ជាតិ
ក្រសួងរៀបចំដែនដី ប្រមូលចំណូលសម្រាប់ថវិកាជាតិជាង៩១លានដុល្លារ ក្នុងឆ្នាំ២០១៧
× ភ្នំពេញ៖ ក្រសួងរៀបចំដែនដី នគររូបនីយកម្ម និងសំណង់ បានប្រមូលចំណូលចូលថវិកាជាតិ ជាង៩១លានដុល្លារអាមេរិក សម្រាប់ឆ្នាំ២០១៧នេះ។
យោងតាមរបាយការណ៍ក្រសួងរៀបចំដែនដី ថវិកាចូលជាតិ មានចំនួន ៣៧១ ,០២១ ,៤៧៨ ,៦០៥ រៀល (ជាង៩១លានដុល្លារ) ដែលគិតទាំងពីចំណូលផ្ទេរអចលនទ្រព្យ ដោយក្នុងនោះរួមមាន៖ ចំណូលពីសេវាសុរិយាដី មានចំនួន ៤២,៤៧១,១៥៨,១១៥ រៀល (ជាង១០លានដុល្លារ) ដែលក្នុងនោះ ទទួលបានពីការចុះបញ្ជីដីមានលក្ខណៈជាប្រព័ន្ធ ចំនួន ៦, ៦៥៥, ៨៣៤, ៩៣៥ រៀល (ជាង១លានដុល្លារ) និងការចុះបញ្ជីដីមានលក្ខណៈដាច់ដោយដុំ មានទឹកប្រាក់ ៣៥ ,៨១៥ ,៣២៣ ,១៨០ រៀល (ជាង៨លានដុល្លារ)
ក្រៅពីនេះចំណូលពីសេវាសំណង់ មានចំនួន ៤ ,០២៥ ,៥០៥ ,៩៨០ រៀល (ជិត១លានដុល្លារ) ចំណូលពីការជួសជុលរោងចក្រ សហគ្រាសមានចំនួន ២៧៧ ,០៣៦ ,០៩០ រៀល (ជាង៦៨ម៉ឺនដុល្លារ) និងចំណូលពន្ធលើការផ្ទេរអចលទ្រព្យ ដែលប្រមូលដោយអង្គភាពពន្ធដារ បានចំនួន ៣១៥ ,០៩៥ ,៣៧៩ ,០០០ រៀល (ជាង៧៧លានដុល្លារ)។ នេះបើតាមរបាយការណ៍ក្រសួង៕
Tag:
ជា សុផារ៉ា
ក្រសួងរៀបចំដែនដី
© រក្សាសិទ្ធិដោយ thmeythmey.com