អន្តរជាតិ
តៃវ៉ាន់៖ ស្វាស៊ីឡង់ប្តេជា្ញមិនដោះដៃពីតៃវ៉ាន់ទៅស្រវាឱបចិនឡើយ ទោះមានសម្ពាធខ្លាំងក៏ដោយ
×![]()
រដ្ឋាភិបាលតៃវាន់ បានអះអាងថា កល្យាណមិត្តតែមួយគត់របស់ខ្លួនប្រចាំតំបន់អាហ្វ្រិក គឺស្វាស៊ីឡង់ (ដែលទើបតែត្រូវបានប្តូរឈ្មោះថា រាជាណាចក្រអ៊ីស្វាទីនី «Kingdom of eSwatini») បានជូនដំណឹងផ្លូវការមកកាន់ខ្លួនរួចហើយថា ស្វាស៊ីឡង់ងាកទៅរកចិនឡើយ។ សេចក្តីថ្លែងការណ៍នេះធ្វើឡើង ក្រោយពីរដ្ឋាភិបាលចិនបានទទូចឲ្យរដ្ឋអាហ្វ្រិកមួយនេះ យកគំរូតាមរដ្ឋអាហ្វ្រិកផ្សេងទៀត ដែលជ្រើសរើសគោលនយោបាយចិនតែមួយដើម្បីការអភិវឌ្ឍប្រទេស។
ចុងសប្តាហ៍មុនកន្លងទៅ រដ្ឋមន្ត្រីការបរទេសចិនលោក វ៉ាង យី បានថ្លែងក្នុងកម្មវិធីចុះហត្ថលេខាបង្កើតទំនាក់ទំនងការទូតជាផ្លូវការជាមួយប្រទេស បួគីណា ហ្វាសូ ថា នៅតំបន់អាហ្វ្រិក មានតែប្រទេស ស្វាស៊ីឡង់មួយប៉ុណ្ណោះ ដែលនៅតែមិនទទួលស្គាល់គោលនយោបាយចិនតែមួយដោយបន្តចំណងការទូតជាមួយតៃវ៉ាន់។
តាមរយៈកម្មវិធីដដែលនោះ ប្រមុខការទូតចិនរូបនេះ ក៏បានផ្ញើសារទៅកាន់ស្វាស៊ីឡង់យ៉ាងដូច្នេះថា៖«យើងសង្ឃឹមថា ប្រទេសនេះនឹងចូលរួមជាមួយគ្រួសារអាហ្វ្រិកក្នុងការបង្កើតទំនាក់ទំនងមិត្តភាពជាមួយចិននៅពេលឆាប់ៗ។ យើងសង្ឃឹមថា រដ្ឋអាហ្វ្រិកទាំងអស់នឹងឈរជាមួយចិនក្នុងការឈានឆ្ពោះទៅរកការបង្រួបបង្រួមជាតិចិនពេញលេញ»។
ការអំពាវនាវរបស់ចិនបែបនេះមិនអាចធ្វើឲ្យ ស្វាស៊ីឡង់ ទន់ទោរទៅតាមបានឡើយ។ តាមការបញ្ជាក់របស់រដ្ឋមន្ត្រីការបរទេសតៃវ៉ាន់លោក Joseph Wu នៅថ្ងៃ២៨ ខែឧសភា តំណាងប្រទេសស្វាស៊ីឡង់ បានបញ្ជាក់ប្រាប់លោកថា៖«ស្វាស៊ីឡង់ មិនយកចិត្តទុកដាក់ចំពោះការទទូចរបស់ចិនឡើយ ហើយការលើកឡើងរបស់លោក វ៉ាង យី ជាការប្រមាថស្វាស៊ីឡង់យ៉ាងធ្ងន់ធ្ងរ»។ នេះបើយោងតាមភ្នាក់ងារព័ត៌មាន Reuters ។
តាមប្រភពព័ត៌មានដដែលនោះ ប្រមុខការទូតតៃវ៉ាន់ដដែលនោះក៏បានអះអាងផងដែរថា ដើម្បីជាសក្ខីកម្មនៃទំនាក់ទំនងស្អិតល្មួតរវាងភាគីទាំងពីរ ព្រះមហាក្សត្រ Mswati ទីបីក៏ត្រៀមបំពេញទស្សនកិច្ចមកកាន់តៃវ៉ាន់នៅពេលខាងមុខដែរ។
គួរជម្រាបផងដែរថា រយៈពេលប៉ុន្មានឆ្នាំចុងក្រោយនេះ ចិន និងតៃវ៉ាន់បន្តការប្រឈមមុខដាក់គ្នាផ្នែកការទូតខ្លាំងដែរ ដ្បិតសម្ព័ន្ធមិត្តរបស់តៃវ៉ាន់ជាច្រើនបានបន្តដោះដៃចេញពីតៃវ៉ាន់ទៅស្រវាឱបចិនជាបន្តបន្ទាប់។ តៃវ៉ាន់ចោទត្រង់ៗថា ចិនប្រើប្រាស់លុយដើម្បី អូសទាញបណ្តាសម្ព័ន្ធមិត្តរបស់ខ្លួន៕
ចុងសប្តាហ៍មុនកន្លងទៅ រដ្ឋមន្ត្រីការបរទេសចិនលោក វ៉ាង យី បានថ្លែងក្នុងកម្មវិធីចុះហត្ថលេខាបង្កើតទំនាក់ទំនងការទូតជាផ្លូវការជាមួយប្រទេស បួគីណា ហ្វាសូ ថា នៅតំបន់អាហ្វ្រិក មានតែប្រទេស ស្វាស៊ីឡង់មួយប៉ុណ្ណោះ ដែលនៅតែមិនទទួលស្គាល់គោលនយោបាយចិនតែមួយដោយបន្តចំណងការទូតជាមួយតៃវ៉ាន់។
តាមរយៈកម្មវិធីដដែលនោះ ប្រមុខការទូតចិនរូបនេះ ក៏បានផ្ញើសារទៅកាន់ស្វាស៊ីឡង់យ៉ាងដូច្នេះថា៖«យើងសង្ឃឹមថា ប្រទេសនេះនឹងចូលរួមជាមួយគ្រួសារអាហ្វ្រិកក្នុងការបង្កើតទំនាក់ទំនងមិត្តភាពជាមួយចិននៅពេលឆាប់ៗ។ យើងសង្ឃឹមថា រដ្ឋអាហ្វ្រិកទាំងអស់នឹងឈរជាមួយចិនក្នុងការឈានឆ្ពោះទៅរកការបង្រួបបង្រួមជាតិចិនពេញលេញ»។
ការអំពាវនាវរបស់ចិនបែបនេះមិនអាចធ្វើឲ្យ ស្វាស៊ីឡង់ ទន់ទោរទៅតាមបានឡើយ។ តាមការបញ្ជាក់របស់រដ្ឋមន្ត្រីការបរទេសតៃវ៉ាន់លោក Joseph Wu នៅថ្ងៃ២៨ ខែឧសភា តំណាងប្រទេសស្វាស៊ីឡង់ បានបញ្ជាក់ប្រាប់លោកថា៖«ស្វាស៊ីឡង់ មិនយកចិត្តទុកដាក់ចំពោះការទទូចរបស់ចិនឡើយ ហើយការលើកឡើងរបស់លោក វ៉ាង យី ជាការប្រមាថស្វាស៊ីឡង់យ៉ាងធ្ងន់ធ្ងរ»។ នេះបើយោងតាមភ្នាក់ងារព័ត៌មាន Reuters ។
តាមប្រភពព័ត៌មានដដែលនោះ ប្រមុខការទូតតៃវ៉ាន់ដដែលនោះក៏បានអះអាងផងដែរថា ដើម្បីជាសក្ខីកម្មនៃទំនាក់ទំនងស្អិតល្មួតរវាងភាគីទាំងពីរ ព្រះមហាក្សត្រ Mswati ទីបីក៏ត្រៀមបំពេញទស្សនកិច្ចមកកាន់តៃវ៉ាន់នៅពេលខាងមុខដែរ។
គួរជម្រាបផងដែរថា រយៈពេលប៉ុន្មានឆ្នាំចុងក្រោយនេះ ចិន និងតៃវ៉ាន់បន្តការប្រឈមមុខដាក់គ្នាផ្នែកការទូតខ្លាំងដែរ ដ្បិតសម្ព័ន្ធមិត្តរបស់តៃវ៉ាន់ជាច្រើនបានបន្តដោះដៃចេញពីតៃវ៉ាន់ទៅស្រវាឱបចិនជាបន្តបន្ទាប់។ តៃវ៉ាន់ចោទត្រង់ៗថា ចិនប្រើប្រាស់លុយដើម្បី អូសទាញបណ្តាសម្ព័ន្ធមិត្តរបស់ខ្លួន៕
Tag:
ស្វាស៊ីឡង់
តៃវ៉ាន់
ចិន
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
