អន្តរជាតិ
យុវជនរុស្ស៊ីម្នាក់ឡើងលើវេទិកាយុវជនពិភពលោកដើម្បីសុំមិត្តស្រីរៀបការ
×![]()
ដោយ: ធីតា
ស្នេហាមិនអាចមានអ្វីមករារាំងបានឡើយ។ នាពិធីបើកទិវាយុវជន និងនិស្សិតពិភពលោក (World Festival of Youth and Students) លើកទី១៩ នៅទីក្រុង Sochi ប្រទេសរុស្ស៊ី យុវជនម្នាក់ បានរត់ឡើងលើវេទិកា ហើយប្រកាសសុំមិត្តស្រីរបស់ខ្លួនរៀបការ បន្ទាប់ពីនាងធ្លាប់បានបដិសេធពីរលើកន្លងមក។
យុវជនម្នាក់ស្លៀកសម្លៀកបំពាក់ឈុតពណ៌ក្រហម បានរត់ឡើងលើវេទិកា ហើយសំណូមពរដល់អ្នកសម្របសម្រួលកម្មវិធីបើកទិវាយុវជនពិភពលោក ផ្តល់ពេលវេលាបន្តិចបន្តួចដល់ខ្លួន។ ដោយមិនបង្អង់យូរ យុវជនរូបនោះ បានប្រកាសតាមឧឃោសនសព្ទថា៖ «ខ្ញុំឈ្មោះ Vladikavkaz។ មិត្តស្រីរបស់ខ្ញុំ គឺ Kristina ដែលខ្ញុំបានសុំរៀបអាពាហ៍ពិពាហ៍២ដងរួចទៅហើយ»។
Vladikavkaz បានបន្តស្រែកសួររកមិត្តស្រីរបស់ខ្លួន ដោយជឿជាក់ថា នាងស្ថិតនៅផ្នែកណាមួយនៃសាលរៀបចំពិធី។ យុវជនក្លាហានរូបនេះ និយាយថា៖ «ឃើញទេ Kristina បងនៅទីនេះ អូនមើលឃើញហើយថា បងអាចធ្វើបាន»។
កាមេរ៉ា បានស្វែងរក Kristina រហូតដល់ឃើញ ហើយបុគ្គលិករៀបចំកម្មវិធីម្នាក់បានដឹកដៃនាងឡើងទៅលើឆាក ខណៈ Vladikavkaz ស្រែកច្រៀង ដោយមានសំឡេងអបអរសាទរ។ បន្ទាប់ពីចាប់ដៃមិត្តស្រីរួច Vladikavkaz បានលុតជង្គង់ ហើយបញ្ចេញចិញ្ចៀនដើម្បីសុំនាងរៀបការជាលើកទី៣។ ទីបំផុត បុរសដ៏ក្លាហានទទួលបានចម្លើយយល់ព្រមពីស្រីស្អាតសំណព្វចិត្តរបស់ខ្លួន ក្រោមសំឡេងហ៊ោរកញ្ចៀវយ៉ាងកងរំពង។
រុស្ស៊ី ធ្វើជាម្ចាស់ផ្ទះរៀបចំទិវាយុវជន និងនិស្សិតពិភពលោក (World Festival of Youth and Students) លើកទី១៩ នៅក្នុងទីក្រុង Sochi ដោយមានការចូលរួមបើកកម្មវិធីពីសំណាក់លោកប្រធានាធិបតី វ្លាឌីមៀ ពូទីន កាលពីថ្ងៃអាទិត្យ។
យោងតាមការផ្សាយរបស់ Sputnik កម្មវិធីយុវជន ដែលរុស្ស៊ីធ្វើជាម្ចាស់លើកទីបីនេះ មានអ្នកចូលរួមប្រមាណ៣ម៉ឺននាក់ មកពីជាង១៨០ប្រទេសលើពិភពលោក។ កម្មវិធីនេះ បញ្ចប់នៅថ្ងៃទី២២ ខែតុលា៕
យុវជនម្នាក់ស្លៀកសម្លៀកបំពាក់ឈុតពណ៌ក្រហម បានរត់ឡើងលើវេទិកា ហើយសំណូមពរដល់អ្នកសម្របសម្រួលកម្មវិធីបើកទិវាយុវជនពិភពលោក ផ្តល់ពេលវេលាបន្តិចបន្តួចដល់ខ្លួន។ ដោយមិនបង្អង់យូរ យុវជនរូបនោះ បានប្រកាសតាមឧឃោសនសព្ទថា៖ «ខ្ញុំឈ្មោះ Vladikavkaz។ មិត្តស្រីរបស់ខ្ញុំ គឺ Kristina ដែលខ្ញុំបានសុំរៀបអាពាហ៍ពិពាហ៍២ដងរួចទៅហើយ»។
Vladikavkaz បានបន្តស្រែកសួររកមិត្តស្រីរបស់ខ្លួន ដោយជឿជាក់ថា នាងស្ថិតនៅផ្នែកណាមួយនៃសាលរៀបចំពិធី។ យុវជនក្លាហានរូបនេះ និយាយថា៖ «ឃើញទេ Kristina បងនៅទីនេះ អូនមើលឃើញហើយថា បងអាចធ្វើបាន»។
កាមេរ៉ា បានស្វែងរក Kristina រហូតដល់ឃើញ ហើយបុគ្គលិករៀបចំកម្មវិធីម្នាក់បានដឹកដៃនាងឡើងទៅលើឆាក ខណៈ Vladikavkaz ស្រែកច្រៀង ដោយមានសំឡេងអបអរសាទរ។ បន្ទាប់ពីចាប់ដៃមិត្តស្រីរួច Vladikavkaz បានលុតជង្គង់ ហើយបញ្ចេញចិញ្ចៀនដើម្បីសុំនាងរៀបការជាលើកទី៣។ ទីបំផុត បុរសដ៏ក្លាហានទទួលបានចម្លើយយល់ព្រមពីស្រីស្អាតសំណព្វចិត្តរបស់ខ្លួន ក្រោមសំឡេងហ៊ោរកញ្ចៀវយ៉ាងកងរំពង។
រុស្ស៊ី ធ្វើជាម្ចាស់ផ្ទះរៀបចំទិវាយុវជន និងនិស្សិតពិភពលោក (World Festival of Youth and Students) លើកទី១៩ នៅក្នុងទីក្រុង Sochi ដោយមានការចូលរួមបើកកម្មវិធីពីសំណាក់លោកប្រធានាធិបតី វ្លាឌីមៀ ពូទីន កាលពីថ្ងៃអាទិត្យ។
យោងតាមការផ្សាយរបស់ Sputnik កម្មវិធីយុវជន ដែលរុស្ស៊ីធ្វើជាម្ចាស់លើកទីបីនេះ មានអ្នកចូលរួមប្រមាណ៣ម៉ឺននាក់ មកពីជាង១៨០ប្រទេសលើពិភពលោក។ កម្មវិធីនេះ បញ្ចប់នៅថ្ងៃទី២២ ខែតុលា៕
Tag:
យុវជន
រៀបការ
© រក្សាសិទ្ធិដោយ thmeythmey.com
