ខ្មែរក្រហម
ជាតិ
អគ្គទេសាភិបាលនូវែលសេឡង់សន្យាផ្តល់ថវិកាបន្ថែមដល់សាលាក្តីខ្មែរក្រហម
ដោយ: ថ្មីៗ
យោងតាមសេចក្តីប្រកាសព័ត៌មានរបស់សាលាក្តីខ្មែរក្រហម លោកឧត្តមសេនីយ៍ឯក Jerry Mateparae អគ្គទេសាភិបាលនៃប្រទេសនូវែលសេឡង់ បានប្រកាសសន្យាផ្តល់ថវិកាបន្ថែមចំនួន ២០០.០០០ ដុល្លារនូវែលសេឡង់ ជូនអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក្នុងអំឡុងពេលដែលលោកធ្វើទស្សនកិច្ចនៅ អ.វ.ត.ក ដើម្បីបង្ហាញនូវការគាំទ្ររបស់ប្រទេសលោកចំពោះតុលាការនេះ។ ថវិកាដែលបានសន្យានេះគឺផ្តល់ជូនទៅភាគីជាតិនៃ អ.វ.ត.ក។
លោកអគ្គទេសាភិបាលបានដឹកនាំគណៈប្រតិភូចំនួន ១៤ រូបមកកាន់ អ.វ.ត.ក ក្នុងអំឡុងពេលលោកធ្វើទស្សនកិច្ចផ្លូវរដ្ឋចំនួន៥ថ្ងៃក្នុងប្រទេសកម្ពុជា។ នេះគឺជាលើកទីមួយហើយដែលមេដឹកនាំមួយរូបដែលមានឋានៈជាប្រមុខរដ្ឋបានទៅទស្សនកិច្ចនៅ អ.វ.ត.ក។
លោកសុខ អាន ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលកម្ពុជាសម្រាប់តុលាការខ្មែរក្រហម និងលោក ក្រាញ់ តូនី ប្រធានការិយាល័យរដ្ឋបាលស្តីទីនៃអ.វ.ត.ក បានស្វាគមន៍អគ្គទេសាភិបាលរូបនេះ ព្រមទាំងបានជួបពិភាក្សាអំពីការវិវឌ្ឍថ្មីៗរបស់តុលាការ និងបញ្ហាប្រឈមផ្សេងៗ ដែលតុលាការបាននិងកំពុងជួបប្រទះដើម្បីបញ្ចប់អាណត្តិរបស់ខ្លួន។
នាកិច្ចប្រជុំនោះ Jerry Mateparae បានមានប្រសាសន៍ថា៖ “យើងទទួលស្គាល់ថា ប្រជាជនកម្ពុជាពឹងផ្អែកលើសាលាក្តីនេះនៅក្នុងដំណើរការផ្សះផ្សាជាតិ ហើយប្រទេសនូវែលសេឡង់ នឹងបន្តជួយសាលាក្តីនេះរហូតទាល់តែបញ្ចប់ភារកិច្ចរបស់ខ្លួនក្នុងការជំនុំជម្រះក្តីលើមេដឹកនាំជាន់ខ្ពស់នៃរបបខ្មែរក្រហម។
បន្ទាប់មក លោកបានប្រកាសថា ប្រទេសនូវែលសេឡង់បានសន្យាផ្តល់ថវិកាចំនួន ២០០.០០០ ដុល្លារនូវែលសេឡង់ទៅខាងភាគីជាតិនៃសាលាក្តីនេះ ដែលកំពុងប្រឈមនឹងបញ្ហាហិរញ្ញវត្ថុ និងដែលកំពុងស្វែងរកជំនួយជាចាំបាច់។
ប្រទេសនូវែលសេឡង់បានជួយគាំទ្រ អ.វ.ត.ក តាំងពីដើមដំបូងមកម្ល៉េះ ហើយកន្លងមក បានផ្តល់ថវិកាចំនួន ១,២ លានដុល្លារនូវែលសេឡង់រួចមកហើយដល់ អ.វ.ត.ក។ ការផ្តល់វិភាគទានចុងក្រោយ បានធ្វើឡើងកាលពីខែវិច្ឆិកាកន្លងទៅនេះ គឺនៅអំឡុងពេលដែលលោកនាយករដ្ឋមន្ត្រី John Key មកធ្វើទស្សនកិច្ចនៅសាលាក្តីនេះ។ គិតទាំងថវិកាដែលសន្យាថានឹងផ្តល់ជូននៅលើកនេះទៀត ថវិកាដែលប្រទេសនូវែលសេឡង់ផ្តល់ជូន អ.វ.ត.ក នឹងមានចំនួនសរុប ១,៤ លានដុល្លារនូវែលសេឡង់៕
លោកអគ្គទេសាភិបាលបានដឹកនាំគណៈប្រតិភូចំនួន ១៤ រូបមកកាន់ អ.វ.ត.ក ក្នុងអំឡុងពេលលោកធ្វើទស្សនកិច្ចផ្លូវរដ្ឋចំនួន៥ថ្ងៃក្នុងប្រទេសកម្ពុជា។ នេះគឺជាលើកទីមួយហើយដែលមេដឹកនាំមួយរូបដែលមានឋានៈជាប្រមុខរដ្ឋបានទៅទស្សនកិច្ចនៅ អ.វ.ត.ក។
លោកសុខ អាន ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលកម្ពុជាសម្រាប់តុលាការខ្មែរក្រហម និងលោក ក្រាញ់ តូនី ប្រធានការិយាល័យរដ្ឋបាលស្តីទីនៃអ.វ.ត.ក បានស្វាគមន៍អគ្គទេសាភិបាលរូបនេះ ព្រមទាំងបានជួបពិភាក្សាអំពីការវិវឌ្ឍថ្មីៗរបស់តុលាការ និងបញ្ហាប្រឈមផ្សេងៗ ដែលតុលាការបាននិងកំពុងជួបប្រទះដើម្បីបញ្ចប់អាណត្តិរបស់ខ្លួន។
នាកិច្ចប្រជុំនោះ Jerry Mateparae បានមានប្រសាសន៍ថា៖ “យើងទទួលស្គាល់ថា ប្រជាជនកម្ពុជាពឹងផ្អែកលើសាលាក្តីនេះនៅក្នុងដំណើរការផ្សះផ្សាជាតិ ហើយប្រទេសនូវែលសេឡង់ នឹងបន្តជួយសាលាក្តីនេះរហូតទាល់តែបញ្ចប់ភារកិច្ចរបស់ខ្លួនក្នុងការជំនុំជម្រះក្តីលើមេដឹកនាំជាន់ខ្ពស់នៃរបបខ្មែរក្រហម។
បន្ទាប់មក លោកបានប្រកាសថា ប្រទេសនូវែលសេឡង់បានសន្យាផ្តល់ថវិកាចំនួន ២០០.០០០ ដុល្លារនូវែលសេឡង់ទៅខាងភាគីជាតិនៃសាលាក្តីនេះ ដែលកំពុងប្រឈមនឹងបញ្ហាហិរញ្ញវត្ថុ និងដែលកំពុងស្វែងរកជំនួយជាចាំបាច់។
ប្រទេសនូវែលសេឡង់បានជួយគាំទ្រ អ.វ.ត.ក តាំងពីដើមដំបូងមកម្ល៉េះ ហើយកន្លងមក បានផ្តល់ថវិកាចំនួន ១,២ លានដុល្លារនូវែលសេឡង់រួចមកហើយដល់ អ.វ.ត.ក។ ការផ្តល់វិភាគទានចុងក្រោយ បានធ្វើឡើងកាលពីខែវិច្ឆិកាកន្លងទៅនេះ គឺនៅអំឡុងពេលដែលលោកនាយករដ្ឋមន្ត្រី John Key មកធ្វើទស្សនកិច្ចនៅសាលាក្តីនេះ។ គិតទាំងថវិកាដែលសន្យាថានឹងផ្តល់ជូននៅលើកនេះទៀត ថវិកាដែលប្រទេសនូវែលសេឡង់ផ្តល់ជូន អ.វ.ត.ក នឹងមានចំនួនសរុប ១,៤ លានដុល្លារនូវែលសេឡង់៕
© រក្សាសិទ្ធិដោយ thmeythmey.com
