ជាតិ
ក្រសួងទេសចរណ៍ ព្រមានដកអាជ្ញាបណ្ណអាជីវកម្មភោជនីយដ្ឋាន និងអាហារដ្ឋាន ដែលអនុវត្តមិនត្រឹមត្រូវ ![លោក ថោង ខុន រដ្ឋមន្រ្តីក្រសួងទេសចរណ៍។ រូបពីក្រសួងទេសចរណ៍](https://image.thmeythmey.com/pictures/2019/01/15/ghj.jpg)
លោក ថោង ខុន រដ្ឋមន្រ្តីក្រសួងទេសចរណ៍។ រូបពីក្រសួងទេសចរណ៍
×![]()
ភ្នំពេញ៖ ក្រសួងទេសចរណ៍ ព្រមានដកអាជ្ញាបណ្ណអាជីវកម្មពីម្ចាស់ភោជនីយដ្ឋាន និងអាហារដ្ឋាន ដែលអនុវត្តមិនត្រឹមត្រូវតាមបទដ្ឋានច្បាប់កំណត់។នេះបើយោងតាមសារាចរណែនាំរបស់ក្រសួងទេសចរណ៍ កាលពីថ្ងៃទី១៤ មករា។
ក្រសួងទេសចរណ៍ នឹងពិនិត្យអាជីវកម្មភោជនីយដ្ឋាន និងអាហារដ្ឋានទេសចរណ៍ ដើម្បីពង្រឹងសុវត្ថិភាពចំណីអាហារនៅតាមទីកន្លែងទេសចរណ៍ទូទាំងប្រទេស។ ក្នុងករណីដែលក្រសួងពិនិត្យឃើញថា កន្លែងអាជីវកម្មណាមួយ គ្មានវិញ្ញាបនបត្របញ្ជាក់អនាម័យពីក្រសួងសុខាភិបាល ,មន្ទីរសុខាភិបាល ឬរដ្ឋបាលថ្នាក់ក្រោមជាតិទេនោះ ក្រសួងនឹងមិនផ្ដល់អាជ្ញាបណ្ណទេសចរណ៍ដល់ម្ចាស់អាជីវកម្មភោជនីយដ្ឋាន និងអាហារដ្ឋានទេសចរណ៍ឡើយ។
ដោយឡែកម្ចាស់អាជីវកម្មភោជនីយដ្ឋាន និងអាហារដ្ឋានទេសចរណ៍ ដែលទទួលបានអាជ្ញាបណ្ណត្រឹមត្រូវហើយ ប៉ុន្តែពុំបានអនុវត្តត្រឹមត្រូវតាមបទដ្ឋានអនាម័យ តាមការណែនាំរបស់ក្រសួងសុខាភិបាល ,មន្ទីរសុខាភិបាល ឬរដ្ឋបាលថ្នាក់ក្រោមជាតិនោះ ក្រសួងនឹងដកហូតយកអាជ្ញាបណ្ណនោះមកវិញ។
ក្រសួងទេសចរណ៍ អំពាវនាវឲ្យម្ចាស់អាជីវកម្មនៅតំបន់ទេសចរណ៍ទាំងអស់ យកចិត្តទុកដាក់លើបញ្ហាអនាម័យនេះ៕
![](https://image.thmeythmey.com/pictures/2019/01/15/thumb2/tt.jpg)
Tag:
ទេសចរណ៍
សេដ្ឋកិច្ច
© រក្សាសិទ្ធិដោយ thmeythmey.com