ជាតិ
លោក ឃួង ស្រេង ប្រាប់ឲ្យពលរដ្ឋដែលបាត់ម៉ូតូ ទៅផ្ទៀងផ្ទាត់ម៉ូតូ នៅស្នងការនគរបាលរាជធានីភ្នំពេញ
× អភិបាលរាជធានីភ្នំពេញ លោក ឃួង ស្រេង ប្រាប់ឲ្យប្រជាពលរដ្ឋ ដែលបានបាត់ម៉ូតូ យកឯកសារគតិយុត្តិ ទៅផ្ទៀងផ្ទាត់ម៉ូតូ នៅស្នងការដ្ឋាននគរបាលរាជធានីភ្នំពេញ។ ការលើកឡើងរបស់លោក ឃួង ស្រេង នេះធ្វើឡើងក្រោយពីអាជ្ញាធរបានរឹបអូសម៉ូតូជិត១០០គ្រឿង ពីកន្លែងបញ្ចាំម៉ូតូខុសច្បាប់ ក្នុងខណ្ឌសែនសុខ និងខណ្ឌទួលគោក កាលពីថ្ងៃទី១៦ សីហា។
សូមស្ដាប់សំឡេងលោក ឃួង ស្រេង ៖
ជាមួយគ្នានេះរដ្ឋបាលរាជធានីភ្នំពេញ និងស្នងការដ្ឋាននគរបាលរាជធានីភ្នំពេញ ក៏បានផ្សព្វផ្សាយលើហ្វេសប៊ុកផ្លូវការខ្លួន អំពីអត្តសញ្ញាណរថយន្ត និងទោចក្រយានយន្ត ដែលរឹបអូសបានទាំងអស់ឲ្យប្រជាពលរដ្ឋបានដឹងផងដែរ ដើម្បីផ្តល់លទ្ធភាពឲ្យប្រជាពលរដ្ឋ ឬជនរងគ្រោះដែលបានបាត់បង់ដោយប្រការណាមួយ អាចទទួលយកទ្រព្យសម្បត្តិខ្លួនវិញ។
ចាប់តាំងពីឡើងកាន់តំណែងអភិបាលរាជធានីភ្នំពេញ លោក ឃួង ស្រេង បានចាប់ផ្ដើមយុទ្ធនាការរំដោះចិញ្ចើមផ្លូវសាធារណៈ លុបបំបាត់ល្បែងភ្នាល់តាមប្រព័ន្ធអ៊ីនធឺណេត និងការបញ្ចាំនេះជាដើម ដើម្បីថែរក្សាសន្តិសុខ សណ្ដាប់ធ្នាប់សាធារណៈសង្គម៕
© រក្សាសិទ្ធិដោយ thmeythmey.com