អន្តរជាតិ
×![]()
ដោយ: តន ចាន់រិទ្ធារ៉ា
កូរ៉េខាងជើងបានបង្កើនល្បឿនអភិវឌ្ឍនុយក្លេអ៊ែរ និងមីស៊ីលរបស់ខ្លួនយ៉ាងឆាប់រហ័ស ដោយមិនខ្វល់ការដាក់ទណ្ឌកម្មរបស់អន្តរជាតិ និងក៏ការព្រមានធ្វើសង្គ្រាមពីសំណាក់អាមេរិកឡើយ។ មេដឹកនាំកំពូលកូរ៉េខាងជើង គីម ជុងអ៊ុន និយាយថា គោលដៅចុងក្រោយរបស់កូរ៉េខាងជើង គឺការពង្រឹងសមត្ថភាពយោធាឲ្យស្មើអាមេរិក ដែលនេះជាផ្លូវតែមួយគត់ក្នុងការការពារខ្លួនពីការវាយប្រហាររបស់អាមេរិកបាន។
ទន្ទឹមនឹងការថ្កោលទោស រិះគន់ និងទណ្ឌកម្មរបស់អន្តរជាតិ កូរ៉េខាងជើងបានបាញ់មីស៊ីលជាង១០ដងហើយក្នុងឆ្នាំ២០១៧ និងទើបតែសាកល្បងគ្រាប់បែកអ៊ីដ្រូសែនកាលពីដើមខែកញ្ញានេះដែរ។ ការប្រឹងប្រែងអភិវឌ្ឍសព្វាវុធឥតឈប់ឈរនេះ ត្រូវបានមេដឹកនាំកំពូល គីម ជុងអ៊ុន អះអាងថា ជាគោលដៅក្នុងការបង្កើនឥទ្ធិពលកម្លាំងទ័ពឲ្យស្មើកម្លាំងទ័ពរបស់អាមេរិក ហើយជាយុទ្ធសាស្ត្រការពារខ្លួនផងដែរ។
បើតាមសារព័ត៌មាន RT មេដឹកនាំកូរ៉េខាងជើងនិយាយដូចនេះក្នុងកិច្ចប្រជុំជាមួយមន្ត្រីការពារជាតិសំខាន់ៗ អំឡុងពេលការបាញ់មីស៊ីលចម្ងាយមធ្យមដែលបានហោះរំលងជប៉ុន។ ក្នុងកិច្ចប្រជុំនៅថ្ងៃទី១៥ ខែកញ្ញា លោក គីម ជុងអ៊ុន បញ្ជាក់ថា៖ «គោលដៅចុងក្រោយរបស់យើង គឺការកសាងលំនឹងយោធាពិតប្រាកដជាមួយអាមេរិក និងធ្វើយ៉ាងណាឲ្យមេដឹកនាំអាមេរិកមិនហ៊ាននិយាយពីជម្រើសយោធាក្នុងការដោះស្រាយបញ្ហា»។
មេដឹកនាំវ័យក្មេងរូបនេះ ក៏បានលើកឡើងពីភាពចាំបាច់ក្នុងការបង្កើនល្បឿនពង្រឹងសមត្ថភាពប្រយុទ្ធរបស់កងទ័ពឲ្យដល់កម្រិតដែលអាមេរិកមិនអាចតដៃបាន។ លោក គីម ជុងអ៊ុន សង្កត់ធ្ងន់ថា កូរ៉េខាងជើងត្រូវបង្ហាញអ្នកស្នេហាជាតិជ្រុលនៃមហាអំណាចទាំងនោះពីវិធីសាស្ត្រដែលកូរ៉េខាងជើងផលិតនុយក្លេអ៊ែរបាន ទោះជាប្រទេសទាំងនោះដាក់ទណ្ឌកម្ម និងការបិទដង្ហើមកូរ៉េខាងជើងឥតឈប់ឈរក៏ដោយចុះ។
ដោយសារតែទង្វើគឃ្លើនម្ដងហើយម្ដងទៀតរបស់ក្រុងព្យុងយ៉ាង ក្រុងវ៉ាស៊ីនតោនបានគំរាមជាច្រើនលើកច្រើនសារហើយ ជាពិសេសថែមទាំងប្រកាសជម្រើសយោធានៅតែជាមធ្យោបាយមួយក្នុងការបញ្ចប់វិបត្តិឧបទ្វីបកូរ៉េ។ ទីប្រឹក្សាសន្តិសុខជាតិអាមេរិក H.R. McMaster បានព្រមានអ្នកដែលគិតថាជម្រើសយោធាមិនស្ថិតលើតុនោះ ដោយលោកបាននិយាយថា ជម្រើសយោធាមិនមែនជាអ្វីដែលអាមេរិកចង់បានទេ តែអាមេរិកអស់ផ្លូវទៅហើយ។
យ៉ាងណាមិញ កូរ៉េខាងជើងមិនដែលស្ដាប់ពាក្យព្រមានរបស់នរណា ហើយរឹតតែបន្តធ្វើសកម្មភាពផ្គើនដដែល។ ក្នុងរយៈពេលមិនដល់មួយខែផងនោះ កូរ៉េខាងជើងបានបាញ់មីស៊ីលរំលងជប៉ុនដល់ទៅពីរដង ដែលនាំឲ្យនាយករដ្ឋមន្ត្រីជប៉ុន ស៊ីនហ្សូ អាបេ ចេញមុខប្រកាសថា ជប៉ុនលែងអត់ទ្រាំទង្វើច្រំដែលរបស់កូរ៉េខាងជើងទៀតហើយ។ ឯក្រុមប្រឹក្សាសន្តិសុខវិញក៏ថ្កោលទោសខ្លាំងៗ និងចាត់ទុកការបាញ់មីស៊ីលនេះជាសកម្មភាពបង្ករឿងធ្ងន់ធ្ងរទៀតផង៕
ទន្ទឹមនឹងការថ្កោលទោស រិះគន់ និងទណ្ឌកម្មរបស់អន្តរជាតិ កូរ៉េខាងជើងបានបាញ់មីស៊ីលជាង១០ដងហើយក្នុងឆ្នាំ២០១៧ និងទើបតែសាកល្បងគ្រាប់បែកអ៊ីដ្រូសែនកាលពីដើមខែកញ្ញានេះដែរ។ ការប្រឹងប្រែងអភិវឌ្ឍសព្វាវុធឥតឈប់ឈរនេះ ត្រូវបានមេដឹកនាំកំពូល គីម ជុងអ៊ុន អះអាងថា ជាគោលដៅក្នុងការបង្កើនឥទ្ធិពលកម្លាំងទ័ពឲ្យស្មើកម្លាំងទ័ពរបស់អាមេរិក ហើយជាយុទ្ធសាស្ត្រការពារខ្លួនផងដែរ។
បើតាមសារព័ត៌មាន RT មេដឹកនាំកូរ៉េខាងជើងនិយាយដូចនេះក្នុងកិច្ចប្រជុំជាមួយមន្ត្រីការពារជាតិសំខាន់ៗ អំឡុងពេលការបាញ់មីស៊ីលចម្ងាយមធ្យមដែលបានហោះរំលងជប៉ុន។ ក្នុងកិច្ចប្រជុំនៅថ្ងៃទី១៥ ខែកញ្ញា លោក គីម ជុងអ៊ុន បញ្ជាក់ថា៖ «គោលដៅចុងក្រោយរបស់យើង គឺការកសាងលំនឹងយោធាពិតប្រាកដជាមួយអាមេរិក និងធ្វើយ៉ាងណាឲ្យមេដឹកនាំអាមេរិកមិនហ៊ាននិយាយពីជម្រើសយោធាក្នុងការដោះស្រាយបញ្ហា»។
មេដឹកនាំវ័យក្មេងរូបនេះ ក៏បានលើកឡើងពីភាពចាំបាច់ក្នុងការបង្កើនល្បឿនពង្រឹងសមត្ថភាពប្រយុទ្ធរបស់កងទ័ពឲ្យដល់កម្រិតដែលអាមេរិកមិនអាចតដៃបាន។ លោក គីម ជុងអ៊ុន សង្កត់ធ្ងន់ថា កូរ៉េខាងជើងត្រូវបង្ហាញអ្នកស្នេហាជាតិជ្រុលនៃមហាអំណាចទាំងនោះពីវិធីសាស្ត្រដែលកូរ៉េខាងជើងផលិតនុយក្លេអ៊ែរបាន ទោះជាប្រទេសទាំងនោះដាក់ទណ្ឌកម្ម និងការបិទដង្ហើមកូរ៉េខាងជើងឥតឈប់ឈរក៏ដោយចុះ។
ដោយសារតែទង្វើគឃ្លើនម្ដងហើយម្ដងទៀតរបស់ក្រុងព្យុងយ៉ាង ក្រុងវ៉ាស៊ីនតោនបានគំរាមជាច្រើនលើកច្រើនសារហើយ ជាពិសេសថែមទាំងប្រកាសជម្រើសយោធានៅតែជាមធ្យោបាយមួយក្នុងការបញ្ចប់វិបត្តិឧបទ្វីបកូរ៉េ។ ទីប្រឹក្សាសន្តិសុខជាតិអាមេរិក H.R. McMaster បានព្រមានអ្នកដែលគិតថាជម្រើសយោធាមិនស្ថិតលើតុនោះ ដោយលោកបាននិយាយថា ជម្រើសយោធាមិនមែនជាអ្វីដែលអាមេរិកចង់បានទេ តែអាមេរិកអស់ផ្លូវទៅហើយ។
យ៉ាងណាមិញ កូរ៉េខាងជើងមិនដែលស្ដាប់ពាក្យព្រមានរបស់នរណា ហើយរឹតតែបន្តធ្វើសកម្មភាពផ្គើនដដែល។ ក្នុងរយៈពេលមិនដល់មួយខែផងនោះ កូរ៉េខាងជើងបានបាញ់មីស៊ីលរំលងជប៉ុនដល់ទៅពីរដង ដែលនាំឲ្យនាយករដ្ឋមន្ត្រីជប៉ុន ស៊ីនហ្សូ អាបេ ចេញមុខប្រកាសថា ជប៉ុនលែងអត់ទ្រាំទង្វើច្រំដែលរបស់កូរ៉េខាងជើងទៀតហើយ។ ឯក្រុមប្រឹក្សាសន្តិសុខវិញក៏ថ្កោលទោសខ្លាំងៗ និងចាត់ទុកការបាញ់មីស៊ីលនេះជាសកម្មភាពបង្ករឿងធ្ងន់ធ្ងរទៀតផង៕
Tag:
កូរ៉េខាងជើង
អាមេរិក
គីម ជុងអ៊ុន
© រក្សាសិទ្ធិដោយ thmeythmey.com
