឹកនាំបក្សប្រឆាំងនិងជាបេក្ខជនប្រធានាធិបតីលោក Raila Odinga មិនទាន់ចេញមុខថ្លែងសុន្ទរកថាឬជួបអ្នកគាំទ្រឡើយ ក្រោយចាញ់ឆ្នោត។ បេក្ខជនដែលចាញ់ឆ្នោតបួនលើករាប់ទាំងឆ្នាំ ២០១៧ រូបនេះគ្រាន់តែបដិសេធលទ្ធផលបោះឆ្នោត និងអះអាងថា ត្រូវគេបន្លំទប់ស្កាត់លោកកុំឲ្យឈ្នះឆ្នោតប៉ុណ្ណោះ។
យ៉ាងណាក៏ដោយចុះ វាមិនមែនជារឿងចម្លែកទេសម្រាប់កេនយ៉ាដែលត្រូវប្រឈមចលនាបាតុកម្មហិង្សា និងមានប្រទាំងប្រទើសនិងប៉ះទង្គិចគ្នារហូតដល់មានមនុស្សស្លាប់ច្រើនក្រោយបោះឆ្នោតបែបនេះនោះ។ វាក៏ដោយសារនៅកេនយ៉ាមានការបែកខ្ញែកគ្នាផ្នែកនយោបាយផង និងជាតិពន្ធុផង។ អំពើហិង្សាក្រោយបោះឆ្នោតដែលធ្ងន់ធ្ងរជាងគេគឺឆ្នាំ ២០០៧ ដោយកាលនោះការប៉ះទង្គិចគ្នាបានឆកយកជីវិតមនុស្ស ១១០០នាក់ ហើយនិងធ្វើឲ្យប្រជាពលរដ្ឋជាង ៦សែនអ្នកផ្សេងទៀតបាត់បង់ជម្រកផង៕
Tag:
កេនយ៉ា
Uhuru Kenyatta
Raila Odinga
© រក្សាសិទ្ធិដោយ thmeythmey.com
