ជាតិ
រូបសំណាក់នាងគង្ហីង បានរំកិលទៅចំណុចសួនមុខស្ថានីយប្រេងឥន្ធនៈតូតាល់វិញ
×![]()
ដោយ: ឡាយ សុភាវតី
អភិបាលរាជធានីភ្នំពេញលោក ឃួង ស្រេង ព្រឹកថ្ងៃទី១០ ខែមករា ឆ្នាំ២០១៩នេះ បានអញ្ជើញចុះពិនិត្យស្ថានភាពចរាចណ៍ជាក់ស្ដែងនៅចំនុចភ្លើងស្ដុបនាងគង្ហីង ដោយឃើញពីលំហូរចរាចរណ៍នៅតំបន់នោះមានភាពមមាញឹក។ នេះបើយោងតាមរដ្ឋបាលរាជធានីភ្នំពេញ ហើយបានសម្រេចរំកិលរូបសំណាក់នាងគង្ហីងពីកន្លែងចាស់ មកដាក់នៅចំនុចសួនមុខស្ថានីយប្រេងឥន្ធនៈតូតាល់វិញ។
រដ្ឋបាលរាជធានីភ្នំពេញបានបញ្ជាក់ថា ក្នុងការប្ដូរនេះគឺដើម្បីលើកកំពស់សោភ័ណ្ឌភាពរូបសំណាក់ និងលើកកំពស់រូបសំណាក់អោយខ្ពស់ជាងកន្លែងចាស់ និងកែលំអលំហូរផ្លូវបត់ស្តាំនៅត្រង់ចំនុចផ្លូវប្រសព្វរវាងវិថីទេពផន(១៨២)កែងមហាវិថីព្រះមុនីរ៉េត(២១៧)។ ឆ្លៀតពេលនោះដែរលោក ឃួងស្រេង អិបាលរាជធានីភ្នំពេញពិនិត្យមើលការដ្ឋានស្ពានថ្មើរជើងនាងគង្ហីង ដែលសម្រេចបាន៩០%ហើយ។
តាមការពិនិត្យឃើញនៅតំបន់នោះ នាពេលរាត្រីមានភាពងងឹត ឯកឧត្តមអភិបាលរាជធានីភ្នំពេញបានណែនាំមន្ទីរសាធារណៈការ និងដឹកជញ្ជូនរាជធានីភ្នំពេញបន្ថែមភ្លើងបំភ្លឺក្រោមស្ពានថ្មើរជើង និងបន្ថែមភ្លើងស្ដុបមួយបង្គោលបន្ថែមទៀត។
© រក្សាសិទ្ធិដោយ thmeythmey.com
