អន្តរជាតិ
បុរសម្នាក់បើករថយន្តបំបុកហ្វូងមនុស្សដែលបណ្តាលឲ្យរបួស១៩នាក់នៅក្រុងមែលប៊ន
ប៉ូលិសចាប់ជនសង្ស័យដែលមានឈ្មោះថា Saeed Noori។ រូបថត LachlanVe
×![]()
ដោយ: ធីតា
អូស្ត្រាលី៖ បុរសសញ្ជាតិអាហ្វហ្គានីស្ថាន-អូស្ត្រាលីម្នាក់ បានបើករថយន្តបំបុកហ្វូងថ្មើរជើងនៅផ្លូវ Flinders ក្រុងមែលប៊ន នាថ្ងៃសុក្រ ទី២២ ខែធ្នូ នេះ ដែលបណ្តាលឲ្យមនុស្ស១៩នាក់របួស។ លោកនាយករដ្ឋមន្ត្រីអូស្ត្រាលី Malcolm Turnbull បានអះអាងថា ករណីនេះ មិនជាប់ពាក់ព័ន្ធអំពើភេរវកម្មនោះឡើយ។ នេះបើតាមការផ្សាយរបស់ BBC ខណៈការស៊ើបអង្កេតកំពុងបន្តដំណើរការ។
ជនសង្ស័យ មានដើមកំណើតអាហ្វហ្គានីស្ថាន ហើយបានធ្វើអន្តោប្រវេសន៍នៅអូស្ត្រាលី បុរសវ័យ៣២ឆ្នាំ ដែលសារព័ត៌មាន អូស្ត្រាលីកំណត់អត្តសញ្ញាណបានថាឈ្មោះ «Saeed Noori»។ គេបានបើករថយន្តទៅបំបុកមនុស្សកំពុងដើរដែលបណ្តាលឲ្យរងរបួស១៩នាក់ ក្នុងនោះពាក់កណ្តាលជាជនបរទេសដែលមកពីកូរ៉េខាងត្បូង ចិន អ៊ីតាលី ឥណ្ឌា វេណេស៊ុយអេឡា អៀរឡង់ និងនូវែលសេឡង់។
«ការវាយប្រហារបែបនេះ នៅកណ្តាលទីក្រុងដ៏ធំមួយរបស់យើង គឺជាហេតុការណ៍ដ៏សោកសៅមួយ»។ នេះជា ការលើកឡើងរបស់លោកនាយករដ្ឋមន្ត្រីអូស្ត្រាលី Malcolm Turnbull ដោយបានអះអាងថា វាមិនជាប់ ពាក់ព័ន្ធនឹង អំពើភេរវកម្មនោះឡើយ ព្រោះជនសង្ស័យ ត្រូវបានសមត្ថភាពរកឃើញថា ជាមនុស្សមានបញ្ហាសតិអារម្មណ៍ និងធ្លាប់មានប្រវត្តិសេពគ្រឿងញៀន។
ទោះបីជាយ៉ាងណាក៏ដោយ លោក Malcolm Turnbull បានលើកឡើងថា ការសន្និដ្ឋានចុងក្រោយអាស្រ័យលើលទ្ធផលនៃការស៊ើបអង្កេតផ្លូវការ៕
ជនសង្ស័យ មានដើមកំណើតអាហ្វហ្គានីស្ថាន ហើយបានធ្វើអន្តោប្រវេសន៍នៅអូស្ត្រាលី បុរសវ័យ៣២ឆ្នាំ ដែលសារព័ត៌មាន អូស្ត្រាលីកំណត់អត្តសញ្ញាណបានថាឈ្មោះ «Saeed Noori»។ គេបានបើករថយន្តទៅបំបុកមនុស្សកំពុងដើរដែលបណ្តាលឲ្យរងរបួស១៩នាក់ ក្នុងនោះពាក់កណ្តាលជាជនបរទេសដែលមកពីកូរ៉េខាងត្បូង ចិន អ៊ីតាលី ឥណ្ឌា វេណេស៊ុយអេឡា អៀរឡង់ និងនូវែលសេឡង់។
«ការវាយប្រហារបែបនេះ នៅកណ្តាលទីក្រុងដ៏ធំមួយរបស់យើង គឺជាហេតុការណ៍ដ៏សោកសៅមួយ»។ នេះជា ការលើកឡើងរបស់លោកនាយករដ្ឋមន្ត្រីអូស្ត្រាលី Malcolm Turnbull ដោយបានអះអាងថា វាមិនជាប់ ពាក់ព័ន្ធនឹង អំពើភេរវកម្មនោះឡើយ ព្រោះជនសង្ស័យ ត្រូវបានសមត្ថភាពរកឃើញថា ជាមនុស្សមានបញ្ហាសតិអារម្មណ៍ និងធ្លាប់មានប្រវត្តិសេពគ្រឿងញៀន។
ទោះបីជាយ៉ាងណាក៏ដោយ លោក Malcolm Turnbull បានលើកឡើងថា ការសន្និដ្ឋានចុងក្រោយអាស្រ័យលើលទ្ធផលនៃការស៊ើបអង្កេតផ្លូវការ៕
© រក្សាសិទ្ធិដោយ thmeythmey.com
