ខ្មែរក្រហម
ជាតិ
×![]()
ដោយ: រួបរួម
អង្គជំនុំជម្រះសាលដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានប្រកាសនៅក្នុងសេចក្តីប្រកាសព័ត៌មានមួយកាលពីថ្ងៃម្សិលមិញថា សវនាការធ្វើសេចក្តីសន្និដ្ឋានបិទបញ្ចប់កិច្ចពិភាក្សាដេញដោលក្នុងសំណុំរឿង០០២/០១ នឹងចាប់ផ្តើមធ្វើនៅថ្ងៃទី៩ ដល់ទី២២ ខែតុលា ឆ្នាំ២០១៣ ។
នាអំឡុងពេលនោះ ភាគីសហព្រះរាជអាជ្ញានឹងមានរយៈពេល៣ថ្ងៃ ភាគីសហមេធាវីនាំមុខតំណាងដើមបណ្តឹងរដ្ឋប្បវេណី មានពេលវេលាចំនួន១ថ្ងៃ ហើយភាគីមេធាវីការពារក្តីឲ្យជនជាប់ចោទ នួន ជា និងខៀវ សំផន នឹងមានពេលវេលា២ថ្ងៃសម្រាប់ក្រុមនីមួយ ធ្វើសេចក្តីសន្និដ្ឋានបិទបញ្ចប់របស់ខ្លួន។
ពេលវេលា១ថ្ងៃត្រូវបានបំរុងទុកសម្រាប់ការឆ្លើយតប។ ភាគីនានាត្រូវបានផ្តល់ពេលវេលារហូតដល់ថ្ងៃទី១២ ខែកញ្ញា ឆ្នាំ២០១៣ ដើម្បីដាក់សារណាបិទបញ្ចប់កិច្ចពិភាក្សាដេញដោលរបស់ខ្លួន។
ថ្ងៃសវនាការចុងក្រោយលើសំណុំរឿង០០២/០១ បានប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០១៣ ដោយចាប់តាំងពីចាប់ផ្តើមបើកសវនាការលើអង្គសេចក្តីនៅថ្ងៃទី២១ ខែវិច្ឆិកា ឆ្នាំ២០១១ រហូតដល់ពេលនេះ អង្គជំនុំជម្រះសាលាដំបូងបានដំណើរការសវនាការចំនួន២១២ថ្ងៃ។
បុគ្គលចំនួន ៩២ រូប បានផ្តល់សក្ខីកម្មនៅក្នុងអំឡុងពេលនៃសវនាការនេះ ដែលក្នុងនោះរួមមាន អ្នកជំនាញចំនួន៣រូប សាក្សីចំនួន៥២រូប សាក្សីអត្តចរិតចំនួន៥រូប និងដើមបណ្តឹងរដ្ឋប្បវេណីចំនួន៣២ រូប។ បន្ថែមពីលើនេះ វេជ្ជបណ្ឌិតព្យាបាលចំនួន ២ រូប និងអ្នកជំនាញវេជ្ជសាស្ត្រចំនួន ២ រូប បាន ផ្តល់សក្ខីកម្មទាក់ទងនឹងស្ថានភាពសុខភាពរបស់ជនជាប់ចោទ។
របាយការណ៍ក៏បានបង្ហាញផងដែរថា នៅក្នុងអំឡុងពេលការសវនាការលើសំណុំរឿង០០២/០១ ភាគីនានាបានប្តឹងសុំជាលាយលក្ខណ៍អក្សរចំនួនជាង២៩០បណ្តឹង ហើយជាលទ្ធផលគឺមានសេចក្តីសម្រេចជាលាយលក្ខណ៍អក្សរនិងសេចក្តីសម្រេចដោយផ្ទាល់មាត់ចំនួនជាង២៥០សេចក្តីសម្រេច។ ឯកសារជាង៤០០០ត្រូវបានសម្រេចទទួលយកដាក់ក្នុងសំណុំរឿង០០២/០១ ដែលសរុបទាំងអស់មានចំនួន ១៦៦.៥០០ទំព័រ ជាបីភាសា។
អ្វីដែលគួរឲ្យកត់សម្គាល់នោះគឺដំណើរការជំនុំជម្រះក្តីនេះមានការចាប់អារម្មណ៍យ៉ាងខ្លាំងពីសំណាក់សាធារណជន ដោយមានការចូលតាមដានពីសាធារណជនចំនួន៩៨ ៦៧០នាក់ នៅក្នុងកិច្ចដំណើរការសវនាការលើសំណុំរឿង ០០២/០១ ក្នុងរយៈពេលចំនួន ២១២ ថ្ងៃនេះ។
ជនជាប់ចោទនៅក្នុងសំណុំរឿង ០០២/០១ រួមមាន នួន ជា អតីតអនុលេខានៃបក្សកុម្មុយនិស្តកម្ពុជា ហើយខៀវ សំផន គឺជាអតីតប្រមុខរដ្ឋនៃរបបកម្ពុជាប្រជាធិបតេយ្យ។ បទចោទនៅក្នុងសំណុំរឿង ០០២/០១ ផ្តោតទៅលើការចោទប្រកាន់លើឧក្រិដ្ឋកម្មប្រឆាំងនឹងមនុស្សជាតិទាក់ទងអង្គហេតុនៃការជម្លៀសប្រជាជនដោយបង្ខំពីទីក្រុងភ្នំពេញនៅខែមេសា ឆ្នាំ១៩៧៥ និង ការជម្លៀសប្រជាជនពីតំបន់ផ្សេងៗទៀត (ដំណាក់កាលទី១ និងទី២) ហើយនឹងការចោទប្រកាន់ពីការសម្លាប់រង្គាលទៅលើទាហាន លន់ នល់ នៅទួលពោធិ៍ជ្រៃ នៅក្នុងទឹកដីខេត្តពោធិសាត់។
អង្គជំនុំជម្រះសាលាដំបូងក៏បានស្តាប់ភស្តុតាងនានាទាក់ទងនឹងប្រវត្តិនិងការបង្កើតឡើងនៃរដ្ឋាភិបាលកម្ពុជាប្រជាធិបតេយ្យ និងតួនាទីរបស់ជនជាប់ចោទដែលត្រូវបានចោទប្រកាន់ នៅក្នុងរដ្ឋាភិបាល ក៏ដូចជាភស្តុតាងនានាទាក់ទងនឹងរចនាសម្ព័ន្ធរដ្ឋបាល និងប្រព័ន្ធទំនាក់ទំនងនៅក្នុងរបបកម្ពុជាប្រជាធិបតេយ្យផងដែរ៕
នាអំឡុងពេលនោះ ភាគីសហព្រះរាជអាជ្ញានឹងមានរយៈពេល៣ថ្ងៃ ភាគីសហមេធាវីនាំមុខតំណាងដើមបណ្តឹងរដ្ឋប្បវេណី មានពេលវេលាចំនួន១ថ្ងៃ ហើយភាគីមេធាវីការពារក្តីឲ្យជនជាប់ចោទ នួន ជា និងខៀវ សំផន នឹងមានពេលវេលា២ថ្ងៃសម្រាប់ក្រុមនីមួយ ធ្វើសេចក្តីសន្និដ្ឋានបិទបញ្ចប់របស់ខ្លួន។
ពេលវេលា១ថ្ងៃត្រូវបានបំរុងទុកសម្រាប់ការឆ្លើយតប។ ភាគីនានាត្រូវបានផ្តល់ពេលវេលារហូតដល់ថ្ងៃទី១២ ខែកញ្ញា ឆ្នាំ២០១៣ ដើម្បីដាក់សារណាបិទបញ្ចប់កិច្ចពិភាក្សាដេញដោលរបស់ខ្លួន។
ថ្ងៃសវនាការចុងក្រោយលើសំណុំរឿង០០២/០១ បានប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០១៣ ដោយចាប់តាំងពីចាប់ផ្តើមបើកសវនាការលើអង្គសេចក្តីនៅថ្ងៃទី២១ ខែវិច្ឆិកា ឆ្នាំ២០១១ រហូតដល់ពេលនេះ អង្គជំនុំជម្រះសាលាដំបូងបានដំណើរការសវនាការចំនួន២១២ថ្ងៃ។
បុគ្គលចំនួន ៩២ រូប បានផ្តល់សក្ខីកម្មនៅក្នុងអំឡុងពេលនៃសវនាការនេះ ដែលក្នុងនោះរួមមាន អ្នកជំនាញចំនួន៣រូប សាក្សីចំនួន៥២រូប សាក្សីអត្តចរិតចំនួន៥រូប និងដើមបណ្តឹងរដ្ឋប្បវេណីចំនួន៣២ រូប។ បន្ថែមពីលើនេះ វេជ្ជបណ្ឌិតព្យាបាលចំនួន ២ រូប និងអ្នកជំនាញវេជ្ជសាស្ត្រចំនួន ២ រូប បាន ផ្តល់សក្ខីកម្មទាក់ទងនឹងស្ថានភាពសុខភាពរបស់ជនជាប់ចោទ។
របាយការណ៍ក៏បានបង្ហាញផងដែរថា នៅក្នុងអំឡុងពេលការសវនាការលើសំណុំរឿង០០២/០១ ភាគីនានាបានប្តឹងសុំជាលាយលក្ខណ៍អក្សរចំនួនជាង២៩០បណ្តឹង ហើយជាលទ្ធផលគឺមានសេចក្តីសម្រេចជាលាយលក្ខណ៍អក្សរនិងសេចក្តីសម្រេចដោយផ្ទាល់មាត់ចំនួនជាង២៥០សេចក្តីសម្រេច។ ឯកសារជាង៤០០០ត្រូវបានសម្រេចទទួលយកដាក់ក្នុងសំណុំរឿង០០២/០១ ដែលសរុបទាំងអស់មានចំនួន ១៦៦.៥០០ទំព័រ ជាបីភាសា។
អ្វីដែលគួរឲ្យកត់សម្គាល់នោះគឺដំណើរការជំនុំជម្រះក្តីនេះមានការចាប់អារម្មណ៍យ៉ាងខ្លាំងពីសំណាក់សាធារណជន ដោយមានការចូលតាមដានពីសាធារណជនចំនួន៩៨ ៦៧០នាក់ នៅក្នុងកិច្ចដំណើរការសវនាការលើសំណុំរឿង ០០២/០១ ក្នុងរយៈពេលចំនួន ២១២ ថ្ងៃនេះ។
ជនជាប់ចោទនៅក្នុងសំណុំរឿង ០០២/០១ រួមមាន នួន ជា អតីតអនុលេខានៃបក្សកុម្មុយនិស្តកម្ពុជា ហើយខៀវ សំផន គឺជាអតីតប្រមុខរដ្ឋនៃរបបកម្ពុជាប្រជាធិបតេយ្យ។ បទចោទនៅក្នុងសំណុំរឿង ០០២/០១ ផ្តោតទៅលើការចោទប្រកាន់លើឧក្រិដ្ឋកម្មប្រឆាំងនឹងមនុស្សជាតិទាក់ទងអង្គហេតុនៃការជម្លៀសប្រជាជនដោយបង្ខំពីទីក្រុងភ្នំពេញនៅខែមេសា ឆ្នាំ១៩៧៥ និង ការជម្លៀសប្រជាជនពីតំបន់ផ្សេងៗទៀត (ដំណាក់កាលទី១ និងទី២) ហើយនឹងការចោទប្រកាន់ពីការសម្លាប់រង្គាលទៅលើទាហាន លន់ នល់ នៅទួលពោធិ៍ជ្រៃ នៅក្នុងទឹកដីខេត្តពោធិសាត់។
អង្គជំនុំជម្រះសាលាដំបូងក៏បានស្តាប់ភស្តុតាងនានាទាក់ទងនឹងប្រវត្តិនិងការបង្កើតឡើងនៃរដ្ឋាភិបាលកម្ពុជាប្រជាធិបតេយ្យ និងតួនាទីរបស់ជនជាប់ចោទដែលត្រូវបានចោទប្រកាន់ នៅក្នុងរដ្ឋាភិបាល ក៏ដូចជាភស្តុតាងនានាទាក់ទងនឹងរចនាសម្ព័ន្ធរដ្ឋបាល និងប្រព័ន្ធទំនាក់ទំនងនៅក្នុងរបបកម្ពុជាប្រជាធិបតេយ្យផងដែរ៕
© រក្សាសិទ្ធិដោយ thmeythmey.com
