គ្រាន់តែ២សប្តាហ៍ដំបូងក្នុងខែតុលា មនុស្ស៥០នាក់ស្លាប់ និង១៦៧នាក់របួសដោយសារគ្រោះថ្នាក់ចរាចរណ៍

ជាតិ

គ្រាន់តែ២សប្តាហ៍ដំបូងក្នុងខែតុលា មនុស្ស៥០នាក់ស្លាប់ និង១៦៧នាក់របួសដោយសារគ្រោះថ្នាក់ចរាចរណ៍

16, Oct 2017 , 3:36 pm

រូបភាព

ដោយ:

តាមរបាយការណ៍នាយកដ្ឋានចរាចរណ៍ និងសណ្ដាប់ធ្នាប់សាធារណៈ នៃអគ្គនាយកដ្ឋាននគរបាលជាតិ ឲ្យដឹងថា រយៈពេល ១៦ថ្ងៃ ដើមខែតុលា ឆ្នាំ២០១៧ គ្រោះថ្នាក់ចរាចរណ៍ទូទាំងប្រទេសកើតឡើងចំនួន១២៤លើក បណ្ដាលឲ្យមនុស្សស្លាប់ចំនួន៥០នាក់ និងរងរបួសចំនួន១៦៧នាក់ ក្នុងនោះរបួសធ្ងន់មានចំនួន១២១ និងរបួសស្រាលមានចំនួន៤៦នាក់។

នាយកដ្ឋានចរាចរណ៍ និងសណ្ដាប់ធ្នាប់សាធារណៈ ឲ្យដឹងទៀតថា មូលហេតុបណ្ដាលឲ្យមានគ្រោះថ្នាក់ចរាចរណ៍ មកពី បើកបរលើសល្បឿនកំណត់ មិនគោរពសិទ្ធិគ្នា មិនប្រកាន់ឆ្វេង-ស្ដាំ បត់ឆ្វេង-ស្ដាំ និងប្រជែង។ នេះតាមការផ្សាយរបស់គេហទំព័ររបស់អគ្គស្នងការដ្ឋាននគរបាលជាតិ នៅថ្ងៃទី១៦ ខែតុលា ឆ្នាំ២០១៧៕