គ្រូបង្វឹកគុនចម្រុះ ចាន់រាជ មានសង្ឃឹមឈ្នះកាន់តែច្រើនក្រោយដាក់ រិន សារ័ត្ន ជំនួស ថៃ រិទ្ធី

កីឡាជាតិ

ជាតិ

គ្រូបង្វឹកគុនចម្រុះ ចាន់រាជ មានសង្ឃឹមឈ្នះកាន់តែច្រើនក្រោយដាក់ រិន សារ័ត្ន ជំនួស ថៃ រិទ្ធី

20, Jan 2018 , 7:59 am

រូបភាព

ដោយ:

កីឡាករប្រដាល់សេរីនិងគុនចម្រុះ រិន សារ័ត្ន ត្រូវបានគ្រូបង្វឹក MMA លោក ហ៊ុន ចាន់រាជ ដាក់ឲ្យប្រកួតជំនួសកីឡាករ ថៃ រិទ្ធី ដែលមានរបួសក្នុងព្រឹត្តិការណ៍ ONE: Kings of Courage នៅទីក្រុងហ្សាកាតាប្រទេសឥណ្ឌូណេស៊ី។ ទោះបីផ្លាស់ប្តូរសមាសភាពកីឡាករ តែលោក ចាន់រាជ សង្ឃឹមក្នុងការទទួលបានជ័យជម្នះកាន់តែខ្ពស់។

«ខ្ញុំគិតថាការយកីឡាករ រិន សារ័ត្ន ទៅប្រកួតធ្វើឲ្យយើងសង្ឃឹមឈ្នះកាន់តែច្រើនព្រោះរូបគេមានបច្ចេកទេសល្អជាង ថៃ រិទ្ធី គឺល្អមួយកំប្លេរតែម្តង»។ នេះជាការបង្ហាញកី្តរំពឹងរបស់គ្រូបង្វឺក MMA លោក ហ៊ុន ចាន់រាជ ក្រោយដាក់កីឡាករជំនាញប្រដាល់សេរីនិងគុនចម្រុះ រិន សារ័ត្ន ជំនួសកីឡាករ ថៃ រិទ្ធី ដើម្បីចូលរួមប្រកួតយុទ្ធគុនចម្រុះ(MMA)ក្នុងព្រឹត្តិការណ៍ ONE: King of Courage នៅទីក្រុងហ្សាកាតាប្រទេសឥណ្ឌូណេស៊ី។

តាមពិតជំនួបតទល់ជាមួយកីឡាករម្ចាស់ផ្ទះ Sunoto Peringkat នៅថ្ងៃសៅរ៍ ទី២០ មករា ចុងសប្តាហ៍នេះជាបន្ទុករបស់កីឡាករ ថៃ រិទ្ធី តែដោយសារមានរបួសពេលហ្វឹកហាត់ ទើបភារៈនេះត្រូវធ្លាក់មកលើកីឡាករ រិន សារ័ត្ន។ ដូច្នេះ រិន សារ័ត្ន ត្រូវទទួលបន្ទុកសងសឹកកីឡាករម្ចាស់ផ្ទះជូនមិត្តរួមជាតិ ចាន់ ហេង ដែលបានចាញ់កីឡាករនេះកាលពីកន្លងទៅ។

កីឡាករម្ចាស់ផ្ទះ Sunoto Peringkat បានផ្តួលកីឡាករកម្ពុជា ចាន់ ហេង ឲ្យសន្លប់ក្នុងទី១នាការប្រកួត ONE: Quest for Power ដែលរៀបចំនៅទីក្រុងហ្សាកាតាប្រទេសឥណ្ឌូណេស៊ីកាលពីថ្ងៃទី១៤ ខែមករា ឆ្នាំ២០១៧ កន្លងទៅ៕