កីឡាជាតិ
ជាតិ
Maycon ចេញពីបឹងកេតទៅចូលរួមជាមួយ Shan United របស់មីយ៉ាន់ម៉ា កីឡាករ Maycon Calijuri (ឆ្វេង)ធ្វើដៃជាសញ្ញាអបអរ ក្រោយរកបានគ្រាប់បាល់
× ក្លិបបាល់ទាត់បឹងកេតនៅរសៀលថ្ងៃទី១៩ ខែធ្នូ ឆ្នាំ២០១៨ បានប្រកាសពីការចែកផ្លូវគ្នាជាមួយខ្សែប្រយុទ្ធប្រេស៊ីល Maycon Calijuri ក្រោយចំណាយពេលរួមរស់ជាមួយគ្នាពីររដូវកាល។ កីឡាករវ័យ៣២ឆ្នាំរូបនេះបានផ្ទេរទៅលេងឲ្យក្លិប Shan United នៃក្របខណ្ឌលីគកំពូលមីយ៉ាន់ម៉ា។
ខ្សែប្រយុទ្ធប្រេស៊ីល Maycon Calijuri បានចំណាយពេលរួមរស់ជាមួយក្លិបបឹងកេតពីររដូវកាល ដោយបង្ហាញខ្លួន៣៣លើករកបាន៣៨គ្រាប់ និងជួយឲ្យបឹងកេតគ្រងជើងឯកក្របខណ្ឌលីគកំពូលឆ្នាំ២០១៧ និងជើងឯករងឆ្នាំ២០១៨។ Maycon ជាខ្សែប្រយុទ្ធ ដែលមានល្បឿនលឿន និងប្រកបដោយគុណភាពក្នុងការសម្រេចទី។
កីឡាករ Maycon លើកបង្ហាញអាវក្រោយចុះកិច្ចសន្យាជាមួយ Shan United
ក្រោយចាកចេញពីបឹងកេតដោយកិច្ចសន្យាផុតសុពលភាព ខ្សែប្រយុទ្ធដែលជោគជាំដោយបទពិសោធរូបនេះ បានចុះកិច្ចសន្យាលេងក្លិបក្របខណ្ឌលីគកំពូលមីយ៉ាន់ម៉ា Shan United សម្រាប់រដូវកាលឆ្នាំ២០១៩-២០២០។
មុនចុះកិច្ចសន្យាលេងឲ្យក្លិបបឹងកេតនៅឆ្នាំ២០១៧ ខ្សែប្រយុទ្ធវ័យ៣២ឆ្នាំរូបនេះ ធ្លាប់លេងឲ្យក្លិបនៅប្រទេសប្រេស៊ីលលើទឹកដីកំណើត អារ៉ាប់អេមីរ៉េត ថៃ និងឥណ្ឌណេស៊ីជាដើម៕
Tag:
បាល់ទាត់
បឹងកេត
Maycon Calijuri
© រក្សាសិទ្ធិដោយ thmeythmey.com