ជាតិ
ក្រុមអភិរក្សជួសជុលក្រុមប្រាសាទព្រះពិធូរ ចាយជាង១លានដុល្លារទិញឧបករណ៍សំខាន់ៗបម្រើឲ្យការងារជួសជុល
×![]()
ក្រុមការងារអភិរក្សជួសជុលក្រុមប្រាសាទព្រះពិធូរ ទើបតែបាននាំចូលឧបករណ៍ពិសោធន៍កម្រិតរឹងមាំនៃថ្ម Universal Testing Machine (UTM) ដើម្បីបម្រើដល់ការងារចាំបាច់របស់ខ្លួន។ ក្រៅពីឧបករណ៍ពិសោធន៍កម្រិតរឹងមាំនៃថ្ម (UTM)នេះ ក្រុមគម្រោង ក៏បាននាំចូលឧបករណ៍សំខាន់ជាច្រើនមុខ ដូចជាម៉ាស៊ីនកាត់ថ្ម, Microscope, និងឧបករណ៍វាស់កម្រិតទឹកក្រោមដី ដែលមានតម្លៃសរុបជាង១លានដុល្លារ ដើម្បីប្រើប្រាស់សម្រាប់ការងារស្រាវជ្រាវ និងពិសោធន៍សម្ភារ ដែលត្រូវជួសជុលប្រាសាទ។
ក្រុមការងារអភិរក្សជួសជុលក្រុមប្រាសាទព្រះពិធូរ ដែលមានមូលនិធិបេតិកភណ្ឌវប្បធម៌កូរ៉េ(KCHF) និងភ្នាក់ងារសហប្រតិបត្តិការអន្តរជាតិកូរ៉េ(KOICA) ទើបតែបាននាំចូលឧបករណ៍ពិសោធន៍កម្រិតរឹងមាំនៃថ្ម Universal Testing Machine (UTM) ដើម្បីបម្រើដល់ការងារចាំបាច់របស់ខ្លួន។ អ្នកគ្រប់គ្រងគម្រោងជួសជុលលោក Kim Jiseo បញ្ជាក់នៅថ្ងៃទី១២ ខែតុលាថា ការនាំចូលឧបករណ៍ពិសោធន៍ថ្មមកក្នុងគម្រោងនេះ ដោយកម្ពុជាមិនទាន់ម៉ាស៊ីនប្រភេទនេះ ហើយកន្លងមក ក្រុមគម្រោងផ្សេងៗតែងយកបំណែកថ្មទៅពិសោធន៍ នៅប្រទេសផ្សេងៗដូចជា ជប៉ុន ឬថៃជាដើម។
បើតាម លោក Kim Jiseo ការនាំចូលម៉ាស៊ីនប្រភេទនេះមកកម្ពុជា នឹងជំរុញឲ្យការងារមានដំណើរការលឿន និងងាយស្រួល ហើយម៉ាស៊ីននេះ អាចឲ្យក្រុមការងារ ដឹងពីកម្រិតរឹងមាំរបស់ថ្មថា តើអាចប្រើប្រាស់បានយូរប៉ុណ្ណាទៀត។ «រាល់ថ្មដែលត្រូវប្រើប្រាស់ក្នុងគម្រោង ទាំងថ្មចាស់ និងថ្មថ្មីដែលត្រូវជំនួស គឺត្រូវឆ្លងកាត់ពិសោធន៍ពីម៉ាស៊ីនេះ»។ នេះជាការបញ្ជាក់របស់អ្នកគ្រប់គ្រងគម្រោងដដែល មុននឹងបន្តថាមកទល់នឹងពេលនេះ ក្រុមគម្រោងរបស់ខ្លួន បាននាំចូលឧបករណ៍សំខាន់ជាច្រើនមុខ ដូចជា ម៉ាស៊ីនUTM, ម៉ាស៊ីនកាត់ថ្ម, Microscope, និងឧបករណ៍វាស់កម្រិតទឹកក្រោមដីជាដើម ដែលមានតម្លៃសរុបជាង១លានដុល្លារ ដែលឧបករណ៍ទាំងនេះ ត្រូវបានប្រើប្រាស់សម្រាប់ការងារស្រាវជ្រាវ និងពិសោធន៍សម្ភារ ដែលត្រូវជួសជុលប្រាសាទ ដូចជាថ្មបាយក្រៀម ថ្មភក់ និងលោហធាតុផ្សេងៗ។
លោកបញ្ជាក់បន្ថែមថា មន្ត្រីជំនាញមកពីប្រទេសកូរ៉េ នឹងបណ្តុះបណ្តាលមន្ត្រីអាជ្ញាធរជាតិអប្សរា នូវវិធីប្រើម៉ាស៊ីUTMនេះ នៅដើមខែវិច្ឆិកាខាងមុខ ដើម្បីដើម្បីបង្កើនសមត្ថភាពរបស់ពួកគាត់។
ការក្រុមប្រាសាទព្រះពិធូរ បានចាប់ផ្តើមទៅលើរានហាលនៃប្រាសាទកោរសក់ ដោយសហការជាមួយមន្ត្រីជំនាញផ្នែកបុរាណវិទ្យា វិស្វកម្ម និងជំនាញជួសជុល នៃអាជ្ញាធរជាតិអប្សរារា៕
ក្រុមការងារអភិរក្សជួសជុលក្រុមប្រាសាទព្រះពិធូរ ដែលមានមូលនិធិបេតិកភណ្ឌវប្បធម៌កូរ៉េ(KCHF) និងភ្នាក់ងារសហប្រតិបត្តិការអន្តរជាតិកូរ៉េ(KOICA) ទើបតែបាននាំចូលឧបករណ៍ពិសោធន៍កម្រិតរឹងមាំនៃថ្ម Universal Testing Machine (UTM) ដើម្បីបម្រើដល់ការងារចាំបាច់របស់ខ្លួន។ អ្នកគ្រប់គ្រងគម្រោងជួសជុលលោក Kim Jiseo បញ្ជាក់នៅថ្ងៃទី១២ ខែតុលាថា ការនាំចូលឧបករណ៍ពិសោធន៍ថ្មមកក្នុងគម្រោងនេះ ដោយកម្ពុជាមិនទាន់ម៉ាស៊ីនប្រភេទនេះ ហើយកន្លងមក ក្រុមគម្រោងផ្សេងៗតែងយកបំណែកថ្មទៅពិសោធន៍ នៅប្រទេសផ្សេងៗដូចជា ជប៉ុន ឬថៃជាដើម។
បើតាម លោក Kim Jiseo ការនាំចូលម៉ាស៊ីនប្រភេទនេះមកកម្ពុជា នឹងជំរុញឲ្យការងារមានដំណើរការលឿន និងងាយស្រួល ហើយម៉ាស៊ីននេះ អាចឲ្យក្រុមការងារ ដឹងពីកម្រិតរឹងមាំរបស់ថ្មថា តើអាចប្រើប្រាស់បានយូរប៉ុណ្ណាទៀត។ «រាល់ថ្មដែលត្រូវប្រើប្រាស់ក្នុងគម្រោង ទាំងថ្មចាស់ និងថ្មថ្មីដែលត្រូវជំនួស គឺត្រូវឆ្លងកាត់ពិសោធន៍ពីម៉ាស៊ីនេះ»។ នេះជាការបញ្ជាក់របស់អ្នកគ្រប់គ្រងគម្រោងដដែល មុននឹងបន្តថាមកទល់នឹងពេលនេះ ក្រុមគម្រោងរបស់ខ្លួន បាននាំចូលឧបករណ៍សំខាន់ជាច្រើនមុខ ដូចជា ម៉ាស៊ីនUTM, ម៉ាស៊ីនកាត់ថ្ម, Microscope, និងឧបករណ៍វាស់កម្រិតទឹកក្រោមដីជាដើម ដែលមានតម្លៃសរុបជាង១លានដុល្លារ ដែលឧបករណ៍ទាំងនេះ ត្រូវបានប្រើប្រាស់សម្រាប់ការងារស្រាវជ្រាវ និងពិសោធន៍សម្ភារ ដែលត្រូវជួសជុលប្រាសាទ ដូចជាថ្មបាយក្រៀម ថ្មភក់ និងលោហធាតុផ្សេងៗ។
លោកបញ្ជាក់បន្ថែមថា មន្ត្រីជំនាញមកពីប្រទេសកូរ៉េ នឹងបណ្តុះបណ្តាលមន្ត្រីអាជ្ញាធរជាតិអប្សរា នូវវិធីប្រើម៉ាស៊ីUTMនេះ នៅដើមខែវិច្ឆិកាខាងមុខ ដើម្បីដើម្បីបង្កើនសមត្ថភាពរបស់ពួកគាត់។
ការក្រុមប្រាសាទព្រះពិធូរ បានចាប់ផ្តើមទៅលើរានហាលនៃប្រាសាទកោរសក់ ដោយសហការជាមួយមន្ត្រីជំនាញផ្នែកបុរាណវិទ្យា វិស្វកម្ម និងជំនាញជួសជុល នៃអាជ្ញាធរជាតិអប្សរារា៕
Tag:
អាជ្ញាធរជាតិអប្សរា
ប្រាសាទពិធូរ
គីម ជីស៊ូ
© រក្សាសិទ្ធិដោយ thmeythmey.com
