ជាតិ
នយោបាយជាតិ
ចិន ផ្តល់ជំនួយផ្នែកយោធា ដល់កម្ពុជា ![សម្តេច ទៀ បាញ់ រដ្ឋមន្ត្រីការពារជាតិកម្ពុជា និង លោក WEI FENG HE រដ្ឋមន្រ្តីការពារជាតិចិន](https://image.thmeythmey.com/pictures/2018/10/25/china.jpg)
សម្តេច ទៀ បាញ់ រដ្ឋមន្ត្រីការពារជាតិកម្ពុជា និង លោក WEI FENG HE រដ្ឋមន្រ្តីការពារជាតិចិន
×![]()
ចិននិងកម្ពុជា បានចុះហត្ថលេខាជាមួយគ្នាលើពិធីសារមួយ កាលពីថ្ងៃទី២៣ ខែតុលា ឆ្នាំ២០១៨ ស្តីពីការផ្តល់ជំនួយឥតចំណងដល់ក្រសួងការពារជាតិកម្ពុជា។ នេះបើតាមព័ត៌មាន ដែលបង្ហោះលើទំព័រហ្វេសប៊ុករបស់សម្តេច ទៀ បាញ់ រដ្ឋមន្ត្រីក្រសួងការពារជាតិ។
ពិធីចុះហេត្ថលេខានេះ ធ្វើឡើងក្រោមវត្តមានរបស់រដ្ឋមន្ត្រីក្រសួងការពារជាតិកម្ពុជា និង លោក WEI FENG HE រដ្ឋមន្ត្រីក្រសួងការពារជាតិចិន។ យ៉ាងណាក៏ដោយ ព័ត៌មានលើទំព័រហ្វេសបុករបស់សម្តេច ទៀ បាញ់ ពុំបានបញ្ជាក់ពីទំហំនៃហិរញ្ញសម្បទាន ដែលចិន ផ្តល់ឲ្យកម្ពុជានោះទេ។
រដ្ឋមន្ត្រីក្រសួងការពារជាតិ និង គណៈប្រតិភូ បានចេញពីកម្ពុជាកាលពី ព្រឹកថ្ងៃទី២២ ខែតុលា ឆ្នាំ២០១៨ ទៅបំពេញទស្សនកិច្ចផ្លូវការ និងចូលរួមវេទិកាសៀងសានលើកទី៨ នៅទីក្រុងប៉េកាំង ប្រទេសចិន។ ប្រធានបទនៃវេទិកានេះ គឺ «ការកសាងសមភាព និងការជឿទុកចិត្តគ្នាទៅវិញទៅមក ទំនាក់ទំនងភាពជាដៃគូសន្តិសុខថ្មីមួយនៃកិច្ចសហប្រតិបត្តិការឈ្នះ-ឈ្នះ» ដែលត្រូវប្រព្រឹត្តទៅរហូតដល់ថ្ងៃទី២៧ ខែតុលា ឆ្នាំ២០១៨៕
Tag:
ទៀ បាញ់
កម្ពុជា
ចិត្ត
ជំនួយ
© រក្សាសិទ្ធិដោយ thmeythmey.com