រាជធានី-ខេត្តមួយចំនួន អាចប្រឈមជំនន់ទឹកភ្លៀង ពីថ្ងៃទី៤-១១ ខែឧសភា

ជាតិ

រាជធានី-ខេត្តមួយចំនួន អាចប្រឈមជំនន់ទឹកភ្លៀង ពីថ្ងៃទី៤-១១ ខែឧសភា

02, May 2018 , 8:59 pm

រូបភាព

ដោយ:

ភ្លៀងនឹងបន្តធ្លាក់រាយប៉ាយលើផ្ទៃប្រទេស នៅថ្ងៃទី២ និងទី៣ ខែឧសភា ជាពិសេសបណ្ដាខេត្តនៅភាគខាងកើតជាប់ព្រំដែនប្រទេសវៀតណាម នឹងមានភ្លៀងធ្លាក់ច្រើន។ ដោយឡែកពី៤ ដល់ថ្ងៃទី១១ ខែឧសភា ភ្លៀងនឹងបន្តធ្លាក់រាយប៉ាយលើផ្ទៃប្រទេស ពីមធ្យម ទៅច្រើន ដែលនឹងអាចបង្កជាជំនន់ទឹកភ្លៀង នៅតាមរាជធានី-ខេត្ត ពិសេសនៅតំបន់ទំនាបកណ្ដាល។

ការព្យាករអាកាសធាតុរបស់ក្រសួងធនធានទឹក និងឧតុនិយម ចេញផ្សាយនៅថ្ងៃទី២ ខែឧសភានេះបានឲ្យដឹងថា ចាប់ពីថ្ងៃទី ២ដល់ទី៣ ខែឧសភា ភ្លៀងនឹងបន្តធ្លាក់រាយប៉ាយលើផ្ទៃប្រទេស ពិសេសបណ្ដាខេត្តនៅភាគខាងកើតជាប់ព្រំដែនប្រទេសវៀតណាម មានភ្លៀងធ្លាក់ច្រើន។

ដោយឡែក ចាប់ពីថ្ងៃទី៤ ដល់ថ្ងៃទី១១ ខែឧសភា ភ្លៀងនឹងបន្តធ្លាក់រាយប៉ាយលើផ្ទៃប្រទេសក្នុងកម្រិតពីមធ្យម ទៅច្រើន ហើយនឹងអាចបង្កជាជំនន់ទឹកភ្លៀង នៅតាមរាជធានី-ខេត្ត ពិសេសនៅតំបន់ទំនាបកណ្ដាល។ នេះបើតាមការព្យាករអាកាសធាតុដដែល។

ទន្ទឹមនឹងនេះ ក្រសួងធនធានទឹកបានបញ្ជាក់ថា រដូវវស្សាឆ្នាំ២០១៨នេះ នឹងចូលមកដល់នៅថ្ងៃទី៥ ខែឧសភានេះ ។ ដូច្នេះនៅពេលមេឃរកកលភ្លៀង ក្រសួងធនធានទឹក ស្នើឲ្យប្រជាពលរដ្ឋប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់៕